Македонија

Заев очекува ратификација на Преспанскиот договор и на Протоколот за НАТО

Македонскиот премиер Зоран Заев очекува Договорот од Преспа до крајот на неделава да биде ратификуван во грчкиот Парламент, а до средината на февруари да биде одобрен и Протоколот за членство во НАТО.

Во синоќешното интервју за Алсат-М, Заев рече дека е оптимист оти по добиената поддршка во парламентраната Комисија за одбрана и надворешна политика, Договорот ќе биде одобрен и на пленарна седница.

Тој се надева дека до средината на февруари во грчкиот Парламент ќе заврши и ратификацијата на Протоколот за прием на Македонија во НАТО, со што во сила стапуваат сите одредби од Преспанскиот договор, како и направените уставни измени во земјата и употребата на новото име Република Северна Македонија.

Заев очекува при гласањето за протоколот за НАТО, политичките сили во грчкиот Парламент да бидат единствени и да дадат едногласна поддршка, со што ќе испратат силен сигнал до „Република Северна Македонија" дека Грција е првата земја од Алијансата која со консензус го ратификувала Протоколот за членство.

По завршувањето на целиот процес Заев очекува да има нова средба со Алексис Ципрас, во Скопје или Атина, сеедно, за уште еднаш на граѓаните да им потврдат дека ќе има големи придобивки од Договорот од Преспа. /МИА

Свет

Се урна еден од симболите на Париз, никој не знае што се случувало ноќеска (ВИДЕО)

Едрата на познатата црвена ветерница на врвот на „Мулен Руж“, најпознатото париско кабаре, ноќеска паднале на земја, изјави портпаролот на местото на одржување.

„Не знаеме што се случило, тоа се случило помеѓу 02:00 и 03:00 часот. Никој не е повреден“, рече портпаролот, додавајќи дека последното вечерно шоу завршило во 01:15 часот, објави Индипендент.

„Мулен Руж“ на многумина им е познат како место каде се роди модерната форма на кан-кан танцот. Клубот е основан во 1889 година, а публика за неговите танцови изведби се главно туристички групи.

Свет

Рамфоса: Јужна Африка продолжува со распоредување сили во Мозамбик и Конго

Јужноафриканскиот претседател Сирил Рамафоса денеска изјави дека војската на неговата земја ќе продолжи да распоредува војници во Мозамбик и Демократска Република Конго, кои се погодени од конфликти.

Врз основа на одлуката за продолжување на неопределено време во источно Конго ќе бидат задржани 1.198 припадници на јужноафриканските национални одбранбени сили (SANDF), каде се наоѓаат и дел од мировните сили на ОН кои му помагаат на Конго во борбата против бунтовничките групи, пренесуваат британските медиуми.

Во соопштението на SANDF се наведува дека 1.495 нивни членови ќе ги продолжат своите операции во Мозамбик, каде од 2021 година ја поддржуваат владината борба против насилниот екстремизам во северните области.

Распоредувањата на јужноафриканската војска во странство годинава се ставени под засилена контрола откако двајца војници на SANDF во февруари беа убиени, а тројца ранети од минофрлачка граната во Конго.

Главната опозициска партија во земјата, Демократската алијанса,го обвини Рамафоса за испраќање неподготвени сили во воената зона. /МИА

Македонија

ВМРО-ДПМНЕ: Огромната поддршка обврзува за промени и брзи резултати

Народот избра промени. Македонија повторно ќе биде горда и твоја.

Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.

На 8-ми мај СДС ќе доживеат уште поголем пораз, затоа што народот сака промени, и просперитет за Македонија.

ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.

По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.

Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.

Македонија повторно твоја, се наведува во партиското соопштение.

притисни ентер