Македонија

Брајовиќ: Македонија е неопходен фактор за стабилност и успех на регионот

Македонија направи историски исчекор напред, а веруваме дека ЕУ од своја страна ќе ја даде соодветната поддршка. 

Немаме дилеми дека стабилна, успешна, европска Македонија, а верувам во најскоро време и Република Северна Македонија е неопходен фактор за стабилност и успех на нашиот регион. Ова денеска го истакна претседателот на Собранието на Црна Гора Иван Брајовиќ во обраќањето пред пратениците во македонскиот Парламент.

Тој ја изнесе и својата лична желба, Собранието на Црна Гора што поскоро да ја добие приликата меѓу првите да го ратификува Протоколот за пристапување на Македонија во НАТО.

– Црна Гора стои на располагање со своето искуство на поминат евроатлантски и европски интеграциски пат. Да ви даде поддршка и да го пренесе знаењето доколку се разбира вие тоа го сакате. Голема улога во тоа има парламенатраната дипломатија, рече Брајовиќ, додавајќи дека Црна Гора е сигурен партнер на Македонија.

Брајовиќ ги честиташе, како што рече, историските одлуки што неодамна ги усвои Собранието, со што и ги отвори на земјата вратите на евроатлатското семејство и се овозможи продолжување на европскиот пат.

– Дадовте силен придонес за стабилноста на нашиот регион и промоција на вистинските вредности. Со вашиот пример уште еднаш потврдивте дека земјите на Западениот Балкан и најтешките проблеми можат да ги решаваат со дипломатските средства, на мирен начин, рече Брајовиќ, додавајќи дека Македонија и Црна Гора имаат традиционално пријателски односи и одлична билатерална соработка. Потсети на првата официјална билатерална посета на Џафери на Црна Гора во 2017 година.

Тој изрази уверување дека неговата посета ќе даде силен импулс за јакнење на парламентарната соработка на сите нивоа и стимулативно ќе делува на натамошниот развој на пријателските односи и соработката, особено на економскиот план.

Црна Гора за 12 години од обновувањето на својата државност, како што рече, направи многу на планот на усвојување на демократските стандарди, јакнење на демократијата и владеење на правото. Посочи дека паралелно работеле на воспоставување макроекономска стабилност и унапредување на животниот стандард на нивните граѓани. Се соочувавме со многу предизвици кои, како што рече, понекогаш бараа и непопуларни, но неопходни политички одлуки кои беа важни за трасирање на нашиот евроатлантски и европски пат.

– Водевме доследна надворешна политика во чија основа се добрососедските односи и посветеноста на регионалната соработка. Со исполнување на побаруваните критериуми во 2017 година остваривме клучен надворешно-политички приоритет, станавме членка на Северноатлантскиот сојуз. Не радува можноста токму Македонија да ја дочекаме со раширени раце како следна, 30-та членка на НАТО, рече Брајовиќ. Додаде дека сите нивни капацитети сега се насочени кон успешно завршување на процесот на преговорите со ЕУ. Според него, во многу сегменти Црна Гора веќе живее и се однесува како нејзин дел.

Брајовиќ, кој е во посета на Македонија, претходно се сретна со неговиот македонски колега Талат Џафери и се потпиша во Книгата на впечатоци.

Тој попладнево ќе се сретне и со претседателка на Пратеничката група на Собранието на Република Македонија за соработка со Парламентот на Република Црна Гора Средба со Лилјана Кузмановска и членовите.

Македонија

Бојмацалиев: 508 кандидати за полициски службеници

Ги подобруваме условите за обука со целосна реконструкција на Центар за обука во Идризово, вели Бојмацалиев.

Дополнителниот заменик-министер за внатрешни работи Митко Бојмацалиев денеска оствари работна посета на Центарот за обука во Идризово, со цел презентирање полициско тактичко теренска обука од страна на кандидатите за полициски службеници коишто се на обука во Центарот за обука во Идризово, по што беше изведена вежба за воспоставување на нарушен јавен ред и мир во поголем обем. По вежбата Бојмацалиев изврши увид во текот на реконструкцијата на комплексот Центар за обука.

Како што соопшти МВР, на средба со раководството на Центарот за обука, Бојмацалиев беше информиран за генерацијата која обуката ја започна на 23.04.2023 година а која завршува на 27 април 2024 година. Вкупно кандидати се 508, од кои 416 маши и 92 женски, и досега сите успешно ги имаат завршено сите тестови. Во моментот се реализира последната активност од обуката – Логорување или полициско тактичка теренска обука, предвидена во наставната програма.

Во оваа прилика беше презентирана опремата која се користи за обезбедување на границите: BOLU – камера чијашто цел е собирање на податоци и информации, врши сликање и снимање; термална камера која се користи за ноќно наблудување за граничен надзор; Форд Рајнгер специјално моторно возило за наблудување на терен, опремено со термална- ноќна камера и дневна камера за обезбедување на државна граница, стои во соопштението.

На крајот од посетата Бојмацалиев изврши убид во текот на реконструкција на 82. објект во рамки на планот за реконструкција на полициски објекти низ државата – целосна реконструкција на Центарот за обука во Идризово, по цели 53 години ги подобруваме условите во Управната зграда со мензата, двата павиљона за сместување и школски објект со придружните објекти, спортската сала, во вкупна вредност на градежните активности над 180.000.000 денари со вклучен ДДВ.

Свет

Пет тинејџери повредени во пукање во парк во Мерилденд

Пет тинејџери на возраст од 16 до 18 години се повредени во пукање во парк и рекреативен центар во Гринбелт, во американската сојузна држава Мериленд, а еден од нив е во критична состојба, соопштија властите.

Околу 500-600 тинејџери се собраа во Гринбелт за да ја прослават својата завршна школска година, што е широко распространета пракса во многу американски училишта.

Тинејџерите започнале „прсметка“ со водени пиштоли кога одекнале истрели.

Сообраќајните полицајци кои биле во близина веднаш пристигнале на местото на настанот, каде им помогнале на повредените ученици, а стотици тинејџери побегнале од паркот, пренесува Еј Би Си Њуз.

- Ова е ужасен, бесмислен, трагичен чин... Тоа е хронично во нашето општество и мораме да направиме нешто за да го спречиме. Тоа беа деца кои сакаа само добро да се забавуваат во локалниот парк, изјави шефот на полицијата на Гринбелт, Ричард Бауерс.

Тој информира дека сите пет жртви биле пренесени во локалните болници.

- Полицијата верува дека напаѓачот побегнал со група средношколци и во моментов не е лоциран, изјави Бауерс./МИА

Фудбал

Мичел би можел да го замени Гвардиола во Манчестер сити

Управата на сè уште актуелниот европски шампион и англиски првак, Манчестер сити се подготвува за заминување на Пеп Гвардиола од клубот.

Информацијата за можна разделба на „Граѓаните“ со шпанскиот фудбалски стручњак ја објавија некои англиски медиуми повикувајќи се на инсајдерот Хорхе Пикон.

Сегашниот договор на 53-тригодишниот Гвардиола е со важност до 2025 година.

Главен кандидат за замена на Гвардиола е Мичел, кој моментално е тренер на Жирона.

Сити оваа недела беше елиминиран од Реал Мадрид, губејќи на пенали во реваншот од четвртфиналето на Лигата на шампионите. Тимот е лидер на табелата во Премиер лигата.

Гвардиола е тренер на Манчестер сити од 2016 година. Под негово водство тимот одигра 464 натпревари, на кои беа извојувани 342 победи, а 57 натпревари завршија нерешено. /МИА

притисни ентер