Свет

Белград завеан, градоначалникот очекувал помалку снег

Снегот кој почна да паѓа во текот на ноќта во Белград, главниот град на Србија, ќе паѓа и во наредните два дена, поради што се очекуваат потешкотии во сообраќајот.

Градските служби се во четврт степен на подготвеност, што значи градот ќе го чистат 1.600 луѓе и 300 машини.

Сепак, поради фактот дека снегот и понатаму обилно паѓа, изгледа чистењето улици и возила е како Сизифова работа.

Градоначалникот на Белград Зоран Радојичиќ пак, за телевизија ТВ прва рече дека прогнозата на метеоролозите била поинаква, односно дека очекувал помалку снег.

„По сегашната прогноза снег ќе паѓа и денеска и утре како и во сабота и во недела. Градските служби константно се во четврт степен на подготвеност. Сите служби работат и прекувремено и даваат се од себе да ги ублажат проблемите“, вели тој.

Тој вели дека сите светски градови во вакви услови функционираат забавено и апелираше до граѓаните да користат други начини на транспорт за да се намали метежот во сообраќајот.

Според него, од утрово имало малку проблеми, а екипи биле веднаш испратени да ги решат и додава дека има проблеми и дека ќе ги има, но важно е што службите брзо реагираат.

Формула

„РејсингЊуз365“: Сајнц преговара со Мерцедес за договор 1+1

Возачот на Ферари, Карлос Сајнц може да потпише краткорочен договор со Мерцедес, пишува „RacingNews365“, повикувајќи се на извори запознаени со ситуацијата.

Според изданието, 29-годишниот шпански возач во Формула 1 се уште не се договорил со германскиот тим да потпише договор. Сепак, страните всушност преговараат и разговараат за договор според шемата „1+1“.

Забележано е дека доколку договорот биде склучен, Мерцедес ќе има можност да го оцени својот помлад Кими Антонели во 2025 година и да одлучи дали е подготвен да го претставува тимот во сезоната 2026 година.

На почетокот на февруари, се дозна дека возачот на „Сребрените стрели“, Луис Хамилтон, ќе се приклучи на Ферари во 2025 година, каде што ќе го заземе местото на Сајнц. Во моментов, Шпанецот е на четвртото место во поединечниот поредок во Формула 1.

Македонија

Герасимовски: Нов сквер со футуристичка инсталација ќе го разубави платото пред Општина Центар

Нов сквер ќе го разубави платото пред Општина Центар. Станува збор за поставување комунална урбана, т.н. „урбан атрактор“на платото на аголот од ул. „Михаил Цоков “ и ул. „Орце Николов“ пред Општина Центар.

Оваа опрема има за цел да го збогати јавниот простор со урбана инсталација на платформи со неправилни облици, клупи, зеленило и паркинг за велосипеди. Градежните работи за ново планираната инсталација „урбан атрактор“ се започнати и тој ќе се протега на површина од 56 метри квадратни. Градоначалникот на Општина Центар, Горан Герасимовски вели дека новиот сквер ќе го оживее просторот и ќе биде ново збирно место за одмор и дружба.

„Мило ми е што Дебар Маало добива ново урбано катче за граѓаните. Урбаниот елемент на новиот сквер ќе има модерна конструкција, а во неа ќе има урбана опрема за релаксација и одмор на граѓаните од секојдневието. Ова ќе биде простор каде граѓаните ќе можат да одморат, да се социјализираат или да ги паркираат своите велосипеди додека ги завршуваат обврските во околината. Верувам дека ова футуристичко урбано издание ќе го збогати Центар и ќе биде позитивно препознаено од граѓаните“, вели Герасимовски“, вели Герасимовски.

„Урбаниот атрактор“ Општина Центар го добива како донација од Стопанска банка. Истиот ќе биде осветлен и ќе има информативна табла за корисниците на овој урбан елемент. Општина Центар ќе продолжи да работи на нови естетски уредувања и нови проекти за граѓаните.

Македонија

Соработка и координација меѓу ЈО и Комитетот за истраги на воздухопловни несреќи

Соработка и координација меѓу ЈО и Комитетот за истраги на воздухопловни несреќи и сериозни инциденти.

Можности за соработка и идна координација меѓу Јавното обвинителство и Комитетот за истраги на воздухопловни несреќи и сериозни инциденти, беа темите на разговор на денешната средба меѓу двете институции претставени од Јавниот обвинител Љупчо Коцевски и претседателот на Комитетот Зоран Илиевски.

- Во таа насока беше договорено да отпочне постапката за усогласување и потпишување на меморандум меѓу Јавното обвинителство и Комитетот со кој ваквата соработка и начинот на постапување во иднина дополнително ќе се унапредат, информираат од ЈО.