Роднините со солзи во очите ја слушнаа пресудата за 27април

Со солзи во очите, пресудата ја слушнаа и роднините и пријателите на обвинетите, дел од нив внатре во судницата, дел од нив и надвор.

Децениските затворски пресуди за 27-ми април ги шокираа роднините и пријателите на осудените за крвавиот четврток. Едни со плачење, а други со жестоки реакции на неверување, внатре и надвор од судот, ги слушнаа донесените пресуди. Сите очекуваа ослободителна пресуда, но таква слушна само за еден, оперскиот пејач Игор Дурловски, кој на паузата од судењето беше пречекан со прегратки од неговите најблиски.

Тој не сакаше да проговори пред камерите, но тоа го сторија роднините на осудените Влатко Трајковски и Абдулфета Алими, кои денешната одлука на судот ја оценија како голема неправда.  

Незадоволство од пресудата изнесоа и адвокатите на осудените. Бранителот на Митко Чавков, рече дека и тој и поранешниот директор на БЈБ очекувале драконска пресуда, за која најави и жалба.

За разлика од одбраната обвинителката Ивана Трајчева рече дека правдата е задоволена. Во однос на висините на изречените затворски казни, таа истакна дека ќе почекаат да им биде доставена пресудата по што ќе одлучат дали ќе има жалба

Со денешното рочиште заврши делот во кој се судеа извршителите на упадот во Собранието, а следува и процес кој е во фаза на истрага, во која ќе се бара одговорност од организаторите. Заега од обвинителството не откриваат детали за истражните дејствија за да не се наштети на истрагата, иако претходно како можни организатори на овој настан беа посочени Никола Груевски, Трајко Вељаноски, Миле Јанакиески, Спиро Ристовски, Никола Бошкоски и Владимир Атансовски.

Еко-акција за чистење на парк шумата Гази Баба

Во Еко-акција, организираа Општина Гази Баба и град Скопје, заедно со ЈКП „Гази Баба" и ЈП „Паркови и зеленило", со поддршка на „Акцијаши" – Скопје, денеска беа исчистени  пристапните патеки и неколку критични локации во парк шумата „Гази

Од Општината информираат дека во следната фаза започнуваат со обнова и поставување на нова урбана опрема во парк шумата. Нов модерен парк за миленици ќе биде новата содржина што ќе ја краси парк шумата Гази Баба, а на повеќе локации низ самата парк шума ќе бидат поставени реквизити за миленици и посебна урбана опрема.

– Целта на оваа акција е да бидеме пример за сите оние кои ја загадуваат животната средина. Да им покажеме дека кога сме во природа, треба и ѓубрето кое што сме го направиле, да го собереме и фрлиме во соодветни контејнери, истакна градоначалникот на Општина Гази Баба, Борис Георгиевски. 

Масовна тепачка на плоштад во Берлин – се степаа фанови на две јутјуб ѕвезди

Спор меѓу две ривалски ѕвезди на јутјуб каналот, предизвика масовна тепачка на плоштад во Берлин.

Повеќе од 100 полицајци учествуваа во акцијата за спречување на тепачката која избила во четвртокот вечерта на плоштадот Александерплац во германскиот главен град.

Полицијата соопшти дека уапсени се девет лица, а се претпоставува дека тепачката била организирана, со оглед дека се собрале повеќе од 400 луѓе, откако двајца главни поттикнувачи на инцидентот, ги повикале своите обожаватели да им се придружат на соочувањето.

Тензиите ескалирале, по што избила голема гужва меѓу 50-на луѓе.

 

Во Струмица продолжи акцијата за чистење диви депонии

Продолжува акциjата за чистење на комуналниот отпад во повеќе населени места на територијата на општина Струмица со конкретни активности на ЈПКД „Комуналец" во соработка со општината и голема помош со механизација на дел од приватниот сектор. 

Денес се чистеа диви депонии во населените места Банско, Муртино и Просениково.

Раководителот на секторот „Комунална хигиена" при ЈПКД „Комуналц",Бранко Горѓиев, информираше дека првата недела од акцијата за чистење на дивите депонии биле подигнати 1.370 метри кубни отпад, а исчистени се депонии во населените места Просениково, Добрејци и Водоча.

-Со овие акции се очекува значително да се подобри состојбата со непрописното одложување на отпадот, намалување на неговото штетно влијание и локализирање на депониите со цел полесна контрола на истите, рече Горѓиев,

Градоначалникот Коста Јаневски и директорот на „Комуналец", Зоран Горгиев и денеска повторно упатија апел до граѓаните за совесно и правилно да го одлагаат својот отпад, со цел да се спречи создавање на диви депонии и да се сфати пораката дека заштитата на животната околина зависи од сите нас./МИА

притисни ентер