Зошто толку променлива пролет

 Променливото време со повеќе облачни денови, засилен ветер и дождови се одлика на оваа пролет што е невообичаено за овој период од годината.

Постудените утра кои беа типични за овој период се причина пролетната облека да се замени повторно со зимска, а осцилациите во утринските и дневните температури влијаат врз здравјето, особено кај хронично болните пациенти. Многумина се прашуваат зошто оваа пролет е толку променлива и постудена од останатите досега.

Професорот Владо Спиридонов, кој работи како визитинг професор по метеорологија на Универзитетот во Виена, во својата најнова анализа „Зошто толку променлива пролет 2019" упатува на неколку клучни фактори кои влијаат врз ваквиот развој на времето. Се осврнува на индексите на Северно-атланската и Артичката осцилација, како и на загревањето на Артикот и феномените Ел Нињо и Ла Ниња.

Во резимето на анализата, професорот Спиридонов наведува дека Северо-атланската осцилација има негативен индекс, а слабо изразен негативен индекс има и Артичката осцилација, додека како резултат на послабо изразениот поларен вртлог и послабиот интензитет на млазна струја, ладниот воздух се издвојува од ротацијата на вртење (агловиот спин) и се движи кон југ при што се јавуваат чести продори на ладен воздух кои создаваат поволни динамични услови за развој на циклони и фронтални системи.

Овој модел, појаснува професорот Спиридонов, поддржува сезонски до повисоки температури низ северна Европа и сезонски до пониски температури во јужниот дел на Европа и Балканот.

Објаснувајќи детали од анализата, Спиридонов во изјава за МИА вели дека почетокот на годинава се карактеризирал со појава на екстремни временски прилики во многу делови од светот и тоа од рекордни температури, пожари и врнежи во Јужна Америка и Австралија, до опасни и екстремни студови во Северна Америка и обилни снежни врнежи на Алпите и Хималаите.

– Според извештајот на Светската Метеоролошка Организација (СМО), на глобално ниво температурите за месец јануари се за 0,4°C повисоки од просечните за нормалниот климатски период 1981-2010 година. Така на пример, Австралија продолжи да се соочува со големи горештини, но и други региони бележеа многу повисоки просечни температури како Блискиот Исток и источниот дел на Сибир, Монголија и североисточна Кина. Од друга страна пак потпросечна температура беше евидентирана на Арктичкиот океан, додека во Европа, температурите беа близу или нешто под просекот. На Алпите е регистрирана натпросечна количина снежни врнежи. По должината на северните делови на источниот Медитеран и северозападно од Шпанија, количеството врнежи беше исто така многу над просекот, што доведе до излевање на некои реки и појава на поплави каде за жал имаше и жртви, истакнува Спиридонов во изјавата за МИА.

Посочува дека промената на времето зависи од распределбата на топлината, ветерот и влагата и оти кога станува збор за актуелните карактеристики на времето, тие зависат од тековниот статус на атмосферата над една област или место.

Во одделни сезони, вели Спиридонов, се јавуваат промени во однос на вообичаените дневни одлики типични за таа сезона (во однос на температурите, врнежите, ветровите и сл) и во тој случај причината за тие сезонски промени треба да се бара во промените и отстапувањата на основните глобални двигатели: сончевото зрачење, општата атмосферска и океанска циркулација, распоредот и поместувањето на воздушните маси, распределбата на баричките системи (центри со низок и висок воздушен притисок), температурните градиенти (транспорт на топлина), млазните струи (тесни појаси со силни ветрови на висина, каде конвергираат две воздушни маси со различни температури) и други временски и климатски феномени.

И времето и климата имаат суштинско значење врз одвивањето на животот и секојдневните активности на луѓето. Како резултат на климатските промени се јавуваат повисоки температури на воздухот, промени во режимот на врнежите, зголемување на фреквенцијата или интензитетот на некои екстремни временски појави и зголемување на нивото на морињата. Овие влијанија го загрозуваат нашето здравје со тоа што влијаат врз храната што ја јадеме, водата што ја пиеме, воздухот што го дишеме и времето што го доживуваме.

