Уапсен убиецот на германскиот политичар- државата шокирана од коментарите

Полицијата во сојузната покраина Хесен објави дека уапсила осомничен во случај на убиениот демократски политичар Валтер Лубке, а германските медиуми во понеделникот објавија дека тоа се членови на ултра екстремистичка група.

"Специјалците уапсија 45-годишен маж во саботата, кој беше осомничен за убиство на Валтер Лубке", се вели во соопштението на полицијата во Касел.

Според информациите на дневникот Билд, полицијата дошла до осомничениот преку траги од ДНК пронајдени на облеката на убиениот политичарот , припадник на Христијанско-демократска унија (ЦДУ).

Политичарот Либке  имаше висока административна позиција во сојузната покраина Хесен и беше убиен рано утрото на 2 јуни во неговиот дом во близина на Касел.

Неговата смрт предизвика големо внимание на јавноста поради фактот што Либке, поради неговата поддршка за политиката за мигранти на Ангела Меркел, добивал закани од екстремните десничарски групи.

По смртта на Либке, се појавија серија пораки со одобрување на  смртта на политичарот на социјалните мрежи од крајно десничарските  екстремни кругови.

Либке во  2015 година застана во одбрана на политиката на мигрантите на Ангела Меркел и им рече на оние кои не ги делат христијанските вредности дека може да ја напуштат земјата, која изјава беше проследена со бројни смртни закани од екстремната десница.

При претресите одземени компјутери, документација, телефони, оружје,...

Од ОЈО инфирмираат дека претресите се спроведени во текот на вчерашниот ден до раните утрински часови.

 Персонални компјутери, документација, мобилни телефони, УСБ стикови и мемориски картички, оружје и муниција, како и поголемо количество на брендирана гардероба, накит, часовници и уметнички дела, се одземени при претресите од тимот на Основното јавно обвинителство за гонење на организиран криминал и корупција и Министерството за внатрешни работи со цел обезбедување материјални докази поврзани со осомничените во случајот „Примање награда за противзаконито влијание".

Од ОЈО инфирмираат дека претресите се спроведени во текот на вчерашниот ден до раните утрински часови.

Извршени се претреси во домот на родителите на првоосомничениот, во станот каде што престојувал, како и во просторијата што ја користел во едно правно лице, воедно извршен е претрес и во домот на второосомничениот, како и во возилата што ги управувале.

– При претресите прибран е броен доказен материјал што допрва треба да биде предаден на вештачење. Меѓу одземените предмети покрај два персонални компјутери и еден лап топ што ги користеле првоосомничениот и неговата асистентка, одземено е поголемо количество на брендирана гардероба, накит, часовници и уметнички дела. Од второосомничениот се одземени повеќе лап топ компјутери, документација, мобилни телефони, УСБ стикови и мемориски картички , како и поголемо количество на оружје и муниција за кое дополнително ќе се утврдува дали второосомничениот го поседувал со дозвола, се вели во соопштението од ОЈО.

Со оглед на обемноста на материјалот, посочуваат од ОЈО дека записниците за одземени предмети се уште се подготвуваат и во моментов обвинителството не може да соопшти детали.

Обвинителството, исто така, посочува дека до овој момент надлежниот обвинител нема извршено разговори со други лица, за кои излегоа шпекулации во јавноста дека се повикани на информативен разговор во насока на расветлување на случајот. Во интерес на истражната постапка и спречување на шпекулациите во јавноста, обвинителството колку што дозволува истрагата континуирано ќе информира за преземените дејствија. 

Османи: ДУИ на лидерската ќе го отвори и прашањето за ветинг

Демократската унија за интеграција останува на ставот дека  Македонија има потреба од институција што ќе биде фокусирана на борба против корупцијата на високо ниво во политиката. 

Тоа е барање на Европската Унија, тоа е барање на граѓаните, и со таков став ќе се претставиме на лидерската средба.

