Димитров: Имаме политичка волја да помогнеме за ФЕТО, но мора да се почитува правниот систем

Турција секогаш била со Македонија кога било тоа најпотребно. 

Го ратификувавме протоколот за НАТО, а и покрај тоа што не сме дел од Европската Унија силно ве поддржуваме оваа година да ги почнете преговорите за членство. Министерот за надворешни работи на Турција Мевлут Чавушоглу кој е во дводневна посета на земјава верува во машата евроатланската иднина, но очекува  да  помогнеме  во борбата против организацијата „ФЕТО“ и „ѓуленистите“, кои пред 3 години направија неуспешен обид за воен преврат во Турција.

-Борбата против оваа терористичка организација е важна и за безбедноста на Македонија, но и за безбедноста на регионот. Тие се присутни во повеќе од 100 земји и значи дека некој ги подржува. Очекуваме чекори на овој план. Туција од секогаш е покрај Македонија Ние сме природни сојузници,а сега и официјално ќе бидеме сојузници во НАТО,изјави - Мевлут Чавушоглу – Министер за надоврешни работи на Турција.

Сепак Турција си има свои проблеми со ЕУ и НАТО. Лидерите за земјите членки на унијата во Брисел одлучија да воведат санкции против официјална аАнкара поради дупчење за пронаоѓање гас и нафта покрај брегот на Кипар, а челниците на НАТО, пред се САД, остро реагираат на купувањето на руски ракети за потребните на турската армија. Сепак, турските власти по се изгледа не се многу  загрижени  за овие состојби.

-Системот што го набавуваме не претставува закана за системот на НАТО, а вклучувајќи ги и воените авиони Ф-35, ќе биде под целосна контрола на Турција. Ќе се користи во моментот кога ќе имаме потреба од безбедносна одбрана,изјави - Мевлут Чавушоглу – Министер за надоврешни работи на Турција.

Средбата меѓу Димитров и Чавушоглу беше искористена и за договарање на деталите за најавената посета на турскиот претседател Реџеп Тапи Ердоган на земјава.

Заев: Ќе ја испочитуваме Венецијанската комисија за законот за употребата на јазиците

Владата останува на својот заклучок, усвоен пред да се испрати законот до Венецијанската Комисијата, според којшто истиот решение ќе се ревидира согласно препораките, вели премиерот Зоран Заев.

 Додава дека Министерството за правда ќе подготви измени на Законот согласно препораките на Комисијата и истите ќе бидат испратени до Собранието.

Премиерот уверува дека ова е став усогласен и со владиниот партнер ДУИ. Но, од партијата на Али Ахмети денеска не сакаат да дадат коментар што по заклучоците. Ахмети пред две недели во пресрет на одлуката на Венецијанската комисија порача дека не треба да се оди назад бидејќи тоа ќе и’ штети на државата.

Вицепремиерот  Бујар Османи синоќа по одлуката на Комисијата на Фејсбук го издвои само дел којшто се однесува на двојазичните банкноти, а во кој што се вели дека ваква пракса е воспоставена и во други земји. Според толкувањето на вицепремиерот Комисијата ги омекнала официјалните заклучоци во однос на оние наведени во неофицијалната верзија. Османи за утре закажа брифинг на којшто ќе ги презентира заклучоците на Комисијата за Законот за јазици.

Опозицијата категорична дека Владата мора да ги почитува препораките и дека се потврдиле изнесени забелешки за дел од законските одредби.

„Овој извештај од Венецијанската комисија го потврди она што ВМРО-ДПМНЕ постојано го кажуваше, а тоа е дека вакво законско решение го оптоварува општеството го оптоварува движењето на документи особено во судскиот дел и да биде уште појасно го потврдува она што ВМРО-ДПМНЕ го зборуваше дека ВМРО-ДПМНЕ е за употреба на јазиците но тоа да биде согласно законските норми и она што треба да биде олеснување во комуникацијата низ институциите. Така што тоа што треба да се направи е да се испочитува ставот на Венецијанската комисија гледаме дека тоа предизвикува нетрпеливост внатре во владината коалиција“, вели Наум Стоилковски, портпарол на ВМРО ДПМНЕ.

Законот за јазици беше усвоен во 2018-та година, а стапи на сила во јануари на годината откако беше објавен без потпис на тогашниот претседателот Иванов во Службен весник. Владата за мислење од Венецијанската комисија го испрати во август годинава.

