Шокантни сведоштва: Медиумско-политичка банда изнудува пари од бизнисмени

Постои ли опасна медиумско-политичка банда, која изнудува пари за рекламирање.. Секојденвено се споменуваат примери и нови сведоштва за кои досега нема докази, но според некои информации постојат и аудио и видео снимки.

Во новинарските и политичките кулоари деновиве тема број еден се информациите за постоење на спрега составена од една телевизија и функционери кои со закани и уцени изнудуваат пари од бизнисмени. За еден таков случај во својата последна колумна пишува и новинарот Бранко Геровски. Случката била во хотел во еден туристички центар, а на средбата присуствувале  сопственик на хотелот кој бил и политички истакнат, потоа двајца членови на раководството на неговата партија, сопственикот и уредникот на медиумот како и бизнисменот жртва на изнудата.  Од него било побарано да склучи годишен договор за рекламирање, а тој откако ги ислушал изразил подготвеност да одвои четири до пет илјади евра. Но, на ова жестоко реагирал сопственикот на медиумот во текстот наречен со псевдонимот Коки, име за кое Геровски пишува дека совршено би му одговарало.   

-“ Штоооооо?!!! – Што е ова вие со мене ли ќе се зафркавате ? Јас за годишен договор не разговарам за сума под двесте илјади евра! “ – извикал сопственикот на медиумот.

Оваа приказна според пишувањето на Геровски се завршила добро за жртвата, но вели дека има многу кои ја платиле бараната сума.

- “ Велат дека ова „двесте илјади евра“ овој познат лик го има изговорено во повеќе слични прилики, со истиот бесен, пискав и феминизиран тон.  “ пишува во текстот.

За овие информации во синоќешното интервју на “Топ тема” беше прашан и лидерот на опозицијата Мицкоски.

 “ Има написи дека постои група одредена блиска до власта која рекетира сопственици бизнисмени газди на хотели заедно со одреден медиум, тоа се шпекулации, но дали вие како опозиција имате такви сознанија, сте работеле на таква истрага и дали нешто сте дознале во врска со тоа?

- Еве ќе ве потсетам, јас прв го отворив сомнежот, на една ваква дебата, со еден новинар, на една телевизија.

Дали вие знаете за што се работи?

-Замислете на ден пред изборите по допрен глас ДКСК отвори истраги за мене , за овој за оној , итн, а никако по допрен глас да отвори истрага за ова, еве што не отворат истрага, што не отвори Јавното обвинителство истрага по допрен глас истарга.

За што всушност се работи за каква спрега?

- Сега, како да Ви кажам би бил несериозен да навлегувам во подлабинско коментирање на ова кое навистина ќе биде срам за македонската држава кога ќе се објави.“

Мицкоски во интервјуто за кое говори постави  јавно прашање дали е точно дека има медиуми кои делат дел од платата на рака , а сомнежи дека еден медиум се злоупотребува за изнуда на спонзорства кажа во изјавата даденапос средбата со коалиционите партнери на 13ти март.

 “ Јас имам индиции дека близок роднина на специјалната јавна обвинителка е дел од менаџментот на една телевизија и се користи нејзината позиција во комуникација на потенцијални спонзори на таа телевизија.”

Канал 5 се обрати до МВР и до Основното јавно обвинителство, но од таму за сега нема информации за одредена постапка.

Анѓушев: Платите растат како резултат на растот на економијата

Вицепремиерот  Кочо Анѓушев денеска истакна дека растот на економијата е резултат на растот на индустриското производство, градежништвото, земјоделството и трговијата и дека тоа сето тоа делува и на природен раст на платите.

-Државниот завод за статистика денес објави дека бруто просечата плата во јули 2019 година во однос на истиот месец лани пораснала за 5,5 отсто, додека просечната нето плата е зголемена за 4,3 отсто, а просечната нето плата веќе изнесува над 25 илјади денари. Растот на платите не е возможен без раст на индустријата, нагласи Анѓушев одговарајќи на новинарски прашање денеска на официјализирање на компанијата „Либерти Скопје".

