Наследничката на Меркел за мигрантите : Можно е затворање на границите

Новата претседателка на Христијанско- демократската партија (ЦДУ) , Анегрет Крамп- Каренбауер најави дека во случај на нов мигрантски бран , Германија би можела да ги затвори границите.

,,Како последна можност , во случај другите механизми да не дадат резултати , е затворање на границите. И така од последното лето , откако канцеларката со европските партнери за тоа постигнаа договор , имаме поинаква ситуација.” , изјави Крамп – Каренбауер за договорот на Ангела Меркел со европските лидери за враќање на мигрантите од германската граница врз основа на Даблинскиот договор , според кој за нив е одговорна првата земја – членка на ЕУ во која ќе влезат мигранти.

Лидерите на ЦДУ во неделата разговараа за спорната мигрантска политика на Германија која во 2015 ги отвори ширум границите за милион бегалци , повеќето од Сирија.

Иако немаше отворена осуда на политиката на Меркел, ЦДУ поднесе низа предлози за заострување на политиката кон мигрантите , против давањето азил со цел намалување на нивниот број.

,,Мораме да ставиме јасно до знаење дека ја научивме лекцијата од 2015 .” , рече претседателката на ЦДУ , која многумина ја гледаат и како наследничка на Меркел на канцеларската позиција.

Шилегов: На местото од старата депонија ќе има нова зелена површина кај железничка

Градоначалникот Петре Шилегов го посети местото каде што до пред неколку дена имаше дива депонија којашто го нагрдуваше овој дел на Скопје.

Во непосредна близина на местото што сега е исчистено, кај надвозникот на железничката станица, Шилегов одржа и прес-конференција заедно со градоначалникот на Општина Центар, Саша Богдановиќ и градоначалникот на Општина Аеродром, Златко Марин.

-Денеска сме на локацијата што повеќе од 20 години беше дива депонија и беше место коешто претходно никој не нашол за сходно да го среди. Станува збор за површина однад 6.000 квадратни метри, ипреку ЈП Улици и патиштаво изминатиов период ја исчистивме таа дива депонија и исфрливме повеќе од 15.000 кубни метри смет. Денеска вршиме увид на овој нов јавен простор каде што треба да никне и мал парк и детско игралиште, со цел овој меѓник меѓу општините Аеродром и Центар да го уредиме, верувам на задоволство на жителите и на двете општини коишто гравитираат особено кон овој дел, кој претходно беше место што едноставно не беше достоинство ниту за гледање, ниту за живеење. Верувам дека ќе го разубавиме овој дел од градот со цел на нашите сограѓани да им овозможиме пријатно место каде што ќе можат да го поминуваат своето слободно време- рече Шилегов.

Тој додаде дека ова е само почеток на активностите на Градот во текот на оваа сезона, особено во отворање на нови јавни простори.

-Во овој момент се чистат депонии во општина Бутел, ЃорчеПетров, Кисела Вода, Карпош, Аеродром, каде што ќе никнуваат нови вакви мали паркови, мини зелени оази, со цел јавниот простор да го заштитиме, пред се од градежно дивеење, меѓутоа и од фрлање на ѓубре и отпад кој каде ќе стигне. Ги потсетувам граѓаните на Скопје дека Скопје ќе биде онолку убав град колку што ние ќе сакаме сите заедно да го направиме - порача Шилегов.

Тој, исто така, упати апел до граѓаните одговорно да се однесуваат со животната средина и отпадот што го создаваат.

Градот продолжува со засилен инспекциски надзор со цел да се спречи повторното создавање диви депонии на истите места каде што имало претходно, стои во соопштението од Град Скопје.

МАТТО му порача на Мицковски: Политичарите треба да го слушнат гласот на бизнис заедницата

Мицковски дојде во МАТТО придружуван од партиски претставници за да ја претстави предизборната економска програма, но и за да ги слушне предлозите на компаниите.

Јавниот дијалог да добие нов модел – не ние да бидеме водени од политиката, туку политиката да биде водена од економијата, приватниот сектор и граѓаните, рече претседателот на Стопанската комора Македонија – Турција (МАТТО), Ајдован Адемоски на денешната средба со лидерот на ВМРО-ДПМНЕ, Христијан Мицковски.

