Саем за безбедност за превенција на кражби во тек на летото

Саемот го организираат Министерството за внатрешни работи (МВР), Секторот за внатрешни работи Скопје, Одделението за превенција во соработка со Комората за приватно обезбедување и Скопје Сити Мол.

 Прв Саем за безбедност и превенција во Скопје ќе се одржи од денеска до 14 месецов во ТЦ „Сити Мол" под мотото „Живеј безбедно" со цел превенција на криминалот и едукација на граѓаните за спречување кражби во куќи и станови за време на летниот период.

Саемот го организираат Министерството за внатрешни работи (МВР), Секторот за внатрешни работи Скопје, Одделението за превенција во соработка со Комората за приватно обезбедување и Скопје Сити Мол.

Граѓаните на едно место ќе имаат можност да се запознаат со програмата на СВР Скопје и услугите што инстутициите и компаниите ги нудат за помош и самозаштитита покрај редовното полициско работење и превентивните активности на работа на полицијата во сопработка со заедницата.

Анализата на МВР покажува дека голем број од кривичните дела се вршат поради недоволна грижа и внимание како за личната безбедност така и за имот од страна на самите граѓани. Како причини кои се јавуваат за појавата на овие кривични дела големо влијание има општествено – економските прилики и современиот начин на живот.Последиците кои произлегуваат од извршените кривични дела се: одземање на вредни предмети (пари, накит, документи).

– Општата цел која сакаме да ја постигнеме со реализацијата на проектот е намалување на бројот на кривичните дела од овој вид со подигнување на свеста кај граѓаните во соработка со полицијата и преземање на мерки за самозаштита и секако намалување на материјалата штета од овој вид на криминалитет. Криминалот може да се случи, но може и да се спречи, велат од Министерството за внатрешни работи.

Воздухопловна база во САД добила закана со бомба , целото подрачје е евакуирано

Воздухопловната база ,,Патрик” во Флорида доби закана со бомба.

Областа е евакуирана , а властите истражуваат од каде потекнува заканата , пренесува Ројтерс.

Патрик АФБ (Патрик воздухопловната база) се наоѓа јужно од главниот американски ракетен центар Кејп Канаверал, на источниот брег на Флорида.

Заканата за бомба доаѓа набргу откако четири лица беа убиени, а осум повредени во пукање во поморската воздухопловна база Пенсакола во Флорида.

Напаѓачот беше идентификуван како член на Саудиските воздушни сили кој учествувал во воена обука во САД.

Истрагата за инцидентот е во тек. Властите се обидуваат да утврдат дали нападот во воздухопловната база Пенсакола е поврзан со тероризам.

Салвини најави бојкот на Нутела- Не му била доволно италијанска

Лидерот на десничарската  опозиција, Матео Салвини се закани дека ќе ја бојкотира Нутела, бидејќи нејзините состојки не биле 100 проценти италијански.

„Се премислив затоа што разбрав дека Нутела содржи лешници од Турција, затоа сакам да им помогнам на компаниите што користат италијански производи“, рече Салвини на партискиот собир.

„Повеќе би јадел италијански производи ако можам да им помогнам на италијанските земјоделци “, додаде Салвини (46).

Салвини сака јавно да ги истакне своите навики во исхраната како дел од неговата стратегија на социјалните медиуми. Тој честопати се сликал со Nutellа на своите профили на Твитер и Фејсбук.

Тој ја предводи ,,Лига” италијанската националистичка партија, чие мото е „На прво место Италијанците“. Според анкетите на јавното мислење, Лига во моментов води со околу 32 проценти поддршка.

Салвини се опиша себеси како „еден од најголемите италијански потрошувачи на Нутела“. "Кој се грижи за диети?" додаде тој.

На видеото на Фејсбук, тој ги повика Фереро и другите локални компании за храна да „набават италијански шеќер, лешници, млеко“.

Фереро, производителот на Нутела, е најголемиот купувач на лешници во светот.

Германските Социјалдемократи сепак остануваат во коалиција со Меркел

Германската Социјалдемократската партија (СПД) одлучи да остане во коалицијата на канцеларката Ангела Меркел, поставувајќи релативно умерени барања за климата, минималната плата и јавните услуги.

Предвремените избори на 30 ноември на двајцата нови лидери од левото крило на партијата предизвикаа стравувања за иднината на коалицијата, формирана со Конзервативците во 2018 година.

На партиската конференција, делегатите објавија двете партии  заеднички да ја водат коалицијата по неколкумесечните превирања и многу лошите резултати на регионалните и на европските избори.

Водачите Саскија Ескен и Норбер Валтер-Борјанс, кои бараа нови преговори за коалицијата за време на внатрешната кампања, зборуваа за неколку теми со канцеларката Меркел , без прецизен рок.

Конзервативците велат дека нема да преговараат за договорот за коалиција од 2018 година, но релативно умерените барања што ги поднесоа новите лидери на СПД се чини дека значат избегнување на директно соочување со блокот ЦДУ / ЦСУ на Меркел.

На конгресот на партијата во Берлин, новите лидери беа во можност да ги убедат 600 делегати да го прифатат компромисот и засега да не зборуваат за излез од владејачката коалиција.

„Јас бев и останав скептичен во врска со иднината на оваа голема коалиција“, призна Ескен, кој рече дека на тимот треба да му се даде шанса да продолжи да владее со земјата. Околу 64 проценти од Германците го делат тоа мислење, според студијата објавена во четвртокот.

„Во демократијата, мора да се најдат компромиси, иако тие не треба да го заматуваат нашиот став“, одговори Волтер-Борјанс, став што го сподели и шефот на младите социјалисти, Кевин Куенер.

притисни ентер