Венецијанската комисија и официјално бара да преиспитување на законот за јазици

Властите во Македонија да ја преиспитаат употребата на законот за јазиците преку консултации со сите засегнати страни во земјава – стои во мислењето кое вчера го усвои Венецијанската комисија.

Правните експерти на Советот на Европа подвлекуваат дека со предлог-законот се надминува европската рамка, и се создаваат непотребни  трошоци за државните институции и судството. Токму во тој дел се однесуваат и најголемиот дел од препораките на комисијата, каде се бара напуштање на двојазичноста во судските процедури.

„Венецијанската комисија дава неколку препораки до властите во С. Македонија, особено во делот за напуштање на одредбите поврзани со двојазичноста во судските процедури. Исто така препорачува, обврската за употреба на албанскиот јазик во внатрешна и меѓу институционална комуникација помеѓу јавните службеници да биде ограничена на писмена комуникација, или нејзиното стапување во сила да биде одложено додека правилното спроведување на таа одредба се чини реална“, велат од Венецијанската комисија.

Комисијата исто така предупредува дека казните кои се предвидени со законот се превисоки и треба да се променат. Дополнително, според нив, потребна е промена на некои одредби од законот кои не се доволно јасни.

„Во поглед на спроведувањето на паричните санкции, правните експерти на Советот на Европа посочуваат дека тие треба да се одложат, се додека не се измени законот со цел да се обезбеди доволна правна јасност, да се намалат износите на казните, како и да се воведе елементот на вина и принципот на пропорционалност“, велат од Венецијанската комисија.

По ваквиот исход,професорката Тања Каракамишева која е дел од комисијата, на социјалната мрежа Фејсбук најави дека идната недела до Уставниот суд ќе поднесе иницијатива за поништување на законот за јазиците. Каракамишева ги повика сите научни капацитети во земјата да и се придружат, вклучително и неколку нејзини колешки од правниот факултет. Една од нив, професорката Гордана Силјановска, која истот ака неколку години беше претставник на Македонија во Комсиијата,во гостувањето во емисијата „Само Интервју“ на Канал 5 предупреди дека иако не е задолжително, мислењето на Венецијанската комисија има големо влијание кое мора да се почитува.

Целосниот извештај на венецијанската комисија за употребата на законот за јазиците предвидено е да биде објавен во понеделник, за кога и подетално ќе бидат познати забелешките на комисијата поврзани со законот за употреба на јазиците.

Македонски автобус се преврте во Србија на пат кон Копаоник

Утрово околу 10 часот излетал од патот и се превртел македонски автобус во соседна Србија близу Блаце кај месноста Белољин. Во несреќата се повредени 26 лица од кои 18 се згрижени во болницата во Блаце додека 8 се згрижени во болницата во Прокупље.

„Според првичните информации од лекарите згрижените се надвор од животна опасност, додека едно лице во Прокупље е потешко повредено. Засега сите се контактибилни, но за секој случај во болницата во Прокупље се врши и компјутерска томографија за да се утврди прецизно состојбата на повредените. Амбасадата на Република Северна Македонија во Белград е во постојана комуникација со надлежните органи. Од страна на МВР на Србија – Полиција Блаце сме информирани дека се уште се врши увид на местото на несреќата и засега не можат да се дадат подетални информации. На терен е и надлежен јавен обвинител“,стои во соопштените на министерството за надворешни работи.

Засега не е позната причината зошто автобусот излетал од патот во ендекот. Една од можните причини според српските медиуми кои ја пренесоа веста е тоа што оваа делница од Прокупље до Блаце на која порано многу имало сообраќајни незгоди последниов месец се реконструира и има градежни зафати па е под времен режим на сообраќај.  Патот на местото каде што излетал македонскиот автобус е само тампониран и тешко се разграничува до каде може да се вози а каде почнува ендекот односно ископаниот канал покрај патот кој служи за да ја собира водата во кој пропаднал автобусот. Екипите на српската брза помош веднаш пристигнале на местото на несреќата по што повредените се транспортирани во болници. Според неофицијални информации од болницата во Блаце патниците биле претежно од Радовиш кои тргнела на едно дневна екскурзија на Копаоник.

притисни ентер