Австралиските новинари утре на суд зашто известувале од судењето на кардиналот- педофил

Околу 30 новинари и издавачи утре ќе излезат пред суд и им се заканува петгодишна затворска казна зашто известувале од судењето ан кардиналот- педофил , осуден за сексуално злоставување момчиња.

Околу 30 новинари кои известувале од судењето на кадриналот Џорџ Пел , кој е највисок претставник на Ватикан осуден за педофилија, утре ќе излезат пред судот на државата Викторија.

Обвинителството товари 23 новинари и 13 медиумски куќи за кршење на судскиот налог , со кој било забрането известување од судењето на кардиналот во текот на минатиот месец. Обвинителството бара парични и затворски казни.

За ваков прекршок новинарите се соочуваат со казна затворт од 5 години и со парична казна од 100 000 австралиски долари. Медиумските куќи ќе треба да платат казмна од 500 000 долари.

Истото обвинение било поднесено и против електронските медиуми и сајтовите , но кон крајот на март било повлечено. Пред почетокот на судскиот процес, судот забрани да се известува од него , а ги товари дури и новинарите , кои праќале информации надвор од Австралија и за судскиот процес на кардиналот Пел информирале странските медиуми.

Ново обвинение за италијански фудбалер- Тонали се обложувал и во Англија

Фудбалската асоцијација на Англија (ФА) го обвини италијанскиот играч на Њукасл, Сандро Тонали дека 50 пати ги прекршил правилата за забрана за обложување на натпревари, јавува Би-би-си.

Британските медиуми наведуваат дека Тонали ги прекршил правилата обложувајќи се на фудбалски натпревари во периодот од 12 август до 12 октомври минатата година.

- Сандро ќе ги почитува сите правила на истрагата, а клубот му дава целосна поддршка. Повеќе нема да даваме изјави додека истрагата е во тек - објави Њукасл.

Би-Би-Си потсетува дека Италијанската фудбалска федерација (ФИГЦ) во октомври минатата година го суспендираше Тонали на десет месеци поради кршење на правилата за обложување. Италијанскиот фудбалер тогаш призна дека се обложил на натпреварите на кои настапувал за Милан и Бреша.

Меѓународната фудбалска федерација (ФИФА) потоа го прифати барањето на ФИГЦ за суспензијата на Тонали да се префрли на глобално ниво. Тој треба да се врати на терените во август годинава.

Тонали пристигнал во Њукасл минатиот јули од Милан за 55 милиони фунти. Италијанскиот фудбалер пред суспензијата одигра 12 натпревари за англискиот клуб.

Поради суспензијата ќе го пропушти претстојното ЕП во Германија.

Се шетала по плажа и пронашла заб од мамут, стар 1,8 милиони години

Крис Биен (56) се шетала по плажата во Есекс кога забележала необична „брановидна линија“ во песокот. Таа се приближи и сфати дека открила нешто посебно.

Оваа жена е страстен „ловец на фосили“, а овој пат имала неверојатна среќа. Таа најде, ни помалку ни повеќе, туку заб на степски мамут!

Плажите во северен Есекс се познати по своите фосилизирани богатства, но Крис беше изненадена.

„Го видов како излегува од песокот и помислив дека можеби е заб. Копав со раце, бидејќи беше длабоко во песокот“, објасни таа.

Забот е целосно фосилизиран, долг 17 сантиметри и тежок околу два килограми, пишува New York Post.

Степски мамут талкал по Земјата пред 1,8 милиони години, а Крис верува дека пронашла само половина од забот.

Таа планира да го стави во дестилирана вода неколку недели пред да го зачува со лепак и етанол.

„Сакам луѓето да знаат за богатата историја на оваа област. Наша должност е да пријавиме такви откритија, но јас би сакала да го задржам и да ѝ го покажам на јавноста“, изјави Крис, член на археолошкото друштво „Хоув“.

Човек се бори за живот, откако пред другите патници во воз во Лондон бил прободен со нож(ВИДЕО)

19-годишен маж е уапсен под сомнение дека се обидел да убие маж што го избодел во воз во јужен Лондон.

Застрашувачките снимки го покажуваат моментот кога жртвата се борела за живот откако бил избоден со нож во воз меѓу железничките станици Бекенхам Јункшн и Шортлендс, пред шокираните патници, пренесува Метро.

На видеото, кое исто така е споделено на социјалните мрежи, се гледа како маж во црна јакна со качулка, црни панталони и заштитна маска мавта со огромен нож.

Се слуша како еден вознемирен патник извикува „f*****, запрете“, пред да повика полиција и да пријави „овој човек прободува некого во возот“.

Во соопштението, британската транспортна полиција рече: „Детективите апелираат сведоците да се појават откако еден човек беше сериозно повреден денеска на станицата Бекенхам.“

„Денеска околу 15.56 часот, добивме извештаи за двајца мажи кои се тепаат кога се качија на воз на железничката станица Шортлендс. Еден човек претрпе сериозни повреди што беа прободени со нож“.

„Полицајците интервенираа, заедно со колегите од Метрополитен полиција и лондонската брза помош, а жртвата беше пренесена во болница со повреди опасни по живот.“

Полицијата апелираше до сите сведоци да излезат.

Портпаролот на возовите соопшти: „Свесни сме за сериозен инцидент на едно од нашите возила попладнево. Работиме итно со британската транспортна полиција и бараме секој што има информации веднаш да се јави“.

„Сите наши возови се опремени со камери за видео надзор и ќе ја доставиме оваа снимка на британската транспортна полиција за да помогне во нивната истрага“.

„Имаме и интегриран тим за заштита, составен од колеги од Југоисточен, БТП и Network Rail, и веќе работиме заедно за да ги најдеме одговорните.

притисни ентер