Кинескиот научник , кој создаде ГМО бебиња , доби отказ и обвинение

Кинескиот научник кој ги созаде првите генетски модифицирани бебиња на светот, сериозно ги прекршил државните прописи во Кина.

Според кинеските медиуми , а врз основа на резултатите на влладината истрага кинескиот научник Хе Џианкуи и неговите соработници ги менувале гените на ембрионите , а потоа ги всадиле во матка на волонтеркаи . Една од нив , во ноември роди близначки , а друга е бремена. Истрагата потврди дека научникот ангажирал осум двојки и експериментот резултирал со две бремености. Истрагата наведува дека близначките Лулу и Нана се под докторски надзор. Се наведува дека научникот го направил овој експеримент за да дојде до пари и слава , но и дека сам го финансирал , со што се ослободува неговиот универзитет од кривична одговорност.

Научникот направи генетски модифицирани бебиња , кои ќе бидат имуни на ХИВ вирусот, со кој биле заразени нивните татковци. Тој користел метода , која за светските научници не е прикладна да се користи за експерименти на луѓе. Светската научна јавност и натаму полемизира за етичките норми прекршени со овој експеримент.

Неговиот универзитет во Шенжен го суспендира , а кинеските власти покренаа кривична истрага. Цело време додека трае истрагата , научникот е затворен во просториите на лабораторијата и го чува обезбедување.

Денеска универзитетската управа соопшти дека го прекинува договорот со научникот , како и неговите предавања и истражувачките активности. Во исто време кинеските власти објавија дека Хе Џианкуи и неговите соработници ќе одговараат кривично за зериозни прекршувања на законот.

Научникот Џианкуи се школувал на престижниот американски универзитет Стенфорд и се вратил во 2012 во Кина , каде ја основал лабораторијата за генетика на универзитетот во Шенжен.

Во февруари 2018 зема неплатен одмор и с епосветува на експериментот со генетски модификувани човечки ембриони.

Електромобилот „Шјаоми СУ-7“ пуштен во продажба

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. 

Кинескиот производител на паметни телефони „Шјаоми“ (Xiaomi) го пушти во продажба своето прво електричен автомобил - „Спид ултра 7“ (Speed ​​​​Ultra 7, СУ-7). Извршниот директор на компанијата, Леј Јун изјави дека цената на возилото ќе биде околу 28.000 евра, пренесува „Би-би-си“.

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. Автомобилот, најавен лани, се споредува со моделите на спортски автомобили „Тајкан“ и „Панамера“ на „Порше“. Производството ќе се одвива во Пекинг, Кина, во државната фабрика што може да испорача до 200.000 возила годишно. „Шјаоми“ најави и влог од 10 милијарди долари за развој на возила за следните 10 години.

На кинескиот пазар на електромобили, инаку, се натпреваруваат и „Тесла“ и „БИД“, па со влезот на „Шјаоми“ како трет избор, се предвидува и нова борба за цените.

- Крајното достигнување би било да се покаже дека има потрошувачки пазар и за „Шјаоми“ како бренд на паметни електрични возила, изјави стручњакот од „Аутомобилити“ (Automobility), Бил Русо.

Тој верува дека влезот на пазарот за автомобили ја одразува довербата на „Шјаоми“ во важноста на брендот во и вон матичната Кина. /МИА

Тренчевска: Опфатот на децата во градинките 48 проценти, до 2028 година ќе изнесува 70 проценти

 Дополнителната заменичка министерка за труд и социјална политика во техничката Влада, Јованка Тренчевска денеска информираше дека имаат таргет до 2028 година, 70 отсто од децата да бидат вклучени во градинките.

- Во 2017 година, кога се формира Владата предводена од СДСМ, опфатот на децата во градинките беше од 25 до 27 отсто од вкупниот број деца вклучени во градинките. Денес, тој процент е 48, дополнително ќе се зголеми со градинките што чекаат на отворање. Таргетот ни е до 2028 година, тој процент да се зголеми на 70 отсто деца опфатени во предучилишно образование и секако, тој број да се зголемува, одговори Тренчевска на новинарско прашање на брифингот со новинари во Клубот на пратеници.

Во однос на листите на чекање за прием во градинка, таа кажа дека најкритично е во скопските општини.

- На територијата на целата држава од 2017 година до денес, изградени се 84 градинки со вкупен опфат на над 8 000 деца. Во декември 2023 година, Владата додели четири милиони евра за изградба на нови градинки во општините Бутел, Кисела Вода, Ѓорче Петров, Аеродром и во Карпош, подвлече Тренчевска.

Од 2018 година до денес во детските јавни установи вработени биле вкупно 2 881 лице, а бројот на лиценцирани негувателки и воспитувачки во овој период, изнесувал 740 лица.

НАТО ја одбележува 20-годишнината од своето најголемо проширување

НАТО денеска ја слави 20-годишнината од најголемото проширување на Алијансата, кога на пактот се приклучија седум земји.

„Денеска се навршуваат 20 години од приемот на Бугарија, Естонија, Летонија, Литванија, Романија, Словачка и Словенија“, изјави портпаролката на НАТО, Фара Даклала.

„Оваа година се одбележува и 25-годишнината од првото проширување на пактот по Студената војна со пристапувањето на Чешка, Унгарија и Полска, како и 75 години од основањето на Алијансата“, додаде таа.

Претходно овој месец, НАТО објави податоци кои покажуваат дека повеќе од 80 отсто од граѓаните на земјите од пактот се на мислење дека земјите од Европа и Северна Америка треба да работат заедно за безбедноста.

притисни ентер