Јувентус за летниот трансфер на Салах подготви 200 милиони евра

Според британски Гардијан , Јувентус за трансферот на фудбалерот Мохамед Салах од Ливерпул за летниот период подготвил 200 милиони евра.

Информацијата за трансферот на Салах во Јувентус се пренесува заедно со онаа за заминување на Пол Дибала , аргентински репрезентативец , кој даде само 2 гола во 20 натпревари и неговиот непредвидлив карактер со чести кавги со соиграчите.

Јувентус би го продал Аргентинецот , а со парите од неговата продажба би можеле да го бараат египетскиот играч од Ливерпул.

Доколку дојде до таков трансфер , Салах ќе стане втор најскап играч на сите времиња. До сега рекорд е трансферот на Нејмар од Барселона во Пари Сент-Жермен за 222 милиони евра , додека сегашното второ место го држи Килиан Мбапе и неговиот трансфер од Монако во ПСЖ за 180 милиони евра.

Салах од Рома во 2017 се префрли во Ливерпул , каде во 86 натпревари постигна 64 гола и имаше 24 асистенции. Неговиот трансфер Ливерпул го плати околу 50 милиони евра.

Јувентус имаше рекорден трансфер минатата година кога за 100 милиони евра го донесе Кристијано Роналдо.

Втора победа на ШК АЛКАЛОИД на Европскиот Клупски Куп 2019

Во второто коло на Европскиот Клупски Куп во шах, АЛКАЛОИД извојува нова победа над екипата “Raika Rapid Feffernitz” од Австрија.

Текот на мечот покажа дека нема лесни противници, па така по три часа игра резултатот во мечот беше нерешен, со три реми на прва, втора и четврта табла: кај Андреикин, Шанкланд и Криворучко. Највозбудлива партија беше на Андреикин, каде што велемајсторот од АЛКАЛОИД жртвуваше фигура за напад, а противникот успеа да ги најде единствените потези и партијата заврши реми со вечен шах. Потоа, со сигурна игра и победа Владислав Ковалев донесе водство за АЛКАЛОИД. Следеа цели поени за Панчевски и Инаркиев до конечни 4,5 : 1,5 во мечот.

По одиграни две кола, 16 екипи (од вкупно 66 клуба кои учествуваат) имаат максимални 4 бода.  

Во третото коло,  ШК Алкалоид за противник ја има екипата “Mednyi Vsadnik” од Санкт Петербург, Русија – минатогодишниот шампион. Мечот секако ќе биде дерби на колото, и еден од најважните мечеви за АЛКАЛОИД на целиот турнир.

Млади фудбалери од повеќе од 40 националности се натпреваруваа на меѓународен турнир во Скопје

Меѓународен фудбалски турнир на кој учествуваа младинци од нашата земја како и од Полска, Австрија, Русија и Унгарија се одржа од седми до деветти ноември на теренот на академијата „Вардар" во Градскиот парк во Скопје.

Домаќин на овој интернационален настан беше меѓународното училиште „Нова", а тимот составен од средношколци од оваа образовна институција се пласираа на второто место. Натпреварите се дел од спортските активности кои се организираат во рамки на Асоцијацијата на училишта од Централна и Источна Европа (CEESA) чиј член е и „Нова". Покрај редовните турнири во фудбал, се одржуваат и натпревари по кошарка, крос кантри, трчање, одбојка, пливање, тенис и софтбол.

„Нова" со свои тимови учествува на овие фудбалските турнири за средношколци од октомври 2009 година и за овие десет години има освоено шест први и две трети места.

- За време на оддржување на овие турнири најчесто имаме ученици од повеќе од 40 националности со оглед дека учествуваат меѓународни образовни институции. Досегашното искуство е дека учениците кои како гости се задоволни од начинот на кој ги организираме овие турнири. Воодушевени се од гостопримството на нашите семејства кои ги отвораат своите домови за да ги сместат гостите за неколку ноќи и ја ценат дадената можност да го запознаат Скопје и да се дружат со своите врсници од „Нова". Токму комбинацијата од запознавање на нова култура, дружење со свои врсници од друго училиште и играњето на омилениот спорт е нешто што создава сеќавања кои долго траат – објаснува Александар Ристовски, координатор на спортската програма во „Нова".

Училиштата кои учествуваат на овие CEESA турнири се едни од најреномираните во Европа по повеќе параметри.

- Имаат импресивни училишни кампуси кои дозволуваат да се одвива едукативен процес соодветен за 21-виот век, со буџети на кои би позавиделе некои од нашите поголеми македонски компании. Дополнително ги имаат имплементирано најдобрите едукативни програми, исто како и „Нова", и регруритаат квалитетен кадар од целиот свет, којшто има долгогодишно искуство во меѓународното образование – објаснува Ристовски.

Тој посочува дека во „Нова" постои значителен интерес за програмата за фудбал која не е резервирана само за момчињата и секоја година повеќе од 30 средношколци (машки и девојчиња) се регистрираат како членови на фудбалските тимови. Тие тренираат заeдно вo текот на сезоната (од почеток на септември до средина на ноември) и на крајот на сезоната учествуваат на вакви меѓународни турнири.

Ѓоковиќ за еден час игра го победи младиот Беретини и му се приближи на Надал на тронот

Во Лондон почна завршниот АТП турнир на сезоната , а во првиот меч Новак Ѓоковиќ славеше против Италијанецот Матео Беретини до 6-2,6-1 за еден час игра.

Ѓоковиќ се бори со Рафа Надал за првото место на ранг-листата на АТП, при што Беретнини го имаше својот прв настап во финалето на АТП. Во оваа група вечерва играат Роџер Федерер и Доминик Тием, додека во другата група се Надал, Русинот Данил Медведев, Гркот Стефанос Циципас и Германецот Александар Зверев.

Надал има 640 бода предност пред Ѓоковиќ, а во финалето на АТП секоја победа во групата е вредна 200 бода, во полуфиналето 400, а триумфот во финалето носи 500 поени.

притисни ентер