„Семос Едукација" и Фондацијата „Со Срце за Крива Паланка" ќе доделат стипендија за летна менторска програма

Фондацијата „Со срце за Крива Паланка" на иницијатива на раководството од „Семос Едукација"- Скопје ќе овозможи бесплатна летна менторска школа за една од трите програми на менторирање во текот на летово.

Ќе биде доделена целосна стипендија за една од следниве летни менторски програми: програма за UX –Design,  програма за Game Design, Unity & Autodesk и  програма за back-end Python Developers.

– За добивање на стипендијата треба да се исполнуваат следните критериуми: апликантот да е жител на Општина Крива Паланка и да биде  на возраст од најмалку шеснаесет години. Апликантот треба да достави есеј со најмногу 1.000 зборови во кој ќе објасни како стекнатото знаење ќе го примени и аплицира во пракса и како тоа знаење ќе придонесе за развој на Крива Паланка, посочуваат од Фондацијата „Со срце за Крива Паланка".

Апликацијата со генералните податоци за кандидатот и есејот треба да се испрати на следната адреса: kursevi@semos.com.mk со наслов во истиот „Апликација за целосна стипендија", најдоцна до 20 јуни.

Од „Семос Едукација" информираат дека обуката ќе се одвива во Скопје, под менторство на професионалци од компании, со сертифицирани тренери.

Судењето за „Рекет" закажано за 3 декември, ќе го води судијката Васка Николовска – Масевска

 Предметот „Рекет" во кој  се обвинети Бојан Јовановски – Боки 13, поранешната специјална обвинителка Катица Јанева и Зоран Милевски-Кичеец ќе го води судијката Васка Николовска – Масевска. 

Првото рочиште е закажано за 3 декември 2019 година во 10 часот.

Од Кривичниот суд информираат дека согласно АКМИС – електронскиот систем, предметот КОК бр. 116/19 против Б.Ј., К.Ј. и З.М. е распределен кај судечки совет со кој претседава судија Николовска – Масевска.

Првообвинетиот Јовановски се сомничи дека сторил кривично дело „перење пари и други приноси од казниво дело", а Јанева и Милевски за „примање награда за противзаконито влијание".  Јанева се товари и за кривично дело „злоупотреба на службена положба и овластување". Јовановски и Јанева се во притвор во Шутка, додека Кичеец е во домашен притвор. 

ИК на ВМРО-ДПМНЕ: Игор Јанушев, шеф на Републичкиот изборен штаб

 Извршниот комитет на ВМРО-ДПМНЕ на синоќешната седница, едногласно одлучи генералниот секретар Игор Јанушев да биде шеф на Републичкиот изборен штаб на претстојните предвремени парламентарни избори.

Како што се наведува во соопштението од партијата, Извршниот комитет го задолжил Јанушев до следната седница да предложи состав на Републичкиот изборен штаб.

На состанокот членовите на ИК ги анализирале и досегашниот тек на акцијата „Обнова на Македонија" и проблемите со кои се соочуваат, како што се наведува, илјадници граѓани кои пристапија и побараа решение.

-Беше констатирано дека граѓаните не сакаат лаги и измами како ветувањата на Зоран Заев, туку инвентивна, реална, остварлива програма која што ќе го подобри нивниот стандард и ќе ги врати вистинските вредности во Македонија, се посочува во соопштението.

Околу актуелната политичко-економска состојба, како што се наведува, „биле нотирани низа сомнителни однесувања на власта во заминување кои ќе треба да бидат истражени откако Зоран Заев ќе биде поразен и законите ќе важат подеднакво за сите".

Од ВМРО-ДПМНЕ посочуваат дека секој обид да се узурпира волјата на граѓаните кои се цврсто определено да го казнат Заев, ќе повлече одговорност.

ИК констатирал и дека власта три години не направила ништо за аерозагадувањето, кое е повисоко од кога било. Скопје и други градови низ државата се на врвот на светските листи на најзагадени градови.

Од опозициската партија посочуваат дека на 12 април следат промени и оти по изборите почнува обновата на Македонија со ВМРО-ДПМНЕ. 

Се средува хаосот со непрописно паркирани возила на ул. Јуриј Гагарин“

Конечно почнува ли да се средува хаосот со непрописно паркираните возила на улицата Јуриј Гагарин во општина Карпош во Скопје?

Веќе неколку дена трае акцијата на Град Скопје за отстранување на несоодветно паркираните возила.

Пајак службата на Град Скопје реагира на повик на граѓаните кои живеат во населбата Козле.

притисни ентер