Човек се бори за живот, откако пред другите патници во воз во Лондон бил прободен со нож(ВИДЕО)

19-годишен маж е уапсен под сомнение дека се обидел да убие маж што го избодел во воз во јужен Лондон.

Застрашувачките снимки го покажуваат моментот кога жртвата се борела за живот откако бил избоден со нож во воз меѓу железничките станици Бекенхам Јункшн и Шортлендс, пред шокираните патници, пренесува Метро.

На видеото, кое исто така е споделено на социјалните мрежи, се гледа како маж во црна јакна со качулка, црни панталони и заштитна маска мавта со огромен нож.

Се слуша како еден вознемирен патник извикува „f*****, запрете“, пред да повика полиција и да пријави „овој човек прободува некого во возот“.

Во соопштението, британската транспортна полиција рече: „Детективите апелираат сведоците да се појават откако еден човек беше сериозно повреден денеска на станицата Бекенхам.“

„Денеска околу 15.56 часот, добивме извештаи за двајца мажи кои се тепаат кога се качија на воз на железничката станица Шортлендс. Еден човек претрпе сериозни повреди што беа прободени со нож“.

„Полицајците интервенираа, заедно со колегите од Метрополитен полиција и лондонската брза помош, а жртвата беше пренесена во болница со повреди опасни по живот.“

Полицијата апелираше до сите сведоци да излезат.

Портпаролот на возовите соопшти: „Свесни сме за сериозен инцидент на едно од нашите возила попладнево. Работиме итно со британската транспортна полиција и бараме секој што има информации веднаш да се јави“.

„Сите наши возови се опремени со камери за видео надзор и ќе ја доставиме оваа снимка на британската транспортна полиција за да помогне во нивната истрага“.

„Имаме и интегриран тим за заштита, составен од колеги од Југоисточен, БТП и Network Rail, и веќе работиме заедно за да ги најдеме одговорните.

Ковачевски: СДСМ креира мерки за силна економија, ликвидни компании и европски животен стандард

Претседателот на Социјалдемократскиот сојуз на Македонија, Димитар Ковачевски денеска учествуваше и дискутираше на панел дискусијата насловена „Креираме развој преку поддршка на инвестиции“. 

Денешната трибина, како што посочи Ковачевски е добра можност да се сублимираат досегашните преземени мерки и резултатите од нив, во делот на поддршката на инвестициите и економијата, но истовремено и да се види што е она што треба да се преземе за уште подобри резултати.

Ковачевски посочи дека за силна економија е потребен ликвидно и силно стопанство, нови фабрики, раст на инвестициите, капитални инвестиции во инфраструктурата, развиено земјоделство, подобар животен стандард преку повисоки плати и пензии, пристап до ЕУ пазарите.

Справувањето со предизвици, поддршка на домашната економија и компаниите преку правилни таргетирани мерки, финансиска поддршка, раст на платите, беа во фокусот на дискусијата, кои воедно се и дел од столбовите во новата програма на СДСМ.

Ковачевски потенцираше дека правилните политики на Владата предводена од СДСМ, овозможија континуиран раст на платите и во време на криза.

"Минималната плата порасна на 22.500 денари, за само две години. Да не заборавиме дека во 2016 година беше само 8.000 денари, значи имаме неколкукратно зголемување на минималната плата. Во однос на просечната плата, нашето ветување беше дека ќе биде 500 евра просечна плата во 2024, денес гледаме дека е 650 евра. Тоа е резултат на целиот економски амбиент, иако бевме во време на криза. Невработеноста ја преполовивме од 25% на 12,8%. Значи преполовена невработеност, зголемена вработеност, во краток период. Просечната плата во 2028 година ќе достигне рекордни 1.100 евра, а минималната палта ќе достигне рекордни 600 евра", подвлече Ковачевски.