Ајдован напомена дека благосостојбата на земјата е заедничка, но биснис заедницата и политиката досега главно немаа заеднички патишта.

-Политичарите треба да го слушнат гласот на бизнис заедницата кој е реален и објективен. Ние, претприемачите, даночните обврзници, треба со нашето работење да го изнесеме економскиот раст, но и развој. Верувам дека и партиите соодветно ќе се трансформираат како и ние и дека ќе работиме синхронизирано, истакна Адемовски.

Мицковски дојде во МАТТО придружуван од партиски претставници за да ја претстави предизборната економска програма, но и за да ги слушне предлозите на компаниите.

-Нашата заложба е односите на идната влада, предводена од ВМРО-ДПМНЕ, со сите стопански комори, вклучувајќи ја и МАТТО, да се интензивираат. Зошто да не зборуваме за двоцифрени бројки на вложувачи од Турција и за два до три пати повеќе вработени во МАТТО, изјави Мицковски.

Рече и дека од она што ќе го слупнат на средбата, очекува да биде имплементирано во партиската економска програма.

Компаниите – членки на МАТТО имаат инвестирано повеќе од две милијарди евра во земјава, а вработуваат преку 10.000 лица.

МАТТО досега имаше средби со економскиот тим на СДСМ, предводен од лидерот на партијата Зоран Заев, со труските партии, како и со Алтернатива. /МИА

СДСМ: За само 2.5 години ја стабилизираше економијата и обезбеди раст кој овозможи унапредување на животниот стандард

Социјалдемократскиот Сојуз на Македонија за само 2.5 години ја стабилизираше економијата и обезбеди раст кој овозможи унапредување на животниот стандард на граѓаните.

Преку креативни политики, реални и развојни реформи покажавме дека имаме визија и знаеме како од Република С. Македонија да направиме развојна и просперитетна држава.

Овозможивме отворање на 60.000 нови работни места и обезбедивме посигурна иднина на 60.000 нововработени граѓани и на нивните семејства.

Имаме рекорден пад на невработеноста на 17.1 отсто, а стапката на невработеноста на младите падна на 35,3 проценти.

Ова е најниска стапка на невработеност досега.

Имаме план и знаеме како со успешни и конкретни економски политики да создадеме клима за отворање нови работни места.

Еден од клучните механизми за остварување на таа цел е Оперативниот план за активни програми и мерки за вработување и услуги на пазарот на трудот, кој годинава очекуваме да вклучи 12.000 невработени лица.

За Оперативниот план за вработување во 2020 година се издвоени рекордни 1,45 милијарди денари за инвестиции во претприемништво, поддршка за креирање нови работни места, обуки и доквалификација, особено во информатичката технологија, практиканство, а продолжува и реализацијата на Гаранцијата за млади.

Се покажа дека самовработувањето преку стартување на микро бизниси е одржливо, бидејќи 93% од компаниите формирани со помош на оваа мерка во 2017 година активно работат, како и  99% од компаниите формирани во 2018 година.

Затоа во 2020 година очекуваме  отворање  на нови 1.364 микро бизниси, за кои се издвоени 447 милиони денари. Во моментов мерката за самовработување е отворена и само за една недела има доставено 1200 апликации.

Оперативните мерки и во 2020 предвидуваат обуки и доквалификации и за дефицитарни занимања, за да им се излезе во пресрет на потребите на пазарот на трудот, со нив е планирано да се опфатат 3.224 лица.

Во Гаранција за млади се вклучија над 18.000 лица, од кои 35% се стекнале со практиканство, обука или биле вработени. Тоа е повисока реализација и од европскиот просек на оваа мерка кој изнесува 33 отсто.

Продолжуваме со реализација на мерките што обезбедуваат нови и добро платени работни места и повисоки плати за работниците. За СДСМ  секој граѓанин е важен!

На прав пат сме!

СДСМ

Центар за комуникации со јавноста

притисни ентер