Здравје

Мехмедовиќ: Се разговара за подобрување на условите во амбулантите во Ѓорче Петров, Автокоманда, Бутел и Влае

Здравствениот дом Скопје има склучено договори со сите концесионери што се во амбулантата во Ѓорче Петров.

Што предвидуваат средствата од таа концесија да се користат за тековно одржување на амбулантата, за санирање поситни дефекти, за молерисување и санирање полесни градежни работи што ќе можат да се појават како проблем во нејзиното тековно работење. Меѓутоа се додека не се изнајде целосно решение што ќе биде трајно за изградба на амбуланта, нормално дека овој проблем ќе биде актуелен, изјави денеска директорот на Здравствениот дом Скопје, Злате Мехмедовиќ во врска со најавата за реновирање на амбулантата.

Тој посочи дека редовно комуницираат во однос на проблемите што ги имаат со застарените објекти што се под ингеренција на Здравствен дом Скопје, инаку се на Владата и на Министерството за здравство.

Во врска со тоа како може да ги унапредиме условите во нив, Мехмедовиќ потенцира, се работи за објект што е времен, изграден после земјотресот, односно за барака што има рок на траење од 15 години, меѓутоа во функција е повеќе од 65 години.

– Се разговараше за тоа како може општината и Министерството за здравство заедно да го решат проблемот. Имавме состаноци со проектната единица за решавање на проблемите не само во делот на амбулантите од Ѓорче Петров, туку и другите амбуланти, затоа што такви времени објекти имаме и во Автокоманда. Исто така е разговарано со општината Гази Баба и со градоначалникот за да може да се најде и таму решение. Таков проблем имаме и во општината Бутел, имаме уште една таква амбуланта во Влае, како и во општина Ѓорче Петров. Така што со сите чинители и со локалната самоуправа и со Министерството за здравство разговараме за тоа како да ги подобриме условите, додаде д-р Мехмедовиќ.

Македонија

Ковачевски: Ќе продолжиме да се бориме за секој граѓанин и за европската иднина на Македонија

„Вчера граѓаните нѝ пратија силна порака и ние таа порака ја слушнавме. Но, се лажат сите кои мислат дека ќе се откажеме од борбата. СДСМ сè уште е силна партија. “

„Вчера граѓаните нѝ пратија силна порака и ние таа порака ја слушнавме. Но, се лажат сите кои мислат дека ќе се откажеме од борбата. СДСМ сè уште е силна партија. Ние ќе продолжиме да се бориме за секој граѓанин и за европската иднина на Македонија“, порача претседателот на СДСМ, Димитар Ковачевски, на вечерашниот митинг во Сарај.

Според него, изборите на 8 мај ќе бидат многу тешки, но резултатот сè уште не е одлучен. Граѓаните треба да сфатат дека одлучуваме за иднината на државата и затоа треба да излезат и да гласаат, рече Ковачевски.

„Ако десничарска партија добие преголема моќ, може да се соочиме со сценарија кои сме ги гледале во минатото во нашата држава. Тоа ќе стави крај на нашите ЕУ перспективи, крај на независните медиуми и на независното судство. Тоа е сигурен пат кон изолација наредната декада или не дај Боже за цела една генерација. И овие тензии што сега се прават меѓу Македонците и Албанците може да нè вратат назад во грдото минато. Како што гледаме, ВМРО ДПМНЕ и ДУИ играат опасна игра со мултиетничкото ткиво на нашето општество.“

Ковачевски истакна дека СДСМ и Коалицијата за европска иднина никогаш нема да се откажат од членството во ЕУ затоа што само така како држава ќе успееме да изградиме подобро образование, поквалитетно здравство, поефикасно владеење на правото, поцврста борба против криминалот и корупцијата и подобар животен стандард за сите граѓани, се наведува во партиското соопштение.

Свет

Русија најави преместување на системите Искандер на финската граница, НАТО со одговор

Русија најави дека ќе ги премести ракетните системи способни да носат нуклеарно оружје на границата со Финска.

Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.

Русија ја нарече провокативна одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.

Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.

„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.

„Оперативно изгледа апсурдно ракетните системи со толку голем дострел да се приближуваат до нашата граница, тие се лесни цели за нас“, додаде тој.

Живот

Се случи чудо- се исправи „превитканиот човек“, кој 28 години гледал во своето меѓуножје(ВИДЕО)

Ли Хуа имал 18 години кога првпат почувствувал болка во 'рбетот.

Разговарал со лекари, посетил неколку болници, а потоа било потврдено дека боледува од ретко пореметување - анкилозен спондилитис.

„Тој е роден како здрав човек, но од 2009 година состојбата му се влошува. Живееше со лицето притиснато на бутовите“, рече мајката на Хуа, Танг.

Несреќниот млад човек и неговото семејство се плашеле дека повеќе нема да може да стане, да јаде или да спие нормално. Живееле во рурална Кина и не можеле да најдат соодветен лекар за да го оперираат.

Поминале 28 години, а Ли сепак го гледал само меѓуножјето.

„Често беше вознемирен, прашувајќи се зошто не може да направи некаков напредок. Како другите беа исцелени, но тој не? Понекогаш паѓаше во депресија. Му реков да провери на интернет, дека ќе го водам ако најде доктор. Би земала кредит од банка“, вели мајката.

Жената најмногу се грижела кој ќе се грижи за Ли кога таа ќе умре, пренесува The Sun.

Среќата им се насмевна во 2019 година кога ја затекнале д-р Тоа Хуриен како работи на 800 километри од нивното село во провинцијата Хунан.

Отпатувале во градот Шенжен, а по прегледот лекарот ги предупредил:

„Операцијата е ризична. Ли би можел да доживее хеморагичен шок, да стане параплегичен или дури и да умре. Мора да бидете ментално подготвени за сите сценарија“.

Серијата од четири операции со висок ризик се случила меѓу 15 август и 31 октомври и вклучувала кршење на коските и нивно прередување. Најдолгата операција траела 10 часа и 25 минути.

На крајот на краиштата, требало половина година интензивна рехабилитација и Ли конечно можел да стане. Се случило чудо!

На видеата кои подоцна биле снимени во неговата куќа може да се види како тој нормално седи, работи во семејната кафеана и се шета со својата мајка.

„Конечно можам да ги погледнам луѓето во очи. Да станам, да ја подигнам главата, да пијам лекови, да седнам исправено, да легнам...“ изјави Ли.

Размислувајќи за иднината, тој истакна дека планира да започне сопствен бизнис за да може да се издржува себеси и мајка си.

притисни ентер