Култура

Нивелација на платите во културата по дејности до март 2019

Ваквата состојба со платите во институциите во културата произлегува од непринципиелно доделување на бруто коефициенти за пресметка на плата при што не се применувал постоечкиот Колективен договор.

Министерството за култура информира дека до март 2019 година ќе спроведе нивелација на платите во културата по дејности, појаснувајќи дека причината е во тоа што што подолг период е присутен проблемот на неправилности и нелогичности во висината на бруто коефициентите за пресметка на платата, односно за исто работно место во две институции има различен бруто коефициент за пресметка на плата.

-Ваквата состојба со платите во институциите во културата произлегува од непринципиелно доделување на бруто коефициенти за пресметка на плата при што не се применувал постоечкиот Колективен договор. Исто така, во одредени дејности од областа на културата имало покачување на платата за 40 проценти, додека во заштитата и библиотекарството воопшто не е спроведно. Нивелацијата е во согласност и со иницијативата на Синдикатот за култура на РМ, средствата за нивелацијата на платите да бидат изгласани и вметнати во буџетот за 2019 година, соопшти Министерството за култура.

Во дописот до медиумите тоа нагласува дека главен приоритет останува новиот Закон за јавен интерес во културата, со чие усвојување во Собранието на Република Македонија, и по усвојувањето на новиот Закон за јавна администрација, ќе се создадат услови за потпишување на новиот Колективен договор во културата.

-Во тој контекст, сакаме да потсетиме дека од причини што Колективниот договор за културата е истечен веќе 10 години, во изминатиот период во Министерството за култура беше формирана работната група составена од претставници на стручните служби на Министерството и претставници на двата синдиката: Синдикатот за образование, наука и култура (СОНК) и Синдикатот на културните работници на Македонија (СКРМ), која активно работи на анализата за правичната валоризација на трудот на вработените во културата. Средствата потребни за остварување на овој договор, пак, по спроведените анализи, дополнително ќе бидат обезбедени, наведува ресорното Министерство.

Со склучувањето на новиот Колективен договор за културата во иднина ќе се решат негативните состојби со платите, посочува Министерството, и ќе се регулираат сите досега отворени прашања во врска со работниот однос на вработените во културата.

Претходно, од страна на Владата на Република Македонија беше препорачано средствата што се на располагање на сметката на Министерството за култура, по добиената согласност од Министерството за финансии, да бидат наменети за зголемување на платите на стручните работници во областа на заштитата на културното наследство, а во иднина секое стекнато стручно звање да добие соодветен надоместок на платата.

Македонија

Тошковски: СВР Охрид во нов објект, што треба да се реконструира со помош на идната Влада

Во рамки на посетата на СВР Охрид и средбата со градоначалникот на Охрид пред неколку дена ја зачнавме идејата за дислокација на СВР Охрид во нов објект кој треба да се реконструира.

Во рамки на посетата на СВР Охрид и средбата со градоначалникот на Охрид пред неколку дена ја зачнавме идејата за дислокација на СВР Охрид во нов објект кој треба да се реконструира, а на местото на постоечкиот објект, да биде изграден подземен паркинг и парк кој ќе биде уште едно место за рекреација на граѓаните на Охрид.

Во тој контекст денеска заедно со градоначалникот на претседателот на ВМРО-ДПМНЕ и иден премиер, Христијан Мицкоски на лице место му ја презентиравме замислата за овој проект, а за чија реализација несомнено ќе треба поддршка од идната Влада.

Од негова страна добивме уверување дека ќе даде целосна поддршка на проектот со цел да се овозможи поголем комфор во централното подрачје на Охрид каде особено за време на летната туристичка сезона има голема фреквенција на луѓе, а во исто време на полициските службеници кои работат во СВР Охрид ќе им бидат овозможени подобри услови за работа и посоодветна локација од која многу полесно и поефикасно ќе ги извршуваат своите работни задачи, објави министерот за внатрешни работи Панче Тошковски на ФБ.

Свет

Исчезна богата 16- годишна наследничка од Калифорнија- ќерка е на основачот на " Slack"

Наследничка на богатството од 1,6 милијарди долари исчезнала и се стравува дека била во една од најпознатите криминални населби во Сан Франциско.

