Новиот в.д. шеф на Пентагон очекува поддршка од НАТО за Иран

Вршителот на должност министер за одбрана на САД, Марк Еспер се надева на помош од НАТО за спрелување на судирот со Иран.

Еспер денеска изјави дека се надева да добие оваа недела поддршка од НАТО сојузниците во напорите на САД за спречување на судир со Иран.

Еспер за време на летот кон Брисел , каде ќе учествува на министерскиот состанок на НАТО, рече дека САД сакаат да ја затворат вратата на судирите и да ја отворат вратата на дипломатијата.

Полицијата ја презеде контролата над улиците на Барселона

Каталонската и шпанската национална полиција ноќеска ја презеле контролата над улиците во Барселона и другите каталонски градови.

Растерани се демонстрантите кои шест часа го блокираа градот.

Вчеравечер дојде до најжестоки конфликти помеѓу каталонските заговорници за независност и полицијата откако во понеделник се изречени затворски казни на каталонските лидери осудени заради организирање на референдум за независност во 2017 година.

Ситуацијата во центарот на Барселона се смирила откако демонстрациите се претвориле во бојно поле, пренесува „Хина“.

Биле палени огнови и поставувани барикади од зад кои маскираните демонстранти ги мавале полицајците со цврсти предмети.

Полицијата возвратила со гумени куршуми и солзавец.

Нереди имало и во други каталонски градови каде исто така биле организирани протести.

Повредени се 89 лица од кои 60 во Барселона, соопшти брзата помош.

Пожарникарите во текот на ноќта ги изгаснале преостанатите запалени контејнери кои на демонстрантите им служеле како барикади.

Според последните информации, уапсени се 27 лица.

Вчера во Барселона се собрале вкупно 525.000 заговорници за независност на Каталонија да протестираат против пресудите за нивните лидери.

Тие бараат одделување од Шпанија и ослободување на лидерите.

Светската банка со 120 милиони долари ќе поддржи пет проекти во земјава

Светската банка ќе даде поддршка од околу 120 милиони долари за финансирање на пет проекти во Македонија.

Со тие проекти ќе се подобри локалната инфраструктурата, ќе се модернизира пензискиот сектор и земјоделството, ќе се подобри енергетската ефикасност на јавните институции и ќе се обезбеди пристап до висококвалитетни широкопојасни услуги, соопшти Министерството за финансии.

Во соопштението се посочува дека за ова станало збор на состанокот помеѓу делегацијата предводена од министерката за финансии Нина Ангеловска и гувернерката Анита Ангеловска-Бежоска со потпретседателот на Светската банка за Европа и Централна Азија, Сирил Милер, со директорот на СБ за Западен Балкан, Линда Ван Гелдер и со извршниот директор на Групацијата на СБ за Конституенцата во која е и Република Македонија Кун Дејвитсе, за време на Годишните средби на Светска банка и Меѓународниот монетарен фонд (ММФ), што се одржуваат во Вашингтон.

– До почетокот на следната година треба да се потпише Договорот со Светската банка со кој ќе се обезбедат 70 милиони евра за реализацијата на Проектот за изградба и рехабилитација на локални патишта. Преку Проектот за изградба и рехабилитација на локални патишта општините со проекти за локалните делници ќе можат да ги искористуваат средствата за да ја подобрат локалната инфраструктура, се наведува во соопштението.

Според Министерството, преку Проектот за енергетска ефикасност во вредност од 25 милиони евра ќе се вложува во подобрување на енергетската ефикасност на јавните објекти во општините и на јавните институции.

Преку Проектот за модернизација на земјоделството во вредност од околу 46 милиони евра, од кои 4,5 милиони евра ќе бидат грант средства, ќе се подобри конкурентноста на земјоделскиот сектор преку советодавен едношалтерски систем и земјоделски откупни центри, а истовремено ќе се јакнат и капацитетите за спроведување на ИПАРД. Се очекува договорот за овој проект да биде потпишан со Светската банка на почетокот на 2020 година.

– Исто така, во рамки на поддршката која ни ја дава Светската банка за пензиските реформи е и Проектот за модернизација на пензискиот сектор. Со овој проект ќе се модернизира пензиската администрација, ќе се воспостави единствен регистар на социјално осигурување, ќе се зајакне системот на вработување и професионална рехабилитација на лицата со инвалидност. Се очекува проектот да биде потпишан на почетокот на следната година, се додава во соопштението.

До средината на следната година треба да биде потпишан и договор со Светската банка за финансирање на проектот Дигитална Македонија, во износ од 30 милиони евра, со кој ќе се овозможи пристап до висококвалитетни широкопојасни услуги.

Инаку на средбата, министерката за финансии и потпретседателот на Светска банка го потпишале договорот ДПЛ за поддршка на развојните политики во јавните финансии, реформи во подобрување на управувањето и транспарентноста на јавните финансии и поефикасна јавна потрошувачка, особено за социјалната заштита, реформи во енергетика преку либерализација на енергетскиот сектор и зајакнување на обновливи извори на енергија – сите во насока на постигнување долгорочен раст.

– Од двете страни беше истакнато дека претстои амбициозна агенда, голем број на проекти кои ќе се реализираат идниот период и кои ќе придонесат за подобрување на инфраструктурата во земјата и јакнењето на човечкиот потенцијал, се нагласува во соопштението./МИА

Неофицијална средба на Нуредини со Јоханес Хан

Неофицијална средба на министерот Нуредини со еврокомесарот за соседска политика и преговори за проширување, Јоханес Хан.

Министерот Нуредини имаше неофицијална средба со еврокомесарот Јоханес Хан, при што му беше пренесено дека Република Македонија ги исполнила сите очекувани барања за датум за преговори со ЕУ. Тој порача и понатаму да го задржиме позитивниот дух и со крената глава да продолжиме по патот на кој што сме. Хан ја нагласи неговата непоколеблива поддршка во реализацијата на нашите цели за влез во ЕУ, а очекувањата да ги реализираме во најскоро време.

притисни ентер