Бадник – предвестие за Божиќ

 Бадник е денот пред Божик. Празник пред празникот. Најава на празникот. Очекување на Христовото раѓање.

Првите весници на празникот се децата коледари. А весник или гласник значи ангел. Тие се нашите земни ангели. Тие се известувачите за Божик. Од рано утро нè будат со песна и со радост. Тие се првите гласници на празникот – весници на радоста. Нашите ангели за Бога и за Бадник. Рано в зори секоја куќа го слуша прекрасниот детски глас, како глас на ангелите за раѓањето на Христа Спасителот.

За добрата вест се наградува, а за коледарите награда е отворената врата, пречекот, радоста и обичните дарови – плодови од природата: ореви, костени, јаболка, круши, смокви, сливи и ситнурии. Се радуваат на малку и на едноставност, а тоа е добро школо за нас возрасните дека, всушност, толку и ни треба. Доволна е насмевка и радост, срдечност и љубов.

Тоа се богатствата што ги добиваме од децата и такво е Бадничкото семејно празнување. Негова одлика е љубовта и едноставноста. Тоа е денот кога се чувствуваме најблизу до оние што ни се најблиски и до она што ни е најблиску: до децата и до родителите, до себеси и до своите, до семејството и до природата. Најблиску до луѓето и до Бога.

Затоа на Бадник семејството е Црква. Секоја куќа е Црква. Во секој дом се пали свеќа, темјан и кандило. Во сите домови се принесува молитва од Домашната црква. Молитва заедно со принос – благодарност на Трпезата. Како в црква Евхаристија. Таква е заедницата на љубовта. Заедница на заедничарењето. Радост со најблиските, љубов крај своите.

И сето тоа со пости, за душа да се гости.

На Бадник завршуваат Божикните пости. Тоа е последната посна трпеза пред Божик, а полна со разновидна храна и овошје. Дарови од Бога, Нему принесени.

Бадник значи будност. Зборот Бадник доаѓа од старомакедонскиот збор Б'дник, Будник, што значи: Бдеење, Будност, Неспиење во ноќта спроти Божик. Будни заради очекувањето на Денот на Христовото раѓање.

Таа будност, тоа бдеење на Бадник, доколку не е молитвена будност, со присуство на сеноќно бдение, тогаш е богоугодна и домашната будност со читање на Библијата – читање за настаните поврзани со Христовото раѓање или будност во домашен разговор за библиските настани. Така е најдобро и така најпријатно се подготвува верникот за пречек на Господа. Тој Го чека Бога со насочени мисли, чувства и волја кон Него.

И Бадничката богослужба е исполнета со библиски читања за пророштвата и записите во Библијата за доаѓање на Христа Спасителот. На овој празник, во богослужбата има најмногу читања на библиските текстови и настани поврзани со доаѓањето на Спасителот на светот. Но, Бадник не е само вечерта и само ноќта, туку и целиот ден. А дента има богослужба и добро е да се појде в црква, на молитва. Но, сепак, поим за Бадник е бадниковата вечер.

Бадник е ноќта на мирот, радоста, љубовта и сплотеноста, кога будни го дочекуваме раѓањето на Господа Исуса Христа. Таа будност не мора да значи само будно око од неспиење, туку уште повеќе значи будност духовна – да бидеме духовно будни!

Бадник е роденденската ноќ на Спасителот.

Христос се роди! – Вистина се роди!

Кабинет на Ципрас: Нимиц става крај на приказната на Мицотакис за наводно одново преговарање за Договорот

Жестока вербална битка за одбраната на Македонија во грчкиот Парламент, на првиот ден од расправата за Преспанскиот договор.

И покрај жестоките критики  на Договорот, опозициската Нова демократија, како што пренесува Катимерини, нема да поднесе иницијатива за гласање недоврба на Владата на Ципрас.

Во Атина е екипата на Канал 5 со Александар Видиновски,  александар кои се најновите информации околу расправата во грчкиот парламент.

Можни ли се нови изненадувања, освен најавите за нови масовни приотести утревечер?

Никола Мицевски и Дамјан Манчевски во „Само вистина“

Вечерва во „Само вистина“ гости беа Никола Мицевски и Дамјан Манчевски

Мицевски: Зошто носите закони по скратена постапка а први бевте против тоа?
Манчевски: Законот за спречување на корупција зошто 5 до 12 се донесе?

Мицевски: Треба да ја менуваме историјата, има јавен притисок да се сменат историски факти по секое погчавје од Преспанскиот договор.
Манчевски: Договорот е потпишан веќе една година, набрзо ќе станеме членкаа на НАТО. Што е ова, лов на вештерки?

Мицевски: ВМРО ДПМНЕ наредниот период ќе работи на подобрување на договорот, не на поништување на еден ваков меѓународен документ. 
Манчевски: Ја поздравувам изјавата, ова е нова политичка реалност, вакво нешто да каже пратеник на опозицијата.

Заложничка драма во банка на Флорида , застрелани повеќе луѓе (ВИДЕО)

Шефот на полицијата на округот Хајлендс на Флорида , Дон Елвел , изјави дека повеќе луѓе се застрелани во заложничка драма во банката SunTrust во гратчето Сербинг.

Полицијата информира дека заложничката драма почнала во средна напладне по локално време, но се уште не е јасно дали застреланите се вработени во банката или клиенти. На видеото се гледа полициски и возила на итна помош .

Медицинските тимови влегоа во банката , откако беше скршен стаклениот влез. Во близина се застанати роднините и пријателите на лицата , кои се во банката.

За сега драмата нема исход и не се знае колку лица ги држат во заложништво вработените и клиентите , ниту се знае точниот број на киднапирани , како ни видот на повредите на застреланите.  

притисни ентер