Новите модели за финансирање на високото образование тема на средбата меѓу Адеми и Салми

Министерот за образование Арбер Адеми на средбата со Џамил Салми, експерт во областа на образованието, а воедно и консултант на МОН ,разговарал за новиот модел за финансирање на високото образование предложен од експертот.

Како што соопшти МОН, Адеми и Салми ги разгледале трите столба, кои се предлагаат како нов модел на финансирање на високото образование во Македонија, а се однесуваат на обезбедување основно финансирање преку годишното буџетско финансирање од страна на државата, успешноста на Високо Образовните Установи (ВОУ) базирана на излезни индикатори (output – based formula) или преку договори за успешност (performance contract), како и стрегијата за иновативното однесување и академската извонредност преку компетитивни грантови, наменски фондови или договори за успешност.

Првиот столб, како што било посочено на состанокот, ги покрива оперативните трошоци за наставата и трошоците за истражување а е базирана на влезни индикатори, излезни индикатори или комбинација на двата.

Вториот столб се фокусира на успешноста, односно на реализацијата на излезните индикатори, така што со вклучување на овој инструмент во моделот за финансирање се охрабруваат/мотивираат ВОУ да ги подобрат нивните резултати преку дополнително финансирање.

Со третиот столб финансирањето е насочено кон стратешките активности на ВОУ, (иновативни иницијативи во наставата и процесот на учење, нови студиски програми/педагошки иновации) иницијативи во областа на истражување (центри на извонредност, нови истражувачки проекти) или диверсификација на фондови, соопшти МОН. 

Музејот за ретки минерали во Пробиштип треба да биде изграден до крајот на мај

Во рударскиот град Пробиштип деновиве интензивно се гради  регионалниот Научен музеј за ретки минерали. 

Градоначалникот на Пробиштип Драган Анастасов изјави дека музејот ќе биде и единствен во државата. Изведувачот на градежните работи има рок до 31 мај да го изгради музејот.

-Со подобрување на временските услови изведувачот интензивно работи на објектот. Збирката со над 250 експонати наскоро ќе добие свој оригинален простор, а општина Пробиштип ќе ја збогати својата автентична туристичка понуда, рече Анастасов.

Богатата збирка од  ретки минерали се чува во Домот на културата „Злетовски рудар". Инвестицијата чини 9,2 милиони  денари, од коишто 60 отсто се обезбедуваат преку Бирото за рамномерен регионален развој, а останатите се од буџетот на Општина Пробиштип.

 Музејот на ретки минерали треба да биде дел од туристичката понуда на Пробиштип кој на туристите им го нуди преубавото и живописно село Лесново, потоа старата населба Злетово, каде што се уште  работат познатите злетовски грнчари и ги изработуваат  македонските бардаци, глинeни тави, котлиња и најразлични сувенири.

Овој Музеј на ретки минерали  предвидено е да биде и едукативен центар за студентите на факултетите по рударство и геологија. Проектот е од регионален карактер и ќе овозможи поголем развој на туризмот во Источниот плански регион. /МИА

Шилегов: На местото од старата депонија ќе има нова зелена површина кај железничка

Градоначалникот Петре Шилегов го посети местото каде што до пред неколку дена имаше дива депонија којашто го нагрдуваше овој дел на Скопје.

Во непосредна близина на местото што сега е исчистено, кај надвозникот на железничката станица, Шилегов одржа и прес-конференција заедно со градоначалникот на Општина Центар, Саша Богдановиќ и градоначалникот на Општина Аеродром, Златко Марин.

-Денеска сме на локацијата што повеќе од 20 години беше дива депонија и беше место коешто претходно никој не нашол за сходно да го среди. Станува збор за површина однад 6.000 квадратни метри, ипреку ЈП Улици и патиштаво изминатиов период ја исчистивме таа дива депонија и исфрливме повеќе од 15.000 кубни метри смет. Денеска вршиме увид на овој нов јавен простор каде што треба да никне и мал парк и детско игралиште, со цел овој меѓник меѓу општините Аеродром и Центар да го уредиме, верувам на задоволство на жителите и на двете општини коишто гравитираат особено кон овој дел, кој претходно беше место што едноставно не беше достоинство ниту за гледање, ниту за живеење. Верувам дека ќе го разубавиме овој дел од градот со цел на нашите сограѓани да им овозможиме пријатно место каде што ќе можат да го поминуваат своето слободно време- рече Шилегов.

Тој додаде дека ова е само почеток на активностите на Градот во текот на оваа сезона, особено во отворање на нови јавни простори.

-Во овој момент се чистат депонии во општина Бутел, ЃорчеПетров, Кисела Вода, Карпош, Аеродром, каде што ќе никнуваат нови вакви мали паркови, мини зелени оази, со цел јавниот простор да го заштитиме, пред се од градежно дивеење, меѓутоа и од фрлање на ѓубре и отпад кој каде ќе стигне. Ги потсетувам граѓаните на Скопје дека Скопје ќе биде онолку убав град колку што ние ќе сакаме сите заедно да го направиме - порача Шилегов.

Тој, исто така, упати апел до граѓаните одговорно да се однесуваат со животната средина и отпадот што го создаваат.

Градот продолжува со засилен инспекциски надзор со цел да се спречи повторното создавање диви депонии на истите места каде што имало претходно, стои во соопштението од Град Скопје.

МАТТО му порача на Мицковски: Политичарите треба да го слушнат гласот на бизнис заедницата

Мицковски дојде во МАТТО придружуван од партиски претставници за да ја претстави предизборната економска програма, но и за да ги слушне предлозите на компаниите.

Јавниот дијалог да добие нов модел – не ние да бидеме водени од политиката, туку политиката да биде водена од економијата, приватниот сектор и граѓаните, рече претседателот на Стопанската комора Македонија – Турција (МАТТО), Ајдован Адемоски на денешната средба со лидерот на ВМРО-ДПМНЕ, Христијан Мицковски.

Ајдован напомена дека благосостојбата на земјата е заедничка, но биснис заедницата и политиката досега главно немаа заеднички патишта.

-Политичарите треба да го слушнат гласот на бизнис заедницата кој е реален и објективен. Ние, претприемачите, даночните обврзници, треба со нашето работење да го изнесеме економскиот раст, но и развој. Верувам дека и партиите соодветно ќе се трансформираат како и ние и дека ќе работиме синхронизирано, истакна Адемовски.

Мицковски дојде во МАТТО придружуван од партиски претставници за да ја претстави предизборната економска програма, но и за да ги слушне предлозите на компаниите.

-Нашата заложба е односите на идната влада, предводена од ВМРО-ДПМНЕ, со сите стопански комори, вклучувајќи ја и МАТТО, да се интензивираат. Зошто да не зборуваме за двоцифрени бројки на вложувачи од Турција и за два до три пати повеќе вработени во МАТТО, изјави Мицковски.

Рече и дека од она што ќе го слупнат на средбата, очекува да биде имплементирано во партиската економска програма.

Компаниите – членки на МАТТО имаат инвестирано повеќе од две милијарди евра во земјава, а вработуваат преку 10.000 лица.

МАТТО досега имаше средби со економскиот тим на СДСМ, предводен од лидерот на партијата Зоран Заев, со труските партии, како и со Алтернатива. /МИА

притисни ентер