Поповски од Лондон: Наша главна цел останува професионално и квалитетно новинарство

Професионалното, квалитетно новинарство останува главна цел на Република Македонија. 

Новинарство кое се спротивставува на влијанијата на центрите на моќ, изјави на вториот ден од меѓународната конференција за слободата на медиумите во лондон, министерот задолжен за комуникации, отчетност и транспарентност Роберт Поповски.

Конференцијата, посочи Министерот Поповски во своето обраќање во рамките на националните изјави, покажа дека демократиите беа сведоци на растечките закани коишто произлегоа од ширењето на дезинформации и онлајн пропагандистички кампањи, вклучувајќи и координирани напори од голем размер за потиснување на внатрешните демократски процеси.

– Република Северна Македонија во последниве години го доживеа овој феномен како една од целите на сензационализмот, недостојни медиумски содржини и лажни вести – изјави Поповски.

Нагласи дека земјава целосно ја почитува слободата на говорот и на медиумите, гарантирани со повелбите за човекови права.

– Донесовме законска регулатива за транспарентна постапка за избор на совет на јавни радиодифузни служби и советот на агенцијата за медиуми, којашто гарантира реформа, независност од која било партија и ослободена од какво било влијание. Формиран е професионален владин сектор за комуникација, како комплетен, 24-часовен сервис за новинарите и граѓаните. Без предрасуди и комплекси, како и нашите програмски политики, ние се отворивме за јавноста – изјави Поповски.

Честитка од Пендаровски по повод Денот на Mакедонската револуционерна борба

Дозволете да ви го честитам 23 Октомври ‒ Денот на Македонската револуционерна борба. 

Претседателот на Република Македонија, Стево Пендаровски упати честитка до граѓаните по повод 23 Октомври - Денот на Mакедонската револуционерна борба.

  Пред 126 години со формирањето на Македонската револуцонерна организација беа удрени темелите на организираната револуционерна борба за слобода и за создавање независна македонска држава. Беа потребни години на непрекината борба, страдања, хероизам и непокор, беа потребни Илинден 1903 и АСНОМ 1944, Референдумот на 8 септември 1991 за конечно да создадеме држава. Ние, денешните генерации, ги уживаме резултатите  на револуционерната борба ‒ живееме во слобода, во своја самостојна држава.

Секое време носи можности и искушенија. Секоја генерација има свои предизвици и цели. Нашиот предизвик е да ја направиме Република  Македонија просперитетна и почитувана, демократска и модерна. За тоа ни треба толеранција во меѓусебните односи, почит за другите, одговорност кон заедницата, грижа за животната средина и помагањето на ближните. Ни треба сплотеност без разлика на етничка, верска, политичка или каква било припадност. Не смеат да нè обесхрабруваат никакви пречки и премрежија. Го знаеме својот пат и на тој пат продолжуваме заедно.

Нека ни е честит 23 Oктомври!

СДСМ: Со СДСМ на власт, платите растат многу побрзо,

Со СДСМ на власт, платите растат многу побрзо, просечната плата во август годинава е зголемена за 3,8 отсто, на прав пат сме.

Просечната плата во август 2019 година е зголемена за 3,8 проценти, во однос на истиот месец минатата година и сега изнесува 25.127 денари. Ова е последен од низата позитивни показатели за успешноста на економските политики на СДСМ и Владата што ја предводи. 

Ваквиот раст на прoсечената плата се должи на стабилната економија, но и на растот на минималната плата, која за нешто повеќе од две години расте за 5.500 денари.

За само две години и 3 месеци СДСМ ја покачи просечната плата повеќе отколку ВМРО-ДПМНЕ за цели 7 години!

Просечната нето плата по вработен во мај 2010 изнесувала 20 798 денари, а во мај 2017,  22 889 денари, што е одвај 2 илјади денари зголемување за 7 години.

СДСМ за само 2 години и 3 месеци ја зголеми просечната плата за 2.300 денари!

Со новото предвидено зголемување на минималната плата на 14.500 денари, но и со мерката за субвенционирање на придонесите за социјално осигурување, во следниот период се очекува дополнителен и интензивен раст на просечната плата.

Сите овие параметри покажуваат дека економијата е на здрави основи и се движи во добар правец. Ваквото темпо на раст на платите обезбедуваат реални услови, до крајот на 2020 просечната плата да изнесува 30.000, а минималната плата 16.000 денари.

Граѓаните ја чувствуваат разликата и резултатите од политиките на СДСМ, кои обезбедуваат повисок животен стандард за сите граѓани и повеќе пари во семејните буџети и затоа ВМРО-ДПМНЕ ќе изгуби на изборите на 12 април.

СДСМ

Центар за комуникации со јавноста

Европарламентот со вонредна резолуција за преговори со Македонија

 Европскиот Парламент денеска на дневен ред на пленарна седница треба да стави вонредна резолуција со која повторно ќе побара отворање на преговорите за членство со ЕУ за Македонија и Албанија.

Европскиот Парламент веќе се изјасни дека Скопје и Тирана треба да ги започнат пристапните преговори со Унијата, а вонредната резолуција доаѓа откако ЕУ не успеа да постигне консензус на последниот самит, пред сѐ поради противењето на Франција.

Резолуцијата треба да се најде на дневен ред на седницата во Стразбур, а дебатата ќе се одржи попладнево.

Европскиот Парламент би требало да истакне дека жали поради одлуката на земјите членки да го блокираат стартот на преговори со двете земји. Во верзијата на Социјалдемократската група се критикува „улогата на претседателот на Франција и други земји членки во овој поглед".

Пратениците се очекува да им посочат на земјите членки дека Советот треба да понесе одговорност за одлуката, да се однесува согласно сопствените заложби и да се држи до принципот на сопствени заслуги во оценувањето на земјите кандидати.

Предложените амандмани предвидуваат да ја поздрават „одлучноста на  Македонија да продолжи да напредува во реформската ЕУ агенда" како и силно да ја пофали „позитивна дипломатија на Македонија", посебно во однос на билатералните договори со Грција и Бугарија. 

притисни ентер