Потресни сцени во Нант – тренерот се расплака на прес поради Сала (ВИДЕО)

Тренерот на Нант , Вахид Халилхоџиќ среде прес конференција се расплака , откако му беше поставено прашање за трагично загинатиот фудбалер Емилијано Сала.

Фудбалскиот клуб Нант реши да му одаде почит на трагично загинатиот фудбалер Сала , чие тело беше најдено на дното на Ла Манш , откако на 21 јануари загина во авионска несреќа. Тој во авионот бил сам со пилотот Дејвид Ајботсон , чие тело се уште не е најдено.

Претседателот на Нант , Валдемар Кит рече дека го повлекува дресот со број 9 во знак на почит кон Сала. Тренерот Вахид Халилхоџиќ не можеше да ги запре солзите кога на прес конференција го прашаа дека и тој самиот носел дрес со број 9 .

,, Секако , тој беше исклучителен број 9 , и јас бев деветка. За тоа често се шегувавме , доаѓаше , ми се заблагодаруваше на советите . Затоа сето ова е ужасно , едноставно е страшно. “ , низ солзи раскажа Халилхоџиќ.

Почаст на Сала му одадоа сите клубови од Европа и пошироко , како и фудбалските ѕвезди од сите континенти.

Поранешниот менаџер на Шумахер: Тоа не може да биде крај!

Поранешниот менаџер на возачот на Формула 1, Мајкл Шумахер, Вилхелм „Вили“ Вебер тврди дека сопругата на Шумахер, Корин, ја крие вистината за здравјето на легендарниот возач.

На 29 декември 2013 година, во скијачка несреќа на француските Алпи , Ком де ла Саулир, Шумахер  се здоби со тешка повреда на мозокот кога паднал и удрил во карпа додека скијал по необележана патека. Лекарите рекоа дека тој скоро сигурно ќе умрел доколку не носел кацига. Поранешниот возач на Формула 1 потоа падна во индуцирана кома. Од 9 септември 2014 година, Шумахер се лекува во неговиот дом на Женевското Езеро. За него се грижат неговата сопруга и децата Џина-Мари (22) и Мик (20).

На Вебер, пријател на Шумахер и поранешен менаџер, му е забрането да го посети 50-годишниот Германец, кој тврди дека ситуацијата не е како што изгледа и дека сопругата на возачот се грижи дали „вистината“ ќе излезе на виделина.

"Знам дека е тешко за Мајкл, но не знам дали тој напредува. Би сакал да знам како му е , да се ракувам со него и да му го видам лицето. За жал, Корина не го дозволува тоа. Таа веројатно се плаши дека ќе видам што се случува и ќе кажам пред јавност. Силно верувам во закрепнувањето на Мајкл, бидејќи тој е борец. Ако има шанса, тој ќе ја искористи. Тоа не може да биде крај. Јас се молам за него и уверен сум дека повторно ќе го видам ", изјави Вебер во интервју во германски документарен филм.

Поранешниот менаџер на Формула 1 во Ферари, Жан Тод за радио Монте Карло во јуни годинава изјави дека Шумахер напредувал добро, но се бори со проблеми со комуницирање. Тој исто така рече дека Шумахер може да ги гледа трките во Формула 1 во неговиот дом во Швајцарија.

Шумахер не е виден во јавност од несреќата наваму.

Радост по трагедијата : Боде Милер доби близнаци

Познатиот скијач Боде Милер и неговата сопруга Морган денеска објавија дека станале родители на синови близнаци.

Морган објави фотографии од нејзините синови и напиша трогателен пост.

"Осмиот ноември. Ден што не можеше да биде посовршен за донесување на овие двајца во свет. Приказната за нивното раѓање е неверојатна и не можам да дочекам да ја споделам. Јас сум неверојатно благодарна за сите овие подароци што ми ги праќа моето девојче", напиша таа со фотографијата која што за  помалку од еден час доби скоро 14 илјади лајкови.

Девојчето што Морган го спомнува е нивната трагично почината ќерка, Емелин Гриер, која се удави во базенот во нивниот дом во Калифорнија минатата година на само 19 месечна возраст.

Втора победа на ШК АЛКАЛОИД на Европскиот Клупски Куп 2019

Во второто коло на Европскиот Клупски Куп во шах, АЛКАЛОИД извојува нова победа над екипата “Raika Rapid Feffernitz” од Австрија.

Текот на мечот покажа дека нема лесни противници, па така по три часа игра резултатот во мечот беше нерешен, со три реми на прва, втора и четврта табла: кај Андреикин, Шанкланд и Криворучко. Највозбудлива партија беше на Андреикин, каде што велемајсторот од АЛКАЛОИД жртвуваше фигура за напад, а противникот успеа да ги најде единствените потези и партијата заврши реми со вечен шах. Потоа, со сигурна игра и победа Владислав Ковалев донесе водство за АЛКАЛОИД. Следеа цели поени за Панчевски и Инаркиев до конечни 4,5 : 1,5 во мечот.

По одиграни две кола, 16 екипи (од вкупно 66 клуба кои учествуваат) имаат максимални 4 бода.  

Во третото коло,  ШК Алкалоид за противник ја има екипата “Mednyi Vsadnik” од Санкт Петербург, Русија – минатогодишниот шампион. Мечот секако ќе биде дерби на колото, и еден од најважните мечеви за АЛКАЛОИД на целиот турнир.

притисни ентер