Живот

Полицијата испитува како родила жена која 10 години е во кома (ВИДЕО)

Полицијата го истражува неверојатниот случај на жена која роди бебе , иако десет години е во кома.

Полицијата го истражува случајот на сексуално злоставување , односно силување на жена која десет години е во кома и е сместена во Центарот за здравствена нега во Феникс , во американската држава Аризона.

Поради скандалот , директорот на оваа установа даде оставка во понеделникот. Сите вработени мажи во центарот мора да дадат ДНК на анализа , за да се утврди чие е бебето и кој ја силувал неподвижната жена.

Персоналот на центарот раскажува дека никој не знаел дека жената воопшто е бремена , се додека не добила породилни болки и почнала да стенка , по што родила здраво бебе.

Но , од друга страна Законот за заштита на податоците ги спречува надлежните да спроведат масовно земање на ДНК од целиот машки персонал , без оглед дали доброволно или со налог.

На ваквиот скандал реагираа и од индијанското племе , чија припадничка е 29 годишната жена. Поглаварот Тери Рамблер на племето Сан Карлос Апачи изрази шокираност и ужас од третманот што го добила нивната соплеменичка , која е во кома како последица од давење во вода пред десетина години.

Од семејството на жената велат дека ќе се грижат за малото момче.

Центарот во Феникс има над 40 здравствени програми за над 2 500 пациенти и тоа главно деца , тинејџери и помлади возрасни лица , кои се неподвижни и им е потребна палијативна нега.

Забава

Се одржа Меѓународниот натпревар за сирени во Шангај

Подводниот визуелен спектакл „Мермејд опен“ (Mermaid Open), познат и како Меѓународен натпревар за сирени во Шангај, Кина се одржа минатиот викенд. На него учествуваа стотина спортисти од Кина, Јужна Кореја и Казахстан.

Беа прикажани уметнички нуркачки вештини во неколку дисциплини, а натпреварувачките и натпреварувачите се оценувани во неколку категории.

Натпреварот се одржа во базен со 7.500 кубни метри вода и околу 50.000 риби во него, a двајца од јужна Кина се прогласени за шампиони - во женска и машка конкуренција, пишува „Шангај дејли“. Натпреварите со сирени станаа многу популарни во Кина последниве години, а за да го поттикне овој спорт, Океанскиот парк „Хајчанг“ во Шангај планира да организира серија настани и за претстојните празници во мај.

Регион

Видео: Атина „проголтана“ од сахарска прашина, градот обоен во портокалово

Атина и јужните делови на земјата вчера беа обвиени со сахарска прашина, со нијанси на жолта и портокалова боја што создава нереална атмосфера во градот.

Облаците од прашина, пренесени преку Средоземното море од северна Африка, го обвија акропол и другите знаменитости на Атина.. Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews. Метеоролозите најавуваа дека небото ќе се расчисти денеска поради промената на правецот на ветерот, поради што ќе паднат и температурите.

Свет

Кулеба ги пофали американските политичари за одобрувањето на пакетот воена помош за Украина

Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.

Министерот за надворешни работи на Украина, Дмитро Кулеба со ентузијазам ги пофали американските политичари за одобрувањето на долго одложуваниот пакет воена помош од 61 милијарда долари за Украина, но предупреди дека новите испораки нема веднаш да го свртат бранот на војната.

„Алелуја“, изјави Кулеба во интервју за „Гардијан“ на прашањето за реакцијата на вчерашното конечно гласање на американскиот Сенат. Тој рече дека „неговото верување е дека ќе има позитивен исход“, но Западот мора „да сфати дека ерата на мирот во Европа е завршена“ и да ја изгради својата одбранбена индустрија.

Говорејќи за „Гардијам“, Кулеба рече дека се надева оти Белата куќа ќе го претстави новиот пакет оружје „за неколку дена, можеби и часови“ и дека е „само прашање на логистика“ залихите да се префрлат на фронтот.

Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.

Кулеба, исто така, рече дека Украина идентификувала седум системи за воздушна одбрана „Патриот“ кои би можела да ги користи за заштита на цивилите во поголемите градови надвор од Киев. Еден е добиен од Германија, уште четири се лоцирани и преговорите се во тек, рече Кулеба, а на повидок се уште два. /МИА

притисни ентер