СДСМ: Криминалот на ВМРО-ДПМНЕ остави пустош и осиромашени граѓани, сега глуми лажна загриженост

Животот на стотици илјади граѓани беше ставен