Мицкоски ги посети жителите на населбата Јени Мале и село Оризари во Битола

Претседателот на ВМРО-ДПМНЕ, Христијан Мицкоски денес е во посета на Општина Битола каде што оствари средба со жителите на населбата Јени Мале и битолско Оризари.

Мицкоски на средбата во Јени Мале посочи дека државата се наоѓа пред одлука за тоа каква Македонија сакаме и каква Македонија ќе ја оставиме на идните генерации. Тој вели дека претседателските избори не се само обичен избор туку избор од кој зависи судбината на државата, бидејќи работите во реалноста не се добри и не се такви какви што ветуваа од власта.

Победа на Претседателските избори ќе значи сигурни предвремени парламентарни избори на кој оваа власт ќе биде детронизирана. Да излеземе сите заедно и да го поразиме Заевизмот кој не влече на дното, а Заевизмот не е само губење на националното достоинство туку и криминалот кој го прават на дневна основа, потенцираше Мицкоски.

Денеска не постои бизнисмен кој што е задоволен од тоа што го работи. Затоа што најпрвин им ги качија даноците кои што ќе ги собираат за да договараат тендери во 4 очи. Тарифата се знае од 5 до 15% и местото на исплата се знае, еден ресторан во југоисточна Македонија. Ветуваа правда и правдина за секого. Викаа дека немало правда и немало мир, а донесоа преку 2 века казни, а од друга страна оние што е бореа за ИСИС добиваат по 6 години, истакна Мицкоски.

Мицкоски нагласи дека власта ветуваше подобро здравство и повисоки плати, а ни се случува егзодус на кадри кои си заминуваат од земјава, ветуваа квалитет о образовнието, а немаме универзитет ниту во првите 1000 во Светот.

На средбата со жителите од Битолско Оризари жителите се пожалија на игнорирањето од страна на власта. Не се исплаќа трудот на земјоделците, нема пласман, а субвенциите каснат. Единствено добро што оди во земјоделието се оранжериите и садниците со марихуана на власта и ништо повеќе .

Затоа ќе ги смениме работите, ќе донесеме правда, ќе се избориме за подобар живот за сите граѓани. Додека нема правда ќе нема мир. А нашата цел е да ја направиме државата подобра, и праведна, порача Мицкоски. /МИА

Израелската армија го потврди убиството на висок функционер на Хезболах

Израелската војска потврди дека го убила Али Абед Асан Наим, заменик командант на ракетната дивизија на Хезболах. Тој бил убиен во напад со беспилотно летало во либанскиот регион Базуриех, објавија британските медиуми.

Израелската војска соопшти дека Наим насочил ракетен истрел со тешка боева глава кон израелска територија од Либан. Според израелските воени претставници, убиениот висок функционер на Хезболах бил одговорен за планирање и извршување на напади врз израелски цивили.

„Хуавеј“ минатата година со двојно поголем профит

Кинескиот телекомуникациски гигант „Хуавеј“ денеска соопшти за значително поголем профит во 2023 година, благодарение на силните резултати од неговите оддели за обработка заснована на Интернет и софтвери за автомобили.

Приходите на компанијата се зголемија за 9,63 отсто минатата година, на 704,2 милијарди јуани (99,4 милијарди долари).

Нето добивката се зголеми повеќе од двојно и изнесуваше 86,9 милијарди јуани.

Главниот столб на компанијата минатата година беше неговиот оддел за опрема за ИКТ инфраструктура, со приход од 362 милијарди јуани, што е за 2,3 отсто повеќе од 2022 година. Голем број западни земји забранија инсталирање на опрема на „Хуавеј“ во мобилните мрежи, повикувајќи се на националната безбедност.

Бајден: Постојано работиме да издејствуваме ослободување на Гершкович

Белата куќа објави изјава од претседателот Џо Бајден по повод навршувањето на една година руски затвор на новинарот на Волстрит џурнал, Иван Гершкович.

-Новинарството не е злосторство и Иван замина за Русија да ја врши својата работа на известувач со ризик за неговата безбедност за да се открие вистината за жестоката агресија на Русија против Укаина. Веднаш по неговото неправедно и незаконско задржување тој од затворот испрати писмо до своето семејство, изјави претседателот на САД.

Во писмото новинарот напишал дека „не губи надеж“.

-Како што им кажав на родителите на Иван, јас исто така не губам надеж. Ќе работиме секојдневно да издејствуваме негово ослободуање, рече Бајден.

Тој вети дека САД и понатаму ќе ги осудуваат и ќе воведуваат мерки „за обидите на Русија да ги користи Американците како монети за размена“.

Гершкович беше задржан лани во март. Оттогаш е се уште во притвор и чека судење по обвинение за шпионажа, што е категорично отфрлено од него, неговиот работодавач и владата на САД.

Во случај да биде прогласен за виновен, тој може да биде осуден на 20 години затвор./МИА

притисни ентер