Во меѓувреме, се појавија и првите снимки од животот на експремиерот во Будимпешта..

Здраво господине Груевски. Јас сум Балин Барди од унгарскиот весник 24.

Како излеговте од Македонија ?

Дали унгарците Ви помогнаа ?

Господине Груевски, дали унгарците Ви помогнаа ?

Унгарскиот новианр не доби одговор.

Но, првата видеоснимка на екс премиерот открива многу. Груевски е снимен во ресторан, како руча со најмалку две непознати лица, што укажува на тоа дека тој води лагоден живот и има сопствен возач. По излегувањето ги избегна прашањата на новинарот и влезе во Volkswagen Sharan, со затемнети стакла и унгарски регистарски таблички.

Дека Груевски веќе се одомаќинил во Будимпешта укажува и фотографијата која вчера беше објавена, на која се гледа како тој шета низ престолнината на Унгарија. Оваа фотографија го актуелизираше прашањето како побегнал и дали ќе биде екстрадиран во државава. По еден месец за истражните органи се уште не е познато како Груевски излегол од неговата зграда и во кој период. Од Обвинителството за организиран криминал и корупција велат дека за две недели ќе излезат со соопштение околу досегашните истражни дејствија.

Фотографијата предизивка насмевки кај шефот на обвинителството за организиран криминал и корупција Вилма Рускоска и министерката за правда Рената Дескоска. На прашање дали на распит ќе биде повикан и советникот во ВМРО-ДПМНЕ Александар Трајковски кој се гледа како се движи зад Груевски, обвинителката Рускоска одговори дека во обвинителството ќе бидат повикани сите за кои сметаат дека може да дадат информации за бегството на екс премиерот. Досега , вели биле сослушани лицата од неговото обезбедување.

“Се уште е предистражна постапка, добив информација од колегите од Црна Гора, дека ги прибрале сите снимки кои ни се потребни. Можеби понеделник вторник ќе одиме да ги преземеме. Колегата вчера ургираше во Албанија, да ни се достави побргу тоа што го имаат. Прегледувањето на снимките кои веќе ги имаме е веќе при крај, така да очекуваме негде во наредните две недели да излеземе соопштение до деталите до тогаш што ги имаме од предистражната постапка. “ вели Рускоска.

Министерката за правда , пак, се уште чека повратни информации од Будимпешта околу екстрадицијата на Груевски. Додека портпаролот на унгарската Влада Золтан Ковач на пресконференција во Брисел и денеска повтори дека сите процедури околу азилот на експремиерот се во согласност со меѓународното право и правила.

“Ја видов фотографијата, мислам дека нема човек во Македнија што следи медиум и што не ја видел. Со оглед на пракасата досегашна и роковоите, ние се уште немаме добиено ништо од Унгарија во поглед на нашето барање за екстрадиција. Сепак оние пристојни рокови не се изминати. Ќе чекаме одреден временски период , и после тоа ако не добиеме ќе испратиме ургенција. Досега немаме испратено но тоа е во рамките на роковите. “ вели Дескоска.

“ТЕ ФАТИВ” ! Избеганиот поранешен македонски премиер Никола Груевски забележан во Будимпешта. “ пишува на фотографијата која вчера околу 9 часот наутро, ја објави дописникот на Гардијан од Унгарија Даниеле Ноланд на социјалната мрежа Твитер,а потоа инстантно се рашири насекаде.

На фотографијата се гледа како Груевски се шета во центарот на Будимпешта, а таа е направена меѓу улиците “Кирали” и “Анкер Коз”.

Канал 5 уште вчера го констактираше Ноланд кој не сакаше да открие кој фотографирал, но ја потврди информацијата дека другото лице на фотографијата е Александар Трајковски , кој инаку, е еден од обвинетите во предметот на СЈО за “Насилството во општина Центар”. Тој беше и еден од говорниците на протестите пред Кривичниот суд , каде се бараше правда за Груевски.