Утре ветер до 80 километри на час, преодно стабилизирање од четврток

Променливо облачно време, со ветер што наместа ќе достигнува 80 километри на час, со локален слаб снег ќе има и утре во земјава.

Преодно стабилизирање ќе има во четврток, а во петок повторно ќе има слаби локални врнежи од снег. За викендот ќе преовладува претежно сончево и потполно време.

Умерен до засилен ветер од северозападен правец ќе има и попладнево кој вдолж Повардарието ќе достигнува до 70 километри на час.

Утре минималната температура ќе се спушти до минус седум во Маврово, каде ќе остане во негатива и максималната ќе биде минус пет степени. Во Скопје минималната температура ќе се спушти до минус еден, а највисока ќе биде во Гевгелија до два степени. Максималната температура ќе се движи од минус пет до седум степени.

Најстудено  ќе биде во четврток кога утринската температура ќе биде секаде под нулата и ќе се движи од минус девет и минус два. Во петок ќе биде од минус шест до два, во сабота од минус осум до еден, во недела, исто така утринската секаде ќе биде под нулата во интервал  од минус седум до минус еден и од минус четири до плус три.

Дневната ќе се движи во четврток од два до девет степени, од еден до осум, сабота од четири до 11 степени, во недела од седум до 14 и во понеделник од осум до 15 степени. /МИА

Лицата со посебни потреби бараат поголема грижа од државата

Граѓанската иницијатива „5 до 12“, одбележа две години од првиот камп со кој преку граѓански активизам се бореа за унапредување на правата на лицата со посебни потреби.

Со кренати два прста во знак за мир лицата со попреченост и нивните родители повторно се собраа да ги потсетат институциите дека се уште не се вложуваат доволно напори за да бидат рамноправни во општеството.

Иако храбро им пркосат на секојдневните предизвици, сепак нивните најблиски со тешки маки се обидуваат да им удостојат нормален живот. Точно две години откако иницијативата „5 до 12“ за прв пат постави шатори пред Собранието во знак на револт, посочија дека се уште недостасуваат реформи и цврсти закони со кои ќе им се загарантираат правата на овие лица.

„После изборите ќе се отвори центарот за Даунов синдром во Скопје, таков центар досега немаше, тоа е позитивно. Се надеваме понатаму дека, и во светски рамки и научно е докажано дека во пракса најмногу помагаат рехабилитациски центри. Во земјава имаме дневни центри, меѓутоа треба рехабилитација.“

Од 2015 функционира и центар за аутизам кој згрижува 25 лица, а благодарение на иницијативата „5 до 12“ ќе се отвори и полигон за над 3500 лица со оштетен вид. Сепак, велат, во земјава не треба да се занемарат и помалку присутните ретки болести, а од институциите особено побараа да бидат што подостапни и лекарствата за ваквите болести.

„Јавно го повикувам министерството за здравство, конкретно за неодамнешниот проблем за терапијата за децата со остогилизис имперфекта, да кажам дека навистина ми е жал што се уште не е изнајдено решение и апелирам дека 30 деца не треба да бидат занемарени.“

Сепак, борбата не запира тука. Сите родители, обединети во различни градови во земјава, и понатаму ќе го креваат својот глас за да ги потсетат институциите дека правата на децата со посебни потреби се нивна обврска.

Во КПУ Затвор – Скопје гласале преку 60 затвореници

Тековно и без проблеми се одвива гласањето во казнено-поправните установи низ земјава. Во 13 КПУ право на глас имаат 1.640 лица, од кои најголемиот број во КПУ Затвор-Скопје.

Претседателот на изборната комисија во КПУ Затвор – Скопје, Елвис Хајдар, за МИА информира дека гласачките места се отворени во седум часот утрово и гласањето се одвива без проблеми.

До 11 часот гласале 67 затвореници, додека тројца не гласале, бидејќи не биле на гласачкиот список.

Портпаролот на ДИК Љупка Гугуческа, на денешната прес-конфернеција,соопшти дека сите места се отворени навреме и гласањето во казнено-поправните установи тече без проблеми. 

Со големи мерки на безбедност во Косово вратени жени и деца на косовски џихадисти

Десетици жени и деца, членови на семејства на косовски џихадисти кои војуваа во Сирија, со авион се вратени на Косово, а целата операција е спроведена со големи безбедносни мерки.

Станува збор за 74 деца и 32 жени, како и двајца борци на Исламска држава... Според податоците на безбедносните служби, повеќе од 300 косовски граѓани, мажи, жени и деца, отпатувале во Сирија во 2012 година... Околу 70 мажи кои војувале од страната на исламистичките екстремисти се убиени во судирите.

Полицијата истакна дека околу 150 жени и деца, вклучувајќи и 60 деца кои се родени на бојно поле, се заробени откако џихадистичката група на т.н. Исламска држава почна да ги губи своите територии.

Косовските власти веруваат дека на воените боишта во Сирија се наоѓаат уште 30 косовски борци, како и 49 жени и 8 деца. Косовскиот министер за правда изјави дека на овој начин ќе им се пружи втора животна шанса. Но, тој додаде дека сите оние за кои има докази дека сториле некакво кривично дело, вклучувајќи ги и жените, ќе бидат кривично гонети. Американската влада го поздрави овој чекор на косовската влада.

притисни ентер