Македонија

Работни групи од власта и опозицијата во нов обид да ги надминат разликите околу статусот на СЈО

Втор обид на власта и опозицијата да ги доближат ставовите околу Законот за јавно обвинителство со кој треб

Во денешните разговори двете страни влегуваат со дијаметрално спротивни гледишта. По вчерашните услови кои ги постави опозицијата, од Министерството за правда со став дека за ВМРО-ДПМНЕ амнестијата на криминалот е поважна од европската иднина на земјата. Велат наместо амандмани добиле документ со „принципи и насоки на ВМРО-ДПМНЕ во донесувањето на законот“ .

- Со досегашниот несериозен однос во процесот на носење на законот за Јавното обвинителство, ВМРО-ДПМНЕ покажа дека амнестијата на сторители на сериозни кривични дела од редовите на нивната партија им е поважна цел од европската иднина на нашите граѓани.

Од ВМРО-ДПМНЕ вчера испорача три клучни барања.

„Согласно принципот на отчетност СЈО да ги доврши започнатите судски предмети кои се поднесени до 30 јуни 2017 и согласно со законот да престане да ја извршува функцијата сегашниот персонален состав на ова Обвинителство, како и да се формира посебна анкетна комисија од страна на Собранието која ќе ја оцени неговата работа, ќе изврши увид и ќе утврди како тоа ги трошело парите. Согласно принципот на ефикасност и ефективност во борбата против криминалот предлагаме ново одделение во рамки на Јавното обвинителство за организиран криминал како специјално јавно обвинителство и предлагаме проширување на опфатот на предметите кои порано беа покриени со различни афери“, истакна Тони Менкиновски, претставник на ВМРО ДПМНЕ.

Неформалниот рок за договор е крајот на месецов со цел законот да биде усвоен во Собранието пред паузата поради предизборната кампања. Власта и опозицијата засега се далеку од постигнување договор. Законот за јавно обвинителство е дел од реформската агенда на која инсистира Брисел во пресрет на одлуката за добивање датум за преговори со ЕУ во јуни.

Македонија

Кралството Норвешка донира 76 возила за Армијата на Македонија

Во касарната „Илинден“ во Скопје денеска ќе биде предадена донација од 76 моторни возила од Кралството Норвешка. 

- Седумдесет и шесте моторни возила, од кои триесет и шест се лесни пешадиски моторни возила од типот Мерцедес бенз- 290ГД, Мулти 2 и четириесет товарни моторни возила камиони Сканија-П3, се последен од досегашните многубројни проекти на континуирано одличната соработка во полето на одбраната помеѓу Република Македонија и Кралството Норвешка, велат од Министерството за одбрана.

На настанот ќе се обратат министерката за одбрана Славјанка Петровска и началникот на Генералштабот, генерал-потполковник Васко Ѓурчиновски, амбасадорката на Кралството Норвешка за Македонија, Кристин Мелсом и бригадниот генерал Андрес Јернберг, командант на логистика на Вооружените сили на Кралството Норвешка.

На чинот на официјалното предавање ќе присуствува и раководството од Министерството за одбрана и Генералштабот, генерали во Армијата и команданти од единици.

Свет

Санчез до понеделник ќе размислува дали да остане шпански премиер

Шпанскиот премиер Педро Санчез вчера изјави дека пет дена ќе се повлече од јавноста за да размисли дали да остане премиер, откако судот во Мадрид отвори истрага против неговата сопруга под обвинение за корупција.

Синдикатот Манос Лимпијас (Чисти раце) ја пријави 59-годишната Бегоња Гомез пред судот во Мадрид дека, како сопруга на премиерот, дала писма со препораки со нејзин потпис на претприемачите кои се пријавиле на јавни тендери.

Консултантската компанија на претприемачот Карлос Барабес добила десет милиони евра од јавно претпријатие во надлежност на Министерството за економија. Претприемачот подоцна основал постдипломски курс кој го води Гомез на Универзитетот Комплутенсе во Мадрид, објави шпанската телевизија ТВЕ.

Во извештајот се споменува и односот на сопругата на премиерот со компанијата “Глобалија“ (Globalia), која беше спонзор на тинк-тенкот „Africa Center del Instituto de Empresa“ управуван од Гомез.

Шпанската влада употреби 600 милиони евра народни пари за да ја спаси авиокомпанијата „Ер Европа“, која е во сопственост на Глобалија.

Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница. /МИА

Македонија

Променливо облачно со повремен дожд

Времето денеска ќе биде променливо облачно со повремени врнежи од дожд, а на планините со повремен снег.

Локално врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени Целзиусови.

Во Скопје ќе биде променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени Целзиусови.

Според најавите од Управата за хидрометеоролошки работи (УХМР) од утре следува период на претежно стабилно и потопло време со пораст на температурите на воздухот.

притисни ентер