Минт Батерфилд (16), ќерка на богатиот бизнисмен Стјуарт Батерфилд, последен пат била видена во неделата вечерта околу 22 часот во Болинас, Калифорнија.

Нејзиното исчезнување го пријавила нејзината мајка следното утро, пишува Daily Mail.

Тинејџерката посетувала приватен интернат во блиската долина Напа, а сега се стравува дека е во озлогласената градска населба Тендерлоин.

Оваа населба со децении е синоним за злоупотреба на дрога, криминал и бездомништво.

Канцеларијата на шерифот на округот Марин објави флаер за исчезнато лице, со фотографија на Минт.

Според Сан Франциско Стандард, Минт има историја на злоупотреба на супстанции и е познато дека често го посетува Тендерлоин. Полицијата се уште не соопштува дали таа доброволно си заминала и дали има некакви сугестии дека била задржана против нејзина волја.

Нејзиниот татко е ко-основач на апликацијата за пораки Slack и моментално вреди 1,6 милијарди долари.

Slack го купи Salesforce во 2021 година за 28 милијарди долари, а Батерфилд ја напушти компанијата во 2022 година.

Нејзините родители се разведени, а Минт живеела со нејзината мајка во моментот на нејзиното исчезнување.

Свет

Бесплатно пиво, такси превоз и здравствен преглед-така во Индија ги намамуваат гласачите(ВИДЕО)

Во индискиот град Бангалор сфатиле како да го зголемат одѕивот на гласачите - со бесплатно пиво и бесплатно возење со такси.

Како што јави Би-Би-Си, овој град кој се наоѓа во индиската држава Карнатака е познат по тоа што има слаба излезност на изборите.

Токму затоа, на општите избори, кои се одржуваат во неколку фази до почетокот на јуни, бројни компании решија да ги поттикнат гласачите да излезат на гласачките места. Така, хотелите, такси-службите и другите компании најавија бројни иницијативи за да ги поттикнат луѓето да гласаат.

Тие вклучуваат бесплатно пиво, возење со такси со попуст, па дури и бесплатни здравствени прегледи. Во некои продавници за храна, клиентите треба да го покажат прстот обоен со неизбришливо мастило како доказ дека гласале за да добијат попуст.

Општите избори ќе се одржат во Бангалор утре (петок) во втората од седумте фази на гласањето. Вчера Високиот суд на државата ѝ дозволи на хотелската асоцијација да обезбедува храна бесплатно или по намалени цени сѐ додека не се прекршат изборните правила.

„Различни хотели и ресторани ќе им обезбедат различни бенефиции на гласачите врз основа на нивната сопствена одлука“, изјави ПЦ Рао, претседател на хотелската асоцијација, за локалниот дневен весник Бангалор Мирор и продолжи:

- Додека некои од овие места ќе обезбедат бесплатно кафе, доса [палачинка од оризово брашно и леќа] и овошен сок за да ја победат неподносливата топлина, некои од местата ќе даваат попусти на храна или ќе имаат некои други примамливи понуди.

На последните општи избори во 2019 година, урбаната изборна единица Јужен Бангалор забележа најмал процент на излезност во државата Карнатака со „само“ 53,7 проценти од гласачите. Излезноста била исто така ниска во Бангалор Централ (54,3 проценти) и Бангалор Норт (54,7 проценти) во споредба со вкупната излезност на државата од 68 проценти. Повеќето компании почнале да ги охрабруваат жителите да гласаат минатата недела, но вчера ги објавиле понудите по одобрувањето од судот.

Популарниот тематски парк Wonderla им подарува билети на гласачите по намалени цени, додека пабот Deck of Brews им подарува бесплатно пиво на првите 50 клиенти кои гласаат. Апликацијата „Ridesharing Blu-Smart“, пак, нуди попуст од 50 отсто за патниците кои патуваат на 30 километри од избирачките места, додека такси-здружението „Рапидо“ им дава бесплатно возење на лицата со посебни потреби и постарите гласачи.

- Ова е нашиот начин да ја славиме демократијата и да привлечеме внимание на важноста на гласањето - вели Гопи Чанд Черукури, коосновач на синџирот ресторани „Мистер Фили“ за дневниот весник „Индиан експрес“.

Ресторанот нуди 30 отсто попуст на хамбургери и милкшејкови за првите 100 гласачи во ресторанот.

притисни ентер