Глобалното затоплување открива ужасни глетки на Монт Еверест

Телата на загинатите планинари , кои настрадале на Монт Еверест се појавуваат од истопените санти мраз.

Поради глобалното затоплување, организаторите на експедициите на врвот на светот имаат големи проблеми. На Монт Еверест во последните педесетина годиниз агинаа околу 300 планинари , а две третини од бројот на настраданите се сеуште заробени во мразот на планината.

До сега на врвот успеале да се искажат околу 4 800 планинари од целиот свет. Со глобалното затоплување и топењето на мразот , се појавуваат телата на планинари , кои починале и пред неколку децении. Од кинеската страна на северните падини на Монт Еверест само од почетокот на оваа пролетна сезона се најдени десетина тела на настрадани планинари. Непалските власти велат дека е особено тешко да се пренесуваат овие тела до најблискиот град.

Поради топењето на мразот , на подножјето настанале езера, преку кои тепшко се минува. Велат дека прошоците за една експедиција за преземање на мртво тело би изнесувале меѓу 40 000 и 80 000 долари.

,,Едно тело најдовме на височина од 8 700 метри , значи под самиот врв. Тоа ни беше најголем предизвик, зашто смрзнатото тело тежеше околу 150 килограми. Додатни тешкотии предизвикуваше самото место каде е најдено телото на недостапен терен. “ , вели претседателот на здружението на шерпаси , Анг Тшеринг.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер