Села: Сериозно размислуваме за заеднички кандидат Албанец за претседател на Македонија

Лидерот на Алијансата за Албанците, Зијадин Села, гостувајќи во емисија на тиранската телевизија Ора њуз, рече дека „албанските партии во Македонија сериозно размислуваат за заеднички претседателски кандидат".

– Секако тој процес е во тек. Ние следиме како се одвива ситуацијата во мнозинскиот кампус. Албанските гласови не треба да течат во насока кон кандидатите кои произлегуваат од македонските политички субјекти. Ние сериозно размислуваме да имаме наш кандидат Албанец, бидејќи Албанците заслужуваат да гласаат за Албанец, изјави Села.

Додава дека се уште не се созреани условите за кандидат Албанец кој ќе го подражат и македонските партии.

– Се уште не се созреани условите да имаме кандидат Албанец подржан од македонските партии. Напорите што ги прави СДСМ, наводно, предводејќи се од мотото едно општество за сите, пред себе ја гледа идејата за третирање на Албанците како една колонија. Албанците не добиваат повеќе од четири отсто од инвестициите, рече Села.

Тој и со оценка дека во Македонија „живееме како две посебни општества".

– Таму живееме како две посебни општества. Културните разлики се тие кои се наметнуваат. И до ден денес, постојат Албанци кои издржуваат затворски казни во монтирани процеси кои се од претходниот систем. За жал, правдата за Албанците е со два стандарди, а да не зборуваме за колективните права, оценува лидерот на Алијансата за Албанците, Села./MИА. 

Прв случај на коронавирус потврден во Хрватска

Прв случај на коронавирус потврден е во Хрватска.

Станува збор за млад човек, кој се наоѓа во Клиниката за инфективни болести во Загреб, потврди премиерот на Хрватска Андреј Пленковиќ.

Пленковиќ навел дека човекот е во добра состојба.

Министерот за здравство на Хрватска Вили Берош истакна дека заразениот е повратник од Италија каде прстојувал од 19 до 21 февруари.

„Покажува благи знаци на болеста и се надеваме дека така и ќе остане. Ќе се концентрираме на контактите кои ги остварил откако се вратил во Хрватска. Не очекуваме компликации“, истакна Вили Берош.

Здравствената состојба на повредените во експлозијата во Романовце непроменета

За жал, не можам да Ви кажам никаква добра вест во моментов. Состојбата на мажот кој се наоѓа во Единицата за интензивно лекување на Клиниката за неврохируршки болести е исто така непроменета. Тој

Здравствената состојба на тројцата повредени во експлозијата на плинска боца во кумановското село Романовце е крајно тешка, a oсобено на двете жени кои се наоѓаат во Единицата за интензивно лекување и нема никаква промена во однос на нејзино подобрување, изјави денеска директорот на Клиниката за трауматологија, ортопедски болести, анестезија, реанимација и интензивно лекување и Ургентен центар – ТОАРИЛУЦ, Илир Хасани.

– За жал, не можам да Ви кажам никаква добра вест во моментов. Состојбата на мажот кој се наоѓа во Единицата за интензивно лекување на Клиниката за неврохируршки болести е исто така непроменета. Тој е во тешка, но стабилна состојба. Сите тројца се на апарати за дишење. Во моментот се во кома, значи дека организмот реагира и се влошува, додаде д-р Хасани.

Од Универзитетската клиника по хирушки болести „Св.Наум Охридски" информираа дека и натаму во животозагрозувачка состојба е 31-годишната жена повредена во експлозијата на боца во Романовце, која има 80 проценти изгореници по телото.

– Состојбата е непроменета и е иста како и вчера. Во релативно стабилна состојба се десетгодишното дете и 28-годишната бремена жена. Се преземаат сите мерки за подобрување на здравствената состојба на повредените, посочуваат од Клиниката.

Експлозијата на боца во Романовце се случи завчера. Животот го загубија четири лица. /МИА.

Мицкоски: Наскоро ќе се знае коалицијата со која ќе настапи ВМРО-ДПМНЕ на изборите

 Многу скоро јавноста ќе го дознае составот на коалицијата со која ВМРО-ДПМНЕ ќе излезе на изборите, соопшти денеска лидерот на партијата Христијан Мицкоски.

Пред средбата со компаниите – членки на Стопанската комора Македонија – Турција (МАТТО), Мицкоски, одговарајќи на новинарски прашања, ги повика граѓаните да се придружат на вечерашниот протест од пред судот, што го организира ВМРО-ДПМНЕ. Тој упати апел и до сите политички партии кои, како што рече, беа гласни за ветинг и промени во судството, вечер на протестот да застанат до ВМРО-ДПМНЕ и заеднички да побараат „неправдата што се случува во државата, еднаш засекогаш да престане, да не се дозволи политичките конвертити од сваровски во Луј Витон судството да диктираат какви ќе бидат судските одлуки и пресуди".

Тој им посака на СДСМ и движењето БЕСА да се договорат за коалицијата и да излезат заедно на изборите.

– Секој ден ме прашувате за коалицирањето. Не би сакал да зборувам со кого конкретно сме во преговори и разговори. Кога ќе има промена на дневна основа, ќе ја известиме јавноста. Преговараме со многу политички партии. Но, за нас е најважно тоа што на 12 април, несомнено и недвојбено, ќе се случи најголемата историска победничка коалиција од осамостојувањето на Македонија, а тоа е победата на коалицијата „Обнова на Македонија". Постизборно, потоа, можеме да преговараме и разговараме со сите политички партии, напомена Мицковски.

Тој дополни и дека имал средби со сите политички лидери, вклучувајќи го и Билал Касами.

– Логично е што сме разговарале со Касами. Сме разговарале во тој момент за она што не чини во државата. Гледам дека сега разговараат со СДСМ, претпоставувам што чини и дека блескаме. Им посакувам конечно да се договорат, среќа и успеси на изборите. За нас е најважно да имаме фер и демократски избори на 12 април, но сега индициите се се, само не дека изборите ќе бидат фер и демократски, потенцира лидерот на ВМРО-ДПМНЕ.

Во врска со вечерашниот протест, тој повика граѓаните да заборават на политичката боја и партиската припадност.

– Живееме во време кога деспотизмот е на својот врв. Гледаме и слушаме како се нарачуваат судии и судски одлуки и тоа не од кој било, туку зборуваме за Врховниот суд. Гледаме како се управувале и манипулираат специјални јавни обвинители. Ќе ве потсетам, тој ист специјален обвинител мене ме уценуваше во минатото да соработувам за да го одмрзне имотот на политичката партија. Влегуваме во избори, имаме помалку од педесетина дена, имотот на ВМРО-ДПМНЕ е се уште замрзнат и ние практично, влегуваме на овие избори силно мотивирани да покажеме дека и без тоа, извесна и огромна е победата, истакна Мицковски, одговарајќи на новинарски прашања.

притисни ентер