Перо Антиќ нов предводник на мак баскетот

Првиот и засега единствен Македонец во најсилното светско кошаркарско првенство, НБА лигата Перо Антиќ е новиот претседател на македонската кошаркарска федерација.

Капитенот на македонскиот национален тим од историскиот Евробаскет во 2011 Перо Антиќ, денеска на редовно изборно собрание едноглансо ја доби довербата од сите присутни делегатите за  во следните четири години да ја води македонската кошарка.

Антиќ кој со три освоени титули во Евролигата е најтрофејниот македонски кошаркар на меѓународната сцена  доаѓа на местото на  Петар Наумоски.

Изборното собрание на федерацијата делегатите го искористија и за да донесат одлука за промена на името на федерацијата  новото има на македонската кошаркарска федерација е Кошаркарска федерација на Северна Македонија.

Новиот предводник на мак баскетот Перо Антиќ  во промоцијата на својата програма истакна дека  со силен тим од спортисти и луѓе од бизнис-секторот  во својот мандат ќе работи на  враќање на  кошарката на вистинските патеки на успехот. Новиот претседател вети  многу повеќе пари за сите македонски екипи и многу посериозна работа во младинските селекции .

 Антиќ и неговите најблиски соработници уште на стартот на мандатот ќе имаат голем предизвик , ќе мораат да го вратат загубеното реноме на нашата најсилна селекција, која до пред само неколку месеци беше дури во дивизијата ц на европската кошарка.

  Најблиски соработници на Антиќ  во федерацијата ќе бидат неговиот соиграч од селекцијата легендарниот Тодор Гечевски, поранешниот кошаркар Владимир Георгиевски, некогашниот судија и делегат Гечевски .

Антиќ веднаш по изборот за претседател од делегатите побара  рок од две недели за избор на  членовите на највисокиот орган на федерацијата Управниот одбор.

Душан Тадиќ : Цела ноќ плачев по поразот на Ајакс од Тотенхем

Српскиот фудбалер Душан Тадиќ одигра фантастична сезона во Ајакс . Постигна 38 голови со 24 асистенции на 56 натпревари.

По долго време годинава Ајакс ја освои и националната титула. Но , тоа не им беше доволно на холандските фудбалери , а особено не на Тадиќ. Српскиот фудбалер за холандските медиуми раскажува дека цела ноќ по поразот од Тотенхем во Лигата на шампионите плачел како мало дете.

,,Знаете , кога сум разочаран, сакам да плачам. Тогаш го исфрлаш тоа чувство од телото. Кога стигнав дома , пуштив тажна српска музика и седнав на каучот. Потоа си легнав во кревет . Мислам дека таа ноќ само еден час не плачев . Кога следното утро ги видов своите деца , тоа ми помогна да се смирам.”

Неговиот тим победи во Лондон со 1:0 , во Амстердам водеа со 2: 0 , но потоа примија три гола и не стигнаа во финалето на Лигата на шампионите.

Киргиос го навреди Ролан Гарос, па си замина од турнирот (ВИДЕО)

Контроверзниот австралиски тенисер Ник Киргиос се повлече од натпреварите на Ролан Гарос.

Оваа одлука дојде само неколку дена откако австралискиот тенисер на социјалните мрежи со најбрутални зборви го навреди Ролан Гарос.

Тој на почетокот на видеото е малку поучтив и вели : ,, Што се случува?Еве , тренирам со Енди Мареј. Мислам дека Вимблдон е најдобриот турнир на светот, погледнете ја оваа совршена тревна површина. Ослободете се од земјата, луѓе. Кој сака црвеница , кога е толку лоша. Факт е дека сум тука и за неколку дена треба да заминам во Париз. Ролан Гарос е с...ње воспоредба со ова.”,  рече меѓу другото Киргиос.

Секако , по ваквите навреди се дигна голема прашина. Австралиецот наиде на осуда и поради бројните критики мораше да се повлече од вториот Гренд Слем во сезонава.

Хамилтон поради Роналдо го прекрши своето правило во Ф1 (ВИДЕО)

Сезоната на Формула 1 продолжува со трката во недела на улиците на Монако.

Подготовките за една од највозбудливите трки на Формула 1 во сезоната веќе почнаа , а денеска беше одржан и првиот тренинг , на кој повторно доминираше екипата на Мерцедес.

Луис Хамилтон на денешниот тенинг имаше посебен гостин – фудбалерот Кристијано Роналдо. Португалецот заедно со својот син дојде да го поздрави шампионот во Формула 1 , па заедно се фотографираа.

Британецот тогаш направи нешто што е невообичаено за него. Во кокпитиот го стави синот на славниот фудбалер, Кристијано Роналдо Џуниор, што никогаш порано не му се случило.

Интересен податок за двајцат е дека се петкратни шампиони во своите спортови. Хамилтон има пет титули на светски шампион , а Роналдо пет пати ја освои Златната топка , награда за најдобар играч на светот.

притисни ентер