Што покажаа денешните анкети за претседателските кандидати пред првиот круг?

Кандидатот на власта Стево Пендаровски во благо водство пред кандидатката на опозициската ВМРО-ДПМНЕ Гордана Силјановска за иден претседател.

 Покажуваат псоледните две анкети на „Рејтинг„  и на МЦМС и Институтот за демократија „Социетас цивилис“.  38,3 проценти од испитаниците од анкетата на Рејтинг кои потврдиле дека ќе излезат на гласање на 21 април гласот ќе го дадат за Пендаровски, 33,2 отсто би галсале за Силјаносвка, а 12,6 проценти за Река.16 отсто од испитаниците пак се уште не одлучиле за кого ќе го дадат гласот в недела.

Нешто помала е предноста на Пендаровски пред Силјановска според анкетата на МЦМС, според која 27,2% в недела би галсале за кандидатот на СДСМ и ДУИ, наспроти 23,5% кои својот глас ќе го дадат за кандидатката на ВМРО-ДПМНЕ, Силјановска. Кандидатот на БЕСА и Алијансата ќе го заокружат 11 проценти од испитаниците. Високи 18 отсто од испитаниците и во оваа анкета се уште не одлучиле за кого ќе го дадат својот глас. Силјаносвка, според истата анкета ужива поголема поддршка кај е етничките Македонците, додека Пендаровски има поголема поддршка кај Албанците. Најголем дел од етничките Албанци 41,6% одговориле дека ќе гласаат за Блерим Река.

Во однос на излезноста пак, која останува голем предизвик на престојните избори, според анкетата на МСМС 68,1% од испитаниците се изјасниле дека ќе излезат на гласање, но одн нив само 41,8 отсто потврдиле дека со сигурност ќе гласаат на изборите, а речиси секој петти гласач, односно 18,3% се ијаснил дека со сигурност нема да гласа за иден шеф на државата.

Околу 70 отсто од граѓаните во анкетата на рејтинг посочиле дека  редовно, често или понекогаш ја следат претседателската кампања. Околу 60 проценти од нив за кампањите се информирале од телевизиите, околу 20 проценти од социјалните мрежи, а 7,5 кампањата на Силјановска, Пендаровски и Река ја следеле на интернет порталите.

Анкетата на Рејтинг е спроведена врз 1112 испитаници во периодот од 8-14 април, а на МСМЦ врз 967 испитаници од 7 до 11-ти месецов.

Рокот за објавување на резултатите од испитувањата на јавното мислење поврзани со учесниците во изборниот процес, според роковникот на ДИК, истекува дененска на полноќ.

Утре почнува самитот на ЕУ: Гаранција за преговори или студен туш ?

Македонија и дефинитивно летово останува без датум за преговори, битката сега е да се осигура дека би го добила есенва.

По вчерашните заклучоци на Советот на министрите во кои се предлага ЕУ да се наврати на прашањето најдоцна до октомври, конечниот збор ќе го имаат лидерите на земјите членки на самитот утре и заутре.. Во Брисел е Александар Видиновски.

ВМРО-ДПМНЕ: Граѓаните нема да добијат по 30.000 денари поврат на ДДВ на крај на годината

Граѓаните ниту виделе, ниту ќе видат аир од Зоран Заев и најнеспособната влада, се наведува во реакцијата на ВМРО- ДПМНЕ.

Животот дојде само за врхушката околу него, а бројот на луѓе кои живеат под прагот на сиромаштија постојано се зголемува. Затоа главна цел на младите не е да собираат фискални, туку да соберат пари за да купат карта за заминување од Македонија.

Проектот на владата е уште една шарена лага од која што граѓаните нема да имаат вистинска корист. Единствено манипулаторот Заев се обидува со пари од народот да добие политички поени. Доколку навистина се грижеше за буџетот на граѓаните, Заев ќе ја намалеше акцизата која што ја покачи, ќе го зголемеше обемот на производи со повластена стапка на ДДВ од 5% или ќе ја намалеше стапката на ДДВ од 18%, а пред се ќе престанеше да ги краде парите преку наместени тендери.

Вака останува впечатокот дека станува збор за квазипроект кој ќе направи поголема штета, отколку корист. Се компликува целиот апарат, се воведуваат софтвери и апликации, а се очекува оние кои се најзагрозени, сиромашните пензионерите и другите ранливи категории, со смартфони да ги сликаат фискалните сметки.

Економска логика за овој проект нема. Истиот дополнително ќе го загрози полнењето на буџетот и потоа ќе има контраефект врз исплатата на платите и придонесите на администрацијата и пензионерите.

Граѓаните нема да добијат по 30.000 денари поврат на ДДВ на крај на годината. За да добијат толкав поврат треба да исплатат во текот на годината ДДВ во висина од над 200 000 денари, односно да купат стоки во вредност од околу 25 000 евра од кои само помалиот дел би биле со повластена стапка на ДДВ од 5% како што е хратана и средствата за хигиена. Дури и со две просечни плати од по 1000 евра, едно семејство не може да си дозволи толкав трошок, така што провидни се лагите на Зоран Заев.

Квазипроектот ќе предизвика проблеми, а откако тоа ќе се обелодени инволвираните треба да понесат одговорност.

Во Владата разгледан Законот за управување со движење на предметите во судовите

Советот за имплементација на стратегијата за реформи во правосудството (2017-2022) го разгледа и Законот за управување со движење на предметите во судовите.

На денеска одржаната  12. седница на Советот за имплементација на стратегијата за реформи во правосудството (2017-2022) беше презентиран Законот за управување со движење на предметите во судовите.

Претставник на  Министерството за правда, ги запозна членовите на Советот за имплементација на стратегијата за реформи во правосудството со одредбите во законот, кој има за цел да го спречи застојот и натамошното трупање на судски предмети.

На оваа седница на Советот за имплементација на стратегијата за реформи во правосудството членовите го разгледаа и Законот за академија за судии и јавни обвинители. Министерката за правда, Рената Десковска им се заблагодари на членовите на Советот за констатираните забелешки и за понудените предлози за измени и дополнувања во насока на финализација на текстот на законот, се наведува во соопштението од Владата. 

притисни ентер