Полското камерно трио „Пендерецки" вечерва на „Охридско лето"

Концертот ќе се одржи во несекојдневната акустика на катедралната црква „Света Софија", со почеток од 21.00 часот.

Шестиот ден од програмата на годинешното 59-то издание на „Охридско лето" нуди концерт на полското трио „Пендерецки", составено од уметниците Конрад Сколарски на пијано, Јарослав Наджицки на виолина и Карол Марјановски на виолончело.

Клавирското трио „Пендерецки" е креирано со голем ентузијазам од страна на тројца од најдобрите и најзначајни полски музичари на денешницата. Долги години тие биле блиски со легендарниот композитор Кшиштоф Пендерецки и со неговиот огромен творечки опус. Секој од членовите на ова трио – талентираниот пијанист Конрад Сколарски, виртуозот на виолина Наджицки како и сензационалниот виолончелист Карол Марјановски има независна кариера во нивната родна земја и во странство. Тие се лауреати на бројни интернационални натпревари, и имаат концертни настапи во Европа, Северна и Јужна Америка и Азија. Како солисти и камерни музичари (двајцата гудачи до неодамна беа јадро на Квартетот „Мекоре"), сите членови на триото „Пендерeцки" настапувале во познати концертни сали како Аудиториумот во Мадрид, „Вигмор хол", „Кадоган хол" и „Мењухин хол" во Лондон, „Музиквераин" во Виена, „Бозар" во Брисел, Фрик Колекцијата во Њујорк, уникатниот „Полак" хол во Монтреал, големата сала на Варшавската филхармонија, Големата сала на Московскиот конзерваториум, концертната сала „Арам Хачатуријан" во Eреван, „Атенеум" во Букурешт.

Иако постојано настапуваат или снимаат, секој од музичарите настојува да има независна кариера, па така секој од нив остварува соработки со исклучителни музичари како: Алфред Брендл, Гунтер Пихлер, Герхард Шулц, Валентин Ербен, Хаиме Мулер, Павел Гилилов и квартетот „Артемис". Како солисти настапуваат со реномирани диригенти меѓу кои: Кшиштоф Пендерецки, Михаил Јуровски, Џо Ан Фалета, Лукаш Борович, Валериј Гиергиев, Максим Венгеров, Кристијан Јарви, Џанкарло Гуерреро, Сергеј Смбатјан, Масимилијано Калди и Пол Гудвин. Настапуваат со врвни светски оркестри како Лондонската филхармонија, Кралската филхармонија од Лондон, МДР симфонискиот оркестар и оркестарот „Симон Боливар" од Венецуела.

Добитници се на бројни награди на натпревари, но и нивните снимени изданија добиваат бројни признанија од стручната музичка јавност. Така добитници се на наградата „Суперсоник" која ја доделува германското музичко списание „Пицикато", наградени се со дури пет „Златни дијапазони" од страна на француското списание „Дијапазон", а неколку пати се номинирани за полската награда „Фредерик".

Образованието, овие тројца уметници го стекнуваат на Високата школа за музика во Келн, на Бостонскиот конзерваториум, на Универзитетот за музика „Фредерик Шопен" во Варшава на Академијата „Падеревски" во Познан каде сега се занимаваат со педагогија.

Триото „Пендерецки" има голема чест да го носи името на нивниот ментор, Кшиштоф Пенедерецки, еден од најзначајните живи полски композитори кој со своите дела и уметничка личност остава огромен белег врз културниот живот во Полска во минатиот, но и во овој век./МИА

Ангеловска: Граѓаните можат да добијат и до 20.830 евра субвенција преку „купи куќа, купи стан“

Пониска камата, повисоки субвенции се новите поволности кои се промовираа пред граѓаните заинтересирани за проектот купи куќа, купи стан.

Со новините на проектот предвидено е каматна стапка од 2,9% за првите три години и 3,9% за четвртата и петтата година, по што каматата следните години не смее да биде повисока од оние за станбен кредит. Субвенциите може да достигнат и до 20 илјади евра за млади кои ако земат кредит за куќа од 50 илјади евра на десет години. Условите за субвенционирање на државата се поделено на они помлади од 35 години и над оваа граница. Може да се конкурира за нов стан, куќа, доградба или надградба. Според сегашната динамика на искористеност на проектот оптимистичките проценки се дека годината би завршила со 150 одобрени проект што кога ќе се погледне во однос на вкупниот број директно продадени станови е многу слаба искористеност на проектот од 2 до 3%.

Градежниците потврдуваат дека многу повеќе има интерес за дирекна продажба отколку преку проектот

Една од новините во новиот проект е дополнителна 30% едногодишна субвенција за месечната рата за родено или посвоено дете во рок од 10 години од земањето на кредитот.

Заев и Сугарески во увид на градежните работи на клучката за ТИРЗ Прилеп

Надвозник со пристапни патишта кои овозможуваат безбедност и поголема пристапност за влез и излез од магистралниот пат Прилеп- Битола во индустриската зона ќе бидат ставени во функција до крајот на првата половина од идната година.

Овој инфраструктурен зафат вреден 240 милиони денари е битен за сегашните и за идните странски инвеститори кои ќе отвораат фабрики во овој дел од земјава. Став на премиерот Заев при денешниот увид во градежните работи на овој објект.

Министерот за транспорт Сугарески информира дека 28 проекти се во тек на реализација. За 7 е објавен тендер а 20 нови ќе бидат објавени на почетокот од идната година. Тој тврди дека се работи на документацијата за експресниот пат Прилеп- Битола а на оној од градско до Прилеп продолжуваат градежните работи.

Според владините претставници во инфраструктура и гасификација во пелагонискиот регион досега има вложено над 50 милиони евра. А,целта е  да се создадат подобри услови за живот и работа.

Зошто обвинителството не бара притвор за напад врз полицајци!?

Зошто јавното обвинителство не бара притвор за случаи со напади врз полицајци?

Ова прашање јавно го поставва  Министерот за внатрешни работи Оливер Спасовски, кој е разочаран од несоодветно постапување на обвинителството за последниот случај со престрелката на криминална група во хотелот Александар Палас  на која и претходел конфликт меѓу осомничените и полициските алфи кои добиле закани по живот и за нивните семејства.  Напад на полициски службеник е напад на државата, а обвинителството не побара притвор, реагираше Спасовски.

Но министерот за внатрешни работи вчера во телевизиско интервју наброја и други случаи каде обвинителството не побарало мерка притвор, а тоа било неопходно. Спасовски откри голем случај со перење пари во Куманово, а јавното обвинителство не бара построги мерки. Ист е и случајот фатените подметнувачи на пожари и со криумчарењето мигранти во кумановско..

Од јавното обвинителство за Канал 5 велат дека не сакаат да коментираат ставови и изјави на политичари и функционери. Но тврдат дека постапуваат законски за сите случаи. Доколку обвинителството има законски основи да бара притвор тоа го прави, доколку нема основ се одредуваат други мерки, велат од обвинителство.

Министерот Спасовски пак дециден -  мора да почне прочистување во МВР и обвинителствата. Потребно е да се отвораат предмети за одговорност на судии, обвинители, но и поголем ангажман на Судскиот совет, Советот на јавни обвинители, ДКСК кои според него ќе имаат поголема контрола врз обвинителите.

притисни ентер