Вечерва пред граѓаните во Охрид се обратија и тројцата кандидати за пратеници на ВМРО-ДПМНЕ и Коалицијата „Твоја Македонија“ од Охрид при што посочија дека промените се во рацете на граѓаните, време е да се работи за подобро утро на македонскиот народ и за просперитетна Македонија.

„Промените се во ваши раце! Со вашата поддршка, со вашата и наша енергија. одговорно и посветено, обединети за силна, просперитетна Македонија ќе работиме за подобро утро на македонскиот народ, за Македонија повторно да биде твоја! Охрид да го направиме уште поубаво и поквалитетно место за живеење, град во кој младите ќе ја гледаат својата иднина“, истакна Грација Бакраческа.

Бакраческа додаде дека ги очекува макотрпна работа, посветеност и чесност за да се врати надежта кај граѓаните, да се врати изгубената иднина и просперитет. Промените се во рацете на граѓаните.

„Како пратеници од Охрид, нашата работа ќе биде исклучиво во интерес на државата и на граѓаните на Охрид, Македонија повторно твоја! Нашите граѓани се мудри, убедена сум дека ја препознаваат работливоста и посветеноста наспроти празните ветувања кои ви ги нуди власта“, порача Бакраческа.

„Вечерашнава слика од Охрид нека биде потсетник за бројката на граѓани кои што сакаат да си бидат свои - на своето. Вечерва гледам огромен број на млади луѓе – нашата гордост и иднина! Сигурна сум дека овие млади лица не ни размислувале за политика додека растеле, но тука се затоа што ги почувствувале погубните последици од политиката на власта во сопствената држава“, укажа Лидија Петкоска.

Петкоска додаде дека во оваа земја постојат и чесни луѓе. Време е политиката да ја напуштат оние што нанесуваат порази и понижувања. Време е чесни луѓе со искрена посветеност да го преземат кормилото.

„Затоа сме денеска тука, затоа не има во толкав број, затоа што време е за Македонија горда и Македонија твоја! Промените се во твои раце“, нагласи Петкоска.

Сашо Донев порача дека оттука, од непокорен и победнички Охрид, уверува дека новата влада на ВМРО-ДПМНЕ искрено ќе се посвети на развојот на Македонија, на Охрид.

„Владата на ВМРО-ДПМНЕ отсекогаш била и ќе биде влада која искрено го поддржува Охрид и која ќе ги реализира капиталните инвестиции, кои им беа ветени на охриѓани изминатите триесет години. За само две години несебична и макотрпна работа конечно успеавме финансиски да ја раздолжиме 30 години задолжената општина. Тоа и е одлика на ВМРО–ДПМНЕ, да работи во секој град, во секое село и населено место“, истакна Донев.

Донев појасни дека со поддршката на граѓаните ќе се создаде вистинска европска Македонија. Македонија со која ќе се гордеат сите, Македонија да биде пример за работа, за чесност и за посветеност, се наведува во партиското соопштение.

Одраз на слабост е кога наместо одговор на поставените прашања, се возвраќа со закана. И претходното градско раководство ја оценило реконструкцијата на Универзалната Сала како ризичен зафат согласно проектот кој тогаш бил отпочнат и ги запрело постапките. Не гледам зошто би продолжила да раоботам со нешто кое било оценето како небезбедно и не постои начин како безбедно да се изведува, јас да ставам „параф“ за да се задоволи нечија суета. Не постои кривична пријава за клевета, а доколку не сум 100% во право не би се залагала за одредено нешто, туку ќе се повлечам. Не се колебам, две години сум на ист став, а некој одлучи да прескокне процедури сметајќи дека нема да биде откриен и резултатите за тоа ги гледаме. Чекам надлежните да ја отркијат причината за пожарот во Универзалната Сала. Наместо одговори, добивме само напади, не може се да се крие под тепих и секогаш кабелот да биде виновен, рече Данела Арсовска во Само Вистина.

„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.

Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“. За да се усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.

„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.

Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Палестинските интензивирани напори за полноправно членство следеа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.

Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.

Амбасадорот на Израел во ОН, Гилад Ердан, тврди дека Палестинците не ги исполнуваат критериумите за полноправно членство во ОН: постојано население, дефинирана територија, влада и капацитет за односи со други држави.

„За чие признавање гласа Советот и на кого би му дале статус на полноправно членство? Хамас во Газа? Палестински исламски џихад во Наблус? Кому? Давањето полноправно членство на Палестинците во ОН „нема да има никаков позитивен ефект за ниту една страна, тоа може само да предизвика уништување во годините што доаѓаат и да им наштети на шансите за каков било дијалог во иднина“, посочи Ердан.