Стефанова по распитот: Се што знам споделив со надлежниот обвинител

Нови 30 дена притвор за Бојан Јовановски и Зоран Милевски, им одреди Кривичниот суд на осомничените во случајот Рекет. Во меѓувреме, за аферата која со денови ја тресе Македонија, пет часа сведочеше обвинителката Лиле Стефенова.

По еден месец  поминат во притвор двајцата осомничени за аферата Рекет, Бојан Јовановски и Зоран Милевски Кичеец остануваат во  Шутка.  Кривичниот суд им определи нови  30 дена по барање на Обвинителството за гонење на организиран криминал и корупција.

Овој случај и натаму ја бранува македонската, но и меѓународната јавност. Денеска пет часа во обвинителството во својство на сведок исказ даде и обвинителката од СЈО Лиле Стефанова чие име беше спомнато во бомбите на Ла Верита..Таа по распитот во изјава за медиумите рече дека е свесна за интересот на јавноста за оваа истрага, но истакна дека се што имала да каже изнела пред надлежната обвинителка Ивана Трајчева, а и во писменото соопштение кое беше објавено во петокот во кое пишува дека таа се противела на одлуките на Јанева. Обвинителката Стефанова не одговори зошто нејзините сознанија досега не ги пријавила во надлежните институции. Единствено кога беше побаран нејзин коментар за тоа дека бизнисменот и нејзин долгогодишен пријател Ванчо Чифлиганец ја демантирал дека преку дел од осомничените во Империја вршел влијание таа само рече дека “никој не ја демантирал”.

Од Обвинителството и натаму молк за тоа дали и кога ќе биде повикана да даде исказ специјалната обвинителка Катица Јанева, која од вчера, по годишниот одмор се врати на работа во СЈО. Во отсуство на поинтензивна истрага за аферата, истрагата петти ден по објавувањето на бомбите во „Ла Верита“ ја водат и медиумите. Новинарот Љубиша Николовски одговорност мора да има, а медиумите да не потпаѓаат под политичко влијание.  

Вчера исказ за Рекет даде и обвинителката Елизабета Јосифовска. Какво ќе биде темпото на истрагата веројатно ќе биде појасно од утре, кога од годишен одмор се враќа обвинителката Вилма Русковска , која го води овој случај.

Заев: Стануваме дел од најмоќната воено-безбедносна и политичка алијанса на светот

Премиерот Заев заедно со министерката за одбрана Шекеринска и претседателот на собранието, Џафери, остварија средба со адмирал Џејмс Фого, командантот на американските поморски сили за Европа и Африка. 

Средбата се одржа на носачот на авиони „Хари С. Труман“.

Тоа беше можност одблиску да се доживеат импресивните воени способности на воено поморските сили на САД, кои им служат на американските, но и на сите граѓани на земјите – членки на НАТО алијансата, напиша на Фејсбук премиерот Заев.

Путин и Зеленски за прв пат се сретнаа во Париз

Во Париз денес се одржува состанок на германската канцеларка Ангела Меркел, претседателот на Франција Емануел Макрон но и рускиот и украинскиот лидер Владимир Путин и Володимир Зеленски.

Четворката се состана за да пробаат да најдат решение за прекин на петгодишните  конфликти на истокот од Украјна, а средбата е означена како клучна.

Инаку, ова е прв состанок на руски и украински претседател во пет години.

Намалена видливост на неколку патни правци

Намалена видливост поради појава на магла до 30 метри има на патниот правец Попова Шапка – Гајре – Тетово, до 150 метри на Плетвар, Кичево и Македонски Брод, од 50 до 100 метри во Крива Паланка и до 50 метри во Тетово – Групчин.

-Сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата, информира АМСМ.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево./МИА

притисни ентер