Роботите до 2030 ќе избришат 20 милиони работни места

Како што автоматизацијата продира во нашиот секојдневен живот, зголемувањето на бројот на роботи може да избрише 20 милиони слободни работни места до 2030 година.

Оваа прогноза произлегува од новата студија објавена денеска од Оксфорд Економикс, независна истражувачка компанија од Британија."Иновациите во областа на вештачката интелигенција, машинското учење и компјутерската сила сугерираат значително забрзување во примената на роботите во услужните дејности ", се вели во студијата објавена денеска.

Студијата анализира седум напредни економии во светот: САД, Германија, Британија, Франција, Шведска, Јужна Кореја, Јапонија и Австралија.

"Овие земји беа избрани врз основа на квалитетот на достапните податоци, и затоа што тие се претставници на глобалната економија. Можеме да претпоставиме дека големите градови ќе бидат под помало влијание од руралните економии ориентирани кон производство ", изјави Едвард Коун од Оксфорд Економикс, еден од авторите на студијата.

Од 2000 година, околу 1,7 милиони работни места низ целиот свет се изгубени поради роботиката. Секој нов робот заменува околу 1,6 работници во производството, што би можело да доведе до намалување производната работна сила до 2030 година, за 8,5 отсто помалку од денес.

"Да, магацинските работници од Амазон веројатно ќе ги заменат роботите во наредните две до три години, но не очекувам луѓето да бидат заменети со роботи кои работат во неструктурирани услови за уште 20 до 30 години. Сè уште има нови достигнувања ", вели Каи-фу Ли, претприемач и поранешен виш директор во Гугл и Мајкрософт.

"Клучниот момент на овие приказни е импликациите во реалноста. Фрустрирачки е тоа што роботите ќе ги заменат работниците, кои потоа ќе одат во други сектори. Но, роботите потоа ќе дојдат и во тие сектори. Роботите нè превземаат. Ние можеме да се движиме од производство до изградба или транспорт, но роботите, исто така, ќе ги загрозат овие работни места ", вели Едвард Коун.

Сепак, роботите можат да подобрат некои сектори, како што се здравствената заштита, каде што машините можат да работат заедно со луѓе, наместо да ги заменат. Оваа студија е поврзана со неодамнешната CitiGroup студија наречена "Технологија на работа v4.0", што покажува дека околу 47 проценти од сите работни места во САД ќе бидат заменети со автоматизација и вештачка интелигенција. CitiGroup исто така откри дека употребата на роботи ја зголемува ефикасноста во голем број индустрии. Во банкарскиот сектор, виртуелните финансиски советници се 80 отсто поекономични од луѓето и можат да одговорат секој ден на 1,5 до два милиони кориснички прашања.

Ова исто така значи дека зголемувањето на бројот на роботи за 30 отсто до 2030 година довело до зголемување од околу 4,9 трилиони долари во глобалниот БДП, што е еквивалентно на денешниот БДП во Германија.

Подемот на роботиката уште повеќе ќе ја зацврсти позицијата на Кина како центар на светското производство. Во моментов, секој трет робот работи во Кина. До 2030 година ќе ги има 14 милиони.

Нејмар подготвува фудбалски „земјотрес“ – ќе ги остави арапските пари за враќање во Барса

Нејмар пред седум години ја напушти Барселона во трансфер кој и денес е рекордно висок, а според шпанските медиуми се чини дека би можел да се врати на „Камп Ноу“.

Имено, Барселона во 2017 година го продаде Бразилецот на ПСЖ за 222 милиони евра, а минатата година тој се пресели во Ал Хилал од Саудиска Арабија за 90 милиони евра, каде што игра за плата од 150-160 милиони евра по сезона. Тој моментално се опоравува од скинати предни вкрстени лигаменти на левото колено.

Тој одигра само пет натпревари за Ал Хилал, постигна еден и асистираше три гола, пред да заработи повреда во квалификациите за Светското првенство во Бразил во 2026 година на гостувањето кај Уругвај во октомври минатата година. Откако беше обелоденето дека нема да може да игра до крајот на сезоната, реагираше Ал Хилал кој го симна од списокот на пријавени играчи за да направи место за уште еден странец во нивниот ростер.

