Германските власти не успеваат да затворат хостел во амбасадата на Северна Кореја во центарот на Берлин

Поради санкциите на Обединетите нации , Германија со години се обидува да затвори хостел , изграден во делот на амбасадата на Северна Кореја во Берлин.

- Министерството за надворешни работи по усвојувањето на резолуцијата на Обединетите нации за санкции против Северна Кореја, вклучително и забрана за комерцијален бизнис од секаков вид, побара од амбасадата на Северна Кореја да го затвори хостелот сместен во еден дел од зградата, но тоа досега не се случило - стои во заедничката изјава на тимот за истражување на јавните служби WDR и NDR , пренесува Sueddeutsche Zeitung.

Минатата година амбасадата покрена постапка за иселување против закупецот на просториите, но процесот заглави во постапката затоа што амбасадата не ги платила судските трошоци, блокирајќи го процесот.

Неименувани локални службеници на Берлин изразија сомневање дека амбасадата намерно не плаќа судски такси за да го задржи процесот замрзнат и така хостелот продолжува да работи и носи  девизи на сметката на Северна Кореја.

Берлинската даночна администрација се обидува да и наплати на амбасадата даночен долг од повеќе од еден милион евра, но не може да се докаже на суд дека хотелската компанија што закупува дел од зградата, и  ја плаќа киријата на Северна Кореја.

Хостелот ,,Сити Берлин”, поради својата локација и цените, е исклучително популарен кај туристите, кои во исто време уживаат во шармот на социјалистичката архитектура. Комплексот се наоѓа недалеку од трасата на поранешниот Берлински Ѕид и во близина на портата Бранденбург.

Помпео се заканува со санкции поради иранскиот танкер!!

САД ќе преземат се што можат за да не дозволат иранскиот танкер да успее да и достави нафта на Сирија во Средоземното море, и на тој начин да се прекршат американските санкции, изјави државниот секретар на САД Мајк Помпео.

Помпео ја предупреди официјална Атина да  не му помага на иранскиот танкер и се закани со санкции доколку тоа се случи, пренесе Ројтерс.

Официјална Грција соопшти дека не добила никакво барање од танкерот за пристанување  во едно од нивните пристаништа.

-Јасно им дадовме до знаење дека ако допуштат иранскиот танкер да влезе во пристаниште ризикуваат САД да им воведе санкции, изјавил Помпео.

Американскиот државен секретар воедно истакнал дека САД ќе сторат се за го спречат заминувањето на иранскиот танкер во Сирија.

Поради дефект без вода корисниците од Момин Поток

  Поради уличен дефект на улицата „Октомвриска револуција" 56 во Скопје од 10:15 часот претпладнево е прекинато водоснабдувањето на корисниците од населбата Момин Поток.

– Прекинот ќе трае до отстранување на дефектот, соопшти ЈП „Водовод и канализација"-Скопје.

МТСП планира да отвори повеќе шелтри за жртви на семејно насилство

Шелтерот во Кочани е еден од четирите засолништа коишто функционираат во државата и ги исполнува сите најсовремени стандарди. Останатите три центри се во Скопје, Битола и Свети Николе.

Министерката за труд и социјална политика Мила Царовска вчера попладне го посети Засолништето за лица жртви на семејно насилство во Кочани, каде што беше на роденденска забава на едно од четирите малолетни деца кои се засолнети заедно со нивната мајка. Стручниот тим детално ја информираше министерката за овој случај на семејно насилство, како и за процедурите и постапките за него, соопшти денеска Министерството за труд и социјална политика.

Шелтерот во Кочани е еден од четирите засолништа коишто функционираат во државата и ги исполнува сите најсовремени стандарди. Останатите три центри се во Скопје, Битола и Свети Николе.

-До крајот на годината Министерството планира да отвори уште неколку специјализирани сервиси за жртви на семејно насилство, во повеќе региони низ државата. Целта на овие сервиси е советување, третман и заштита на жртвите на родово базирано насилство, од сите форми на насилство, најави МТСП.

Од Министерството за труд и социјална политика истакнуваат дека посветено работат на соодветна и навремена помош и заштита на жртвите на семејно насилство.

МТСП е во фаза на подготовка на законска рамка за превенција и заштита од сите форми на насилство врз жената и активности од Националниот акциски план за спроведување на Истанбулската конвенција. Дел од тие активности ќе се реализираат со поддршка од Холандската амбасада за што неодамна беше потпишан договор за соработка.

притисни ентер