Пеп опцу пред новинарите поради ,,излетот” на Менди (ВИДЕО)

Фудбалерот на Манчестер Сити , Бенџамин Менди уште еднаш успеа да го изнервира тренерот Пеп Гвардиола.

По доаѓањето во Манчестер Сити во 2017 , Менди повеќе време помина на клупа или на опоравување од повреди , отколку во игра.

Тој беше многу пати казнуван и за прекршоци надвор од теренот , а сега успеа толку да го разлути Пеп , што тој опцу среде прес конференција. Кога го прашаа што прави фудбалерот во Хонг Конг , Пеп беше шокиран.

,,Ми кажа дека оди на еден ден во Париз , што е во ред , ама за Хонг Конг не знаев. Ќе треба да инсталирам Инстаграм за да ги следам играчите.” одговори Гвардиола , кој опцу на почетокот на одговорот.

По извесно време се огласи и фудбалерот , кој му напиша на Пеп дека се шегувал со возачот на Убер и дека не сака проблеми.

Пресврт во ,,случајот Икарди” – доби понуда што не се одбива

Мауро Икарди минатата недела остана без капитенската трака во Интер , најверојатно поради трансфер во Јувентус.

Меѓутоа заминувањето на Аргентинецот во Торино нема да се случи. Претседателот на Интер, Стивен Жанг, тврди дека нема никаква шанса Икарди да замине во тимот на најголемиот конкурент.

,, Во фудбалот не можете никогаш да кажете дека нема да работите со Јувентус , но во овој конкретен случај нема шанси Икарди да замине во Јувњентус” , изјави Жанг по состанокот на управата на Интер.

Вели дека целта на клубот е да го задржи својот најдобар играч. Италијанските медиуми јавуваат дека Интер му понудил на Икарди рекордна сума за договор до 2024 година.

Му нудат 7 милиони евра , што е за 2,5 милиони повеќе отколку сегашниот договор. Има само еден услов – нема оштетна клаузула за да не може Икарди да избега од клубот во случај на незадоволство.

Спортски новинар на само неколку сантиметри до сигурна смрт (ВИДЕО)

Спортскиот новинар Пјер Мекгвајер од телевизиската мрежа НБЦ , денеска го слави новиот роденден , откако за само неколку сантиметри остана жив.

Пренесувајќи хокераски натпревар , пакот со огромна брзина помина на само неколку сантиметри пред неговата глава и удри во плексигласот . Плочката со која се игра хокет тежи само 170 грама , но лета со брзина од 170 км/час.

Се смета дека нема никакви шанси да се преживее удар со пак , зашто брзината при ударот е како куршум испален од пиштол .

Последниот несреќен случај е забележан во 2002 , кога од удар со пак загина 14 годишно девојче , кое по два дена требало да го прослави роденденот на хокејашки натпревар во Колумбус , Охајо. Британи Никол Сесил навивала на трибините , кога ја погодил пакот , по што останала на место мртва.

Од тогаш е сменета регулативата и се поставуваат задолжителни високи огради околу хокеашките терени во САД.

Ѓоковиќ прогласен за најдобар спортист на светот (ВИДЕО)

Првиот рекет во светот , Новак Ѓоковиќ ја доби престижната титула на најдобар спортист минатата година , на свеченоста во Монте Карло.

Ѓоковиќ пред малку ја доби наградата Лауреус , која важи за спортски Оскар. Ова му е четврта ваква награда во кариерата , доделена за најдобри спортски резултати во 2018.

Во конкуренција за наградата беа и Лука Модриќ , Ле Брон Џејмс , Луис Хамилтон , Килијан Мбапе и Елиуд Кипчоге.

Гимнастичарката Симон Бајлс е прогласена за најдобра спортистка на светот , додека наградата за животно дело ја доби Арсен Венгер.

притисни ентер