Заев од Сараево: Обединувањето што го создава спортот треба да се преслика на целиот Балкан

-Верувам дека овие олимписки игри уште еднаш ќе помогнат на целиот Балкан, на целиот регион овде да се движи напред, кон европските вредности, посочи премиерот Заев,

 Единството и обединувањето што ги создава спортот треба да се преслика на целиот Балкан и заеднички да се движиме кон европска иднина, истакна премиерот Зоран Заев во Сараево, Босна и Херцеговина, по церемонијата на отворањето на Европските младински олимписки игри на стадионот „Асим Ферхатовиќ Хасе".

Нашата држава на овој фестивал ја претставуваат Ана – Марија Зафировска и Никола Петковски. Тие утре ќе се натпреваруваат во дисциплината „крос кантри". За нив учеството на Европските младински олимписки игри е прво интернационално искуство и одлична можност за подготовка за претстојните олимписки игри во 2022 година.

Премиерот Заев искажувајќи ја поддршката за овие двајца млади луѓе, рече дека за една земја нема поголем амбасадор од спортот.

-Ја користам приликата да ги споделам чувствата, прекрасни овде на отворањето на Европските младински олимписки игри или Европски младински олимписки фестивал, што по повод 35 години од Олимписките игри, Сараево '84 и познатиот Вучко се отвораат денеска овде. Навистина чувството е прекрасно. Мене ме потсетува на оние 10 години кога ги имав, кога буквално цела Југославија, цела Европа и верувам целиот свет беше фокусиран со очите широко отворени кон Сараево '84 година. А имав денеска прилика и да ги видам чувствата на премиерот Денис Звиздиќ, кој лично бил пред 35 години овде на отворањето на Олимписките игри во Сараево, истакна премиерот Заев.

Тој додаде дека овој настан е прекрасен, бидејќи ја испраќа пораката на спортот за единство, обединување, презентирање на сите земји, младите категории и младинците кои доаѓаат после нас.

-Верувам дека овие олимписки игри уште еднаш ќе помогнат на целиот Балкан, на целиот регион овде да се движи напред, кон европските вредности, посочи премиерот Заев, кој беше придружуван од сопругата Зорица.

Ердоган стравува од можен нов бран бегалци од Сирија

Претседателот  Реџеп Таип Ердоган е на мислење дека  Турција  нема да може сама да се справи со уште еден бран сириски бегалци, пренесува ТАСС.

Според  него, престојот на бегалците на територијата на неговата земја не може да се смета како единствен начин за решавање на проблемот со сириските бегалци.

На почетокот на февруари, Ердоган предложи создавање бегалски градови во Сирија, кои би се состоеле од куќи од контејнери.

Партијата за движење на Турците поддржува заеднички претседателски кандидат

Како водечка партија на Турците во Република Северна Македонија, пред извесно време излеговме со повик до другите турски партии и ја застапувавме идејата за заеднички кандидат на претстојните претседателски избори.

 Иако целта ни беше соединување на Турците во Република Северна Македонија, сепак се виде дека условите се` уште не се созреани за реализација на оваа мисла.

Концептот на „едно општество за сите" е витална компонента на нашето поднебје и со цел за зацврстување на овој дух органите на Партијата за Движење на Турците (ТХП) го прифаќаат ставот на коалицијата предводена од СДСМ за заеднички претседателски кандидат.

Заедничкиот претседателски кандидат треба да биде личност која ќе биде прифатен од широки маси и ќе ги обедини сите слоеви на нашето општество. Времето на поларизации и поделби е веќе минато и веруваме дека со кандидат кој ќе ги етаблира вредностите на соживот успехот ќе биде неминовен.

Партија за движење на Турците

МОН: Општина Гостивар незаконски разрешува и назначува директори на училишта

МОН нагласува дека преземените мерки имаат дефинирани рокови и важат до отстранување на неправилностите.

Министерството за образование и наука соопшти дека е должно да преземе законски мерки за привремено одземање на надлежностите на Општина Гостивар за именување и разрешување директори на општински средни и основни училишта затоа што Државниот просветен инспекторат (ДПИ)  при инспекциски надзор утврдил  идентични неправилности за кои на Општина Гостивар еднаш веќе ѝ беа одземени ингеренции во образованието.

По вчерашната реакција на гостиварскиот градоначалник Арбен Таравари, МОН денеска во соопштение наведува дека тој не ги почитувал законските одредби во постапките за назначување и разрешување на директорите на основните и средните училишта.

МОН појаснува дека разрешувањата на директорите, според она што го утврдил Инспекторатот, биле извршени без процедури предвидени со закон, а новите директори не ги исполниле условите и критериумите за позициите и биле назначени со непочитување на законот.

-Исто така, констатирани се состојби кога одредени директори беа разрешени дури во два наврата од страна на градоначалникот – првиот пат без да се почитуваат постапките и, по забелешките на Инспекторатот, Таравари ги врати на должност за да ги разреши по шест дена, без почитување на постапката. По првото разрешување на директорите, Инспекторатот утврди дека се именувани директори кои не ги исполнуваат условите согласно законот и тие лица, кои не ги исполнувале условите, биле повторно именувани како директори дури и по второто разрешување на законски избраните директори, наведува МОН констатирајќи, како што вели „со жалење", дека во Гостивар се повторува истата состојба од претходната година, иако МОН  ѝ ги врати на општината надлежностите откако првиот пат беа отстранетите неправилностите.

МОН нагласува дека преземените мерки имаат дефинирани рокови и важат до отстранување на неправилностите и го повика градоначалникот на Гостивар да не обвинува заради политички цели и да не ја вклучува политиката бидејќи, како што додава во соопштението, во оваа ситуација штета им се нанесува единствено на учениците и на воспитно-образовниот процес. 

притисни ентер