Ова денеска го изјави вицепремиерот за европски прашања Бујар Османи, по завршување на панел дискусијата „Националните перспективи на крајот на романското и во очекување на финското претседателство со Советот на ЕУ", што се одржа денеска во Министерството за надворешни работи.

– ДУИ ќе бара да почне да се реализира иницијативата за ветинг. Сметаме дека тоа е неопходно доколку сакаме враќање на довербата во институциите од страна на граѓаните, но и од страна на институциите на ЕУ и ќе бара да се исполнат сите прашања што ќе ни го отворат патот за добивање датум за почнување на преговори со Унијата, рече Османи.

Во врска со новоотворениот случај на Јавното обвинителство „рекет", Османи, говорејќи во името на партијата, рече оти ДУИ е разочаран од тоа што се случи вчера.

– ДУИ е најголем непријател на селективната правда, и доколку ги следите обраќањата на лудерот Али Ахмети ќе видите дека во секој говор селективната правда е како канцер на општеството, затоа ДУИ го предложи законот за ветинг и во политиката и во судството, и кај сите носители на јавните функции, рече Османи.

Додаде дека институциите треба да истражат точно што се случило, која било позадината, и кои биле реперкусиите, посочувајќи дека ДУИ останува на ставот дека земјава има потреба од инститиција што ќе биде фокусирана на борбата против корупцијта на високо ниво во политиката.

Цветан Трипуновски: Мерката „Зелена нафта" можат да ја користат само половина од земјоделците

Министерство за земјоделство по кој знае кој пат ги излажа земјоделците.

Министерот Димковски најави дека до крајот на месецот земјоделците можат да подигнат картици за зелена нафта.

Но, министерот заборави да каже дека со мерката само половина од земјоделците во Република Македонија можат да ја користат оваа мерка.

Односно ја прашуваме власта зошто предвидува само 55.000 картички за зелена нафта, а во Македонија регистрирани се над 100.000 македонски земјоделци.

Дали со овој податок се отвора нов сомнеж како ќе се избира кој ќе земе картица и дали изборот ќе се врши во општинските организации на СДСМ.

Исто така го прашуваме министерот зошто во оваа мерка не се опфатени и сточарите како категорија?

Дополнителен проблем во врска со оваа мерка е неправична распределба  односно гледано по култури, на некои култури каде процентот на учество на нафтата е помал, а на други култури поголем во вкупните трошоци на производство односно цена на чинење им се дава иста субвенција.

Како пример:

За пченица потребни се 55 литри нафта/ха без жетва, или потребни средства за нафта по актуелните цени 3.355 денари. Учество на нафта во цена на производство е 10% и со субвенцијата од 750 денари/ха. производната цена ќе се намали за минимални 3%.

За пченка потребни се 110 литри/ха без берба, или 6.710 денари за нафта по актуелните цени, нафтата учествува во производната цена и изнесува 19% и  со субвенцијата од 750 денари која што се дава производната цена ќе се намали за незначителен  2%.

Слични и поразителни се процентите и кај луцерката, пиперот,јаболката каде намалувањето во производната цена ќе биде незначителен 1 %.

Со овие пресметки се докажува дека мерката е козметичка и популистичка бидејќи се работи за минимално намалување на трошоците на производство кои се движат од 1 до 3% што преставува чиста симболична вредност и нема да има никаково влијание во конкурентноста на производството и нема да се покријат зголемените трошоци кои земјоделците ги имаат последниве две години.

Ако навистина државата се грижеше за земјоделците како што вели, требаше да ја намали акцизата т.е. да ја врати на старо и со тоа би се постигнал вистински ефект кој би ги ставил во рамноправна основа сите граѓани на Република Македонија.

А, со оваа мерка само уште еднаш се докажува дека СДСМ е лош менаџер и ќе доведе повеќе штетни отколку во корисни влијанија во земјоделскиот сектор.

Цветан Трипуновски, член на ИК на ВМРО-ДПМНЕ

притисни ентер