Шпанските медиуми сега пишуваат дека 32-годишниот бразилски напаѓач е во контакт со претседателот на Барселона, Жоан Лапорте и дека овие контакти резултирале со желба да се врати. Играјќи за Барса, Нејмар освои осум трофеи, од кои еден за најдобриот тим во Лигата на шампионите и два за најдобриот во шпанското првенство. Вкупно за Барселона одигра 186 натпревари со учинок од 105 гола и 76 асистенции.

Според Шпанците, пореално е да се очекува евентуалното враќање на Нејмар во Барса во летото 2025 година, кога му истекува договорот, отколку сега. Причината се финансиските проблеми во каталонскиот клуб, кој исто така сака да види колку Нејмар е физички подготвен за напори во Ла Лига и Лигата на шампионите. Исто така, останува да се види за која плата би бил подготвен да игра Нејмар во евентуалниот втор мандат во Барса.

ВМРО-ДПМНЕ на Извршен и Централен ги утврдува пратеничките листи

ВМРО-ДПМНЕ одржува седници на Извршниот и Централниот Комитет на кои треба да ги утврди целосните пратенички листи, откако претходно ги обелодени носителите во сите шест изборни единици.

Од пред седиштето на ВМРО-ДПМНЕ ја вклучуваме Михаела Димовска..

Михаела познати ли се веќе кандидатите за идни пратеници од ВМРО-ДПМНЕ?

Ахмети и Османовска го потпишаа коалицискиот договор за приклучување на Унија на Ромите

Претседателката на Унија на Ромите, Фатима Османовска и лидерот на Демократската унија за интеграции, Али Ахмети, денеска во општина Шуто Оризари го потпишаа коалицискиот договор за приклучување на Унија на Ромите кон Европскиот фронт.

Османовска порача дека Ромите ќе влезат во Европската Унија како рамноправни со сите граѓани, бидејќи како што рече, ромската заедница има високо образовен и стручен кадар, како и ромска политичка партија, за која рече, обединува и организира.

- Како заедница со децении наназад молиме за да се створи шанса за нас, ни велеа немате образовен кадар, немате политичка моќ, не сте организирани. Еве сме сега со високо образовен и стручен кадар со ромска политичка партија која што обединува и организира. Застанати пред европската врата, Ромите ќе влезат во ЕУ како рамноправни со сите граѓани, порача Османовска.

Лидерот на ДУИ, Али Ахмети, во своето обраќање истакна дека големо достигнување е тоа што Општина Шуто Оризари е единствената општина на ромска заедница во Европа и ѝ укажа на Османовска дека ја има поддршката од Албанците, бидејќи како што рече, тие знаат како е да се биде маргинализиран.

– Претседателке вие нема потреба да поставувате барања, нашата поддршка несомнено ја имате, ние знаеме како е да се биде маргинализиран и затоа ќе се залагам повеќе за вас отколку за мене. Со целосна одговорност ви ветувам, пробајте нѐ да видите какви партнери сме, не со зборови, туку со дела. Нашата земја мора да се интегрира во ЕУ и да има владеење на правото, а тоа заедно како Европски фронт мора тоа да го постигнеме. ДУИ ќе направи сѐ што е потребно за во Собранието да има ромска претставничка, порача Ахмети.

На прес-конференцијата посветена на потпишувањето на коалицискиот договор беше присутен и градоначалникот на Општина Шуто Оризари, Курто Дудуш, кој изрази жалење што претходните политичари не ја препознале приликата да ја искористат можноста на Рамковниот договор, онака како што го искористиле Албанците.

– Жалам што претходните политичари не ја препознаа оваа прилика да се искористи Рамковниот договор рака како што го искористија Албанците да бидат рамноправни со Македонците. Со овој договор Ромите ќе почнат да живеат сонот кој требаше да започне уште пред 24 години, рече Дудуш.

притисни ентер