На самиот денешен избор му претходеа многу сомнителни случувања. Прво, Управниот Одбор , без кворум донесе нелигитимна, нестатутарна одлука дека 5ти Декември 2018 е последен ден за регистрирање на членови на ЗНМ кои ќе имаат право на глас.

Потоа, Насер Селмани, иако формално во тој момент не беше номиниран, го промовираше Младен Чадиковски како канидат за Претседател, на неколку средби со новинари.

Последно, на денешното изборно Собрание, претставникот на верификационата комисија, Горан Трпеноски , официјално, пред присутните и камерите , изјави дека се присутни 169, но по интервенција на Насер Селмани, изјави дека се пријавени уште 6 новинари, со што финалната и конечна бројка на присутни новинари е 175.

Според статутот на ЗНМ, член 34 став 2, вели „Претседателот на ЗНМ се избира со мнозинство гласови од присутните на изборното собрание.“

Дополнително, Правилникот за работа на Собранието на ЗНМ вели „Доколку ниту еден кандидат не го добил потребното мнозинство, се организира втор круг на гласање, во кој се гласа за двајцата кандидати со најголем број гласови од првиот круг и за избран се смета оној што ќе освои најголем број гласови во вториот круг.“
И тука е направена повреда на постапката , затоа што, намерно или случајно, не е организиран втор круг

Оттука, јасно е дека пбедата на Младен Чадиковски е скандалозна и пирова, што, впрочем, го потврдува и самиот Горан Трпеноски.

Канал 5 ТВ утре ќе ја извести Европската Асоцијација на Новинари , за да види дали станува збор за намерна или случајна измама но и ќе ги оспори претходно споменатите постапки кои се спротивни на Статутот на ЗНМ.

Од горепосоченото, повеќе од очигледно е дека новоизбраниот Претседател на ЗНМ не е легитимен!

Се во име на новинарите!