Македонија

Жестока расправа во грчкиот парламент за преспанскиот договор, пријавени за збор 205 пратеници

Ден пред денот „Д“, неизвесност, воинствена реторика и емоции во грчкиот парламент.

Опозицијата категорично бара да го види конечниот и пречистен текст на македонскиот устав со се вметнатите измени, власта уверува дека нема ништо спорно и дека грчката страна добила многу повеќе отколку македонската.

-Бараме да биде доставен македонскиот устав. Тоа е неопходно и предуслов за дискусија за да имаме јасна слика за што треба да гласаме. Не смееме да го прифатиме ризикот Скопје да го задржи Уставот каков што е, од дополнителна резолуција, која Скопје ќе ја користи кога ќе посака, изјави Никос Дендиас, координатор на пратеничката група на Нова демократија.

-Сите ваши прашања се одговорени. Од првиот момент ја презентиравме содржината на вербалната нота со целосниот текст и превод, вклучително и текстот на уставните измени. Вие сега барате да ги видите вградените измени во нивниот устав. Тоа не е возможно, зошто нивниот устав предвидува измените да бидат сместени на крајот, вели Катругалос, алтернативен министер за надворешни работи на Грција

- Владата треба да одговори дали и натаму инсистира на ставот дека секој народ има право на самоопределување. Ако е така, значи дека воопшто и не треба да гласаме за каков било договор, изјави Панос Каменос, лидер на Независни Грци

Неизвесноста во Собранието го подгрејаа и информациите дека опозициската Нова Демократија планира да побара гласање недоверба на владата на Ципрас, чин што целиот процес околу Преспанскиот договор би можело да го оддолжи и до понеделник. Доколку се оди на гласање недоверба, актуелната расправа се прекинува и се пристапува кон вториот процес, кој може да трае најмногу три дена. Зад ваквата иницијатива би застанела и партијата на Каменос и Река на Теодоракис.

-Одлуката е утревечер да биде гласањето. Но, сите знаеме дека од вчера, а сите го знаеме тоа, се споменуваат различни сценарија вклучително и предлог за гласање недоверба. Што е до мене во никој случај, освен ако нема друга интервенција, нема причина гласањето да не биде утре вечер, изјави Никос Вуцис, претседател на Собранието на Грција.

Свет

Столтенберг леташе со воен авион Еурофајтер за време на посетата на германска воена база

Генералниот секретар на НАТО Јенс Столтенберг денеска ја посети германската 73-та тактичка ескадрила Штајнхоф пред претстојниот самит на алијансата во јули во Вашингтон.

Тој се запозна со можностите за брз одговор на таа ескадрила, која е стационирана во воздухопловната база Лаге, и леташе околу еден час со борбен авион Еурофајтер, пренесе Анадолија.

- Воздушната база јужно од Росток е импресивен објект во кој се обучуваат најдобрите пилоти во светот. Затоа оваа база е многу важна за НАТО. Покрај тоа, Лаге игра суштинска улога во различни мисии на воздушната полиција на НАТО, како онаа на Балтикот, и со тоа дава важен придонес за колективната одбрана - изјави генералниот секретар на НАТО, објави германското радио НДР.

Столтенберг посочи дека Германија во рамките на ЕУ ѝ дава најголема поддршка на Украина. Тој особено ја пофали неодамнешната одлука да ѝ се даде на Украина уште еден систем за противвоздушна одбрана „Патриот“ и да се обучат украински воздухопловни екипажи за тоа. Тој нагласи дека соработката во развојот на новите воени технологии е важна, оценувајќи дека е добро што Европа и Северна Америка го зголемија производството на одбранбена опрема. За време на посетата на Лаге, Столтенберг леташе еден час со борбен авион Еурофајтер.

- Со нетрпение очекувам да летам со Еурофајтер - објави Столтенберг пред летот.

Авионот со Столтенберг и пилот на воздухопловните сили полетал во 12:22 часот по локално време, а летот траел околу еден час, објави весникот „Франкфуртер алгемајне цајтунг“. По слетувањето, генералниот секретар на НАТО рече дека е многу импресиониран од компатибилноста на оружјето на различните земји од алијансата, истакнувајќи дека имал можност да види „вистински пример за интероперабилност на НАТО во пракса“, кога германски авион -танкер наполнил гориво на два шведски борбени авиони во воздух, додека учествувале во вежбата.

Македонија

Ковачки: Подаваме рака на секој кој сака да стави крај на владеењето на ДУИ и нивните измеќари

Резултатот од првиот круг на претседателски избори е одговор на криминалните политики и предавањето на ДУУ, разликата е поголема од гласовите кои ги доби Стево Пендаровски. 

Резултатот е одговор на сите лоши политики, одговор на скандалите како Онкологија, модуларна болница во Тетово каде живи гореа луѓе, на не казнување на криминалот, рече Драган Ковачки, носител на листа на пратеници во изборна единица 3 на вечерашната дебата на телевизија Канал 5 во емисијата Само вистина.

Според Ковачки промените се можни и тргнаа со првиот круг на претседателски избори.

„И ова ќе биде потврдено на 8 мај, како што ветивме беа згазени, а сега очекуваме поддршка од сите. Ние подадовме рака на секој субјект само да ја поразиме ДУИ и нивните измеќари СДС, мора да се стави крај на корупцијата, криминалот и продажбата на државата. Мора да се стави крај на крадењето и распродавањето на државата. Јасно е дека народот сака да си ја врати Македонија и ќе излезат уште помасовно на 8 мај“, вели Ковачки.

Ковачки се осврна на се што е направено и што ветува ВМРО-ДПМНЕ.

„ВМРО-ДПМНЕ го направи автопатот до Штип, патот до Кочани, експресен пат Штип-Радовиш кој е финансиран од претходна влада на ВМРО-ДПМНЕ. Сега ние предвидуваме нова клиничка болница во Штип, експресен пат од Кочани до Делчево до граница и многу други проекти. За разлика од претходна влада на ВМРО-ДПМНЕ, СДС нема направено ништо, се е организирано уште во време на ВМРО-ДПМНЕ“, кажа Ковачки.

Македонија

Тошковски: СВР Охрид во нов објект, што треба да се реконструира со помош на идната Влада

Во рамки на посетата на СВР Охрид и средбата со градоначалникот на Охрид пред неколку дена ја зачнавме идејата за дислокација на СВР Охрид во нов објект кој треба да се реконструира.

Во рамки на посетата на СВР Охрид и средбата со градоначалникот на Охрид пред неколку дена ја зачнавме идејата за дислокација на СВР Охрид во нов објект кој треба да се реконструира, а на местото на постоечкиот објект, да биде изграден подземен паркинг и парк кој ќе биде уште едно место за рекреација на граѓаните на Охрид.

Во тој контекст денеска заедно со градоначалникот на претседателот на ВМРО-ДПМНЕ и иден премиер, Христијан Мицкоски на лице место му ја презентиравме замислата за овој проект, а за чија реализација несомнено ќе треба поддршка од идната Влада.

Од негова страна добивме уверување дека ќе даде целосна поддршка на проектот со цел да се овозможи поголем комфор во централното подрачје на Охрид каде особено за време на летната туристичка сезона има голема фреквенција на луѓе, а во исто време на полициските службеници кои работат во СВР Охрид ќе им бидат овозможени подобри услови за работа и посоодветна локација од која многу полесно и поефикасно ќе ги извршуваат своите работни задачи, објави министерот за внатрешни работи Панче Тошковски на ФБ.

притисни ентер