Анѓушев на панел дискусија „Бизнис и дипломатија": Има сериозен простор за напредок и подобрување во сегментот на дипломатијата

Заменикот на претседателот на Владата задолжен за економски прашања, Кочо Анѓушев учестувуваше на Панел дискусија на тема „ Бизнис и дипломатија".

Пред студентите и присустните на Универзитетот, за пристапот на Владата кон странските инвестиции, Вицепремиерот истакна дека бизнис дипломатијата е значаен канал и претставува битен елемент кон целокупниот моедл за воспоставување на одржлив економскиот раст и развој.

„Нашата дипломатија пред сè треба да биде ориентирана кон бизнисот. Ќе ги разгледаме сите аспекти во тој дел бидејќи нашата економија мора да биде отворена, како и што е случај со секоја мала земја. Ако зборуваме пред сè за индустрија, таа мора да биде извозно ориентирана и тука мислам дека бизнис дипломатијата треба да си го заземе своето место". изјави Анѓушев,

Вицепремиерот нагласи дека во Северна Македонија постои сериозен простор за напредок и за подобрување во овој сегмент, како и дека е значајно токму овој тип на панел дискусии каде младите луѓе имаат можност да дебатираат, да се слушне нивното мислење, особено затоа што има што да се научи и од нив.

Трамп испраќа 1 500 војници на Блискиот исток

Американскиот претседател Доналд Трамп изјави денеска дека на Блискиот исток , главно како мерка за претпазливост поради напнатоста со Иран, ќе прати 1500 војници.

,,Сакаме да имаме некаква заштита на Блискиот исток. Имаме намера да испратиме релативно мал број војници, главно со цел за заштита.” , изјави Трамп пред да отпатува во Јапонија.  

Според американските медиуми , контингентот има за цел да ја засили одбрамбената способност на американските сили во региониот , а меѓу нив има и инженери.

На почетокот на овој месец САД во овој регион распоредија неколку носачи на авиони , како и бомбардери и ракетни проектили Патриот , како можен одговор на нападот на Иран.

Во Пустец одбележан Денот на сесловенските просветители

Денот на сесловенските просветители, Светите браќа Кирил и Методиј, 24 Мај денеска беше одбележан во Општина Пустец, Албанија.

Одбележувањето беше со традиционален собир, кој овој пат се одржа во селото Глобочани, родното место на Стерјо Спасе, кој се вбројува меѓу најзначајните претставници на современата албанска литература и е еден од најуспешните писатели од македонско потекло.

На собирот присуствуваа професори и ученици од училиштето од Пустец и од училиштето од Долна Горица.

-Заедно со нив беше и градоначалникот на општина Пустец, Едмонд Темелко, кој зборуваше за потребата од негувањето на македонскиот литературен јазик. Дел од професорите зборуваа за животот и делото на сесловенските просветители по што на учениците им беа подарени книги од оставината на Ѓорѓи Стојчевски, информираа од Општина Пустец.

Темелко упати благодарност до фамилијата Стојчевски, вети продолжување на напорите за збогатување на библиотечниот фонд во училиштата каде се изучува македонски јазик во Република Албанија, посочувајќи дека „децата, нашата иднина го заслужуваат тоа".

Во сите училишта во Општина Пустец одржани се часови посветени на животот и делото на Светите браќа Кирил и Методиј.

По повод Денот на сесловенските просветители, честитка до Македонците во Албанија, во матичната земја каде и да се во светот упати Општина Пустец, македонската партија, Македонска алијанса за европска интеграција и македонското друштво „Илинден" со седиште во Тирана.

Трагедија во Британија - Две деца убиени, четири се во болница, родителите во затвор (ВИДЕО)

Две момчиња на возраст од 13 и 14 години се починати ,а нивните четири братчиња и сестрички, од кои најмалото има седум месеци се однесени во болница.

Од рано утрово полицијата го затвори предградието на Шефилд , каде две момчиња на возраст од 13 и 14 години се убиени. Во болница се пренесени уште четири деца на возраст од 11, 10 и 3 години , како и едно седум месечно бебе.

Полицијата уапси 37 годишен маж и 34 годишна жена , поврзани со несреќата , но нема детали што точно се случило.

Жителите велат дека утрово околу 8 часот пред куќата стигнале 15 полицуиски возила и 4 возила на итната помош . Од полицијата најавуваат повеќе детали , откако ќе заврши истрагата , а медиумите пишуваат дека станува збор за семејно насилство.

притисни ентер