При тоа, Ковачевски посочи дека во новата програма за 2024-2028 година предвидени се уште поголеми инвестиции, уште поголема поддршка за граѓаните, уште поголемо зголемување на минималната плата, на просечната плата и секако намалување на невработеноста, како дел од можностите кои што ги даде ЕУ.

„Прво економијата и поддршката на компаниите, инвестициите беа високо на агендата на Владата која јас ја предводев и на претходната Влада, природно доаѓа тоа бидејќи јас сум економист. Но уште поприродно доаѓа во време на криза кога мора да работите прво на спасување на ликвидноста на компаниите, второ спас на работните места и трето одржување на животниот стандард на граѓаните со оглед на тоа дека секој е погоден од кризата и компаниите и граѓаните и оние што се најзасегнати а тоа се ранливите категории на граѓани. И затоа во изминатите 7 години ние генерално имавме многу силен акцент ставено на економијата." – истакна Ковачевски.

Во наредниот 4 годишен период со новата програма на СДСМ планирани се 180 милиони евра директна финансиска поддршка на домашните компании за инвестиции во производство, 3,5 милијарди евра капитални инвестиции, особено во инфраструктурни проекти, од кои 2,7 ќе бидат само во патна инфраструктура а тоа значи вработување за македонската економија, зголемување на бројот на вработеност, а со тоа и раст на платите и раст на пензиите.

Со 100 милиони евра Владата предводена од СДСМ поддржа 919 компании, за разлика од пред 2017 година, кога имаше нула поддршка за домашните компании. Во последниот деветти пакет антикризни мерки, во вредност 662 милиони евра, 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ од вкупно 2,6 милијарди евра преку антикризни мерки се вратија назад кај граѓаните и стопанството.

Ковачевски потенцираше дека секоја стратешка одука има стратешка цел, а тоа е развој на економијата, развој на приватниот сектор, нови вработувања и подобро платени работни места. Овие цели се исполнуваат со продолжување по европскиот пат и со обезбедување на европската иднина за граѓаните и државата.

Целта која ја застапува СДСМ и Коалицијата значи интеграција и европска иднина.

"Се друго се сценарија кои немаат економска логика, зад кои не стои никаква ниту политичка ниту економска калкулација и коишто ќе значат само враќање во некои неизвесни времиња. СДСМ нуди извесност, нуди надеж и напорна работа за да може да го оствари она што го заслужува Македонија, како земја која културолошки, економски и по секој друг основ и припаѓа на Европската Унија", рече Ковачевски, се наведува во партиското соопштение.

Папата им ги изми и им ги бакна нозете на 12 затворенички во Рим (ВИДЕО)

Папата Франциск им ги изми и бакна нозете на 12 затворенички во римски затвор, во симболичен обред на понизност и служба на Велики четврток.

Аргентинецот попладнево го посети женскиот затвор Ребибија, кој се наоѓа во североисточниот дел на италијанската престолнина.

Седејќи во инвалидска количка, 87-годишниот папа им ги изми нозете на сите 12 затворенички, од кои некои беа во солзи, пред да ги избрише со крпа и да ги бакне.

Светиот Отец се чинеше дека е во добра форма, иако во последните денови во медиумите се шпекулираше за неговата здравствена состојба поради честите инфекции кои во неколку наврати го спречуваа да ги заврши своите говори.

„Сите ние доживуваме мали и големи неуспеси“, рече Франциск во импровизирана проповед за време на миса одржана во срцето на затворот каде што се притворени 370 жени.

Неколку минути претходно Франциск се насмевна и се ракува со затвореничките. Во христијанската традиција, Велики четврток го означува денот кога Исус им ги измил нозете на апостолите за време на Тајната вечера.

Од неговото именување во 2013 година, Франциск е чест гостин на затворите или прифатните центри за бегалци, каде што им ги миел нозете на поранешните мафијаши, болни или маргинализирани луѓе.

Се очекува тој да ги води станиците на Крстот во Колосеумот во петок навечер.

притисни ентер