Видео: Вистинка летачка чинија

Група  романски инженери направила летачки објект наречен АДИФО (All-Directions Flying Object), односно летачка линија која може да се движи во сите правци.

Станува збор за летало кое многу наликува на „летачка чинија“, кое при мали брзини се однесува како квадкопер, додека пак при големи брзини се движи со помош на млазни мотори.

Аеродинамиката на оваа романска „летачка чинија“ е таква да телото во движење создава дополнителен погон. Романските инженери тврдат дека овај објект е способен да лета и со суперсонични брзини.

Прототипот на АДИФО е  широк 1,2 метри, дизајниран е според обликот на делфините, како што открил еден од конструкторите Разван Сабие.

За вертикален лет, романската „летачка чинија“ користи 4 фан мотори(вентилатори), а за хоризонтален лет објектот користи два млазни мотора.

Поради специфичниот аеродинамичен профил, романските инженери тврдат дека нема да им суперсоничен „бум“ кога леталото ќе го пробие звучниот ѕид.

Романската „летачка чинија“ многу потсетува на сличните проекти кои во текот на 50-тите и 60-тите години на минатиот век ги развиваа САД и тогашниот СССР.

Научниците за прв пат ја измерија брзината на отчукување на срцето на синиот кит кога ќе нурне

Научниците со помош на електрокардиограф прицврстен за телото на синиот кит за прв пат во историјата ја измериле брзината на отчукувањето на срцето на ова животно.

Кога ќе се нурне под вода во потрага по храна, заклучиле дека има само неколку отчукувања во минута.

Научниците заклучиле дека, најголемиот цицач, синиот кит, кој може да достигне должина и до 30 метри и да тежи 200 тони, ја намалува активноста на срцето на само неколку отчукувања во минута кога ќе се нурне во вода.

Кога  синиот кит е под вода на моменти срцето му чука со само две отчукувања во минута а откако ќе излезе на површината на океанот и ќе вдише воздух срцето му чука со 37 отчукувања по минута, пишува „Ројтерс“.

Кај луѓето, срцето во состојба на мирување отчукува во распон од 60 до 100 отчукувања во минута а за време на напор или вежбање околу 200 отчукувања во минута.

.

Мекларен го претстави најмоќниот модел од својата Спорт серија

Британскиот Мекларен поприлично богатата година, кога се во прашање новите модели, ја заокружи со најмоќната верзија од својата Мекларен Спорт серија.

Се работи за ограничена серија од тркачкиот модел „620R“ прилагоден за цивилна употрева.

Мекларен ќе направи само 350 примероци со 3.8 литарски „V8“ мотор кој испорачува 611 коњски сили.

Овој модел базиран на тркачката верзија  „570S GT4“ забрзува од 0 до 100 км/ч за само 2,9 секунди.

За сопирање на „620R“ се задолжени карбон- керамички сопирачки со дискови со дијаметар од 390 милиметри напред и 380 милиметри назад.

Почетната цена на моделот е 299.000 долари.

Видео: Пресушија Викториините водопади

Викториините водопади настанале на местото каде што африканската река Зембези пропаѓа во 100 метарска провалија. 

Убавината на водопадите привлекуваше милиони туристи во Зимбабве и Замбија а сега се пресушени заради најголемата суша во последните сто години.

Иако е вообичаено за време на сушните периоди овие водопади да подзапрат, оваа година дошло до неочекувано опаѓање на нивото на водата. Се стравува дека климатските промени би можеле трајно да ги уништат водопадите.

„Претходните години, кога ќе пресушеа, тоа не се случуваше во толкава мера“, вели Доминик Њамбе, продавач на сувенири. „Ова прв пат го гледаме“, додава тој.

Овој продавач вели и дека веќе опаднал бројот на туристи кои виделе на интернет дека водопадите пресушиле.

Проблемот е што целата област е погодена од суша и што многу луѓе останале и без храна. Се проценува дека помош им е потребна на околу 45 милиони луѓе.

Зимбабве и Замбија се погодени и од рестрикција на струја, затоа што производството на оваа енергија зависи исклучиво од хидроелектраната Кариба која се наоѓа на реката Замбези.

Официјалните податоци покажуваат дека нивото на реката Замбези е под она во 1995 година, што било најниско забележано ниво досега. Претседателот на Замбија Едфар лунгу рекол дека ова е предупредување за тоа што климатските промени можат да и направат на нашата животна средина.

Викториините водопади се едни од најголемите и најспектакуларните во светот.

притисни ентер