-Се радувам што растот на бруто домашниот производ, кој во последните квартали е особено позитивен, е базиран на работата на реалниот сектор. Сите економски параметри се компатибилни, речиси со ист процент растат платите, индустриското производство, како и приходите во буџетот и тоа е една логична целина , истакна Анѓушев./МИА

Продолжуваат распитите за случајот „Рекет”, Агапи Дика и Зоран Азманов повикани во обвинителството

Со засилено темпо во Обвинителството за организиран криминал и корупција продолжува истрагата за случајот Рекет.

Претседателката на собранието на Меѓународниот сојуз на Боки 13, Агапи Дика два и пол часа сведочеше пред обвинителката Вилма Русковска. Се обиде да ги избегне новирските прашања излегувајќи од спореден излез на зградата на Апелација каде што се наоѓа канцеларијата на Русковска. Запрашана околу тоа на кои околности давала исказ рече дека истрагата ќе покаже, но и кратко рече дека не знае каде завршиле парите кои бизнисмените ги уплаќале на Меѓународниот Сојуз.

Работниот ден Русковска сепак го почна со продавачка во салон за мебел каде Бојан Јовановски купувал. А последен исказ даваше бизнисменот Зоран Азманов. Потврди дека Јовановски му се заканувал со објавување на документи од СЈО и Финансиската полиција. Рекет го нарече несреќен случај во кој Боки 13 искористувајќи ја моќта на медиумот се обидел да изнуди пари.

Засега Јовановски, Зоран Милески Кичеец и поранешната специјална обвинителка Катица Јанева се осомничени во случајот Рекет. Јанева точно еден месец е во притвор, но во притворското одделение во Шуто Оризари ќе остане и во следните 30 дена откако судот денеска и го отфрли барањето да и се определат поблаги мерки а како гаранција понуди имот, барање за кое негативно мислење даде и обвинителката Вилма Русковска.

Царовска и Адеми на работен состанок со донаторската заедница за секторот – образование, вработување и социјална политика

Министерот за образование и наука Арбер Адеми и министерката за труд и социјална политика Мила Царовска денеска присуствуваа на работниот состанок со меѓународните донатори за секторот образование, вработување и социјална политика.

Изразувајќи благодарност до присутните од Донаторската заедница и до Делегацијата на ЕУ, Адеми напомена дека координативниот состанок има важноста и значењето во исполнувањето на стратешките цели и определби на националните политики кон интеграција на земјата во Европската Унија.

– Важно е да го продолжиме и зајакнеме партиципативниот процес и координацијата на активностите во рамките на Стручното образование и обука како и спроведување и следење на секторските политики со фокус на остварување на резултати, а со цел обезбедување на долгорочен ефект и усогласени реформи во секторот, рече Адеми.

Министерството за образование и наука, истакна министерот, изминатиот период работеше на носењето добри и корисни политики преку спроведување на сеопфатна анализа од страна на ОЕЦД, за која веќе имаме и извештај но и јасен показател во која насока ќе се движат реформите.

– При тоа се донесоа и повеќе значајни закони како: Законот за високо образование, Законот за основно образование и Законот за наставниците и стручните соработници во основно и средно, а во фаза сме и на креирање на работна група која ќе започне со разработка на пакет законите во делот на средното и средното стручно образование, потенцираше Адеми пред присутните.

Царовска истакна дека изминатиот период Министерството за труд и социјална политика работело на повеќе процеси и реформи. Дел од нив се завршени, дел продолжуваат да се спроведуваат.

-Со социјалната реформа работиме на намалување на детска сиромаштија. Процесот на деинституционализација успешно се спроведува. Досега бројот на деца во институции е намален за 75 проценти, а до крајот на годината очекуваме да нема деца во домовите, рече Царовска.

Потсети дека се отворила и програмата со Светска банка за развој на социјални услуги на локално ниво.

-Успешно се спроведува реформата за стабилизација на пензискиот фонд. Работиме на квалификување на младите лица за што се предвидени активни мерки во Оперативниот план. Ова се само дел од процесите и реформите на МТСП, рече Царовска. /МИА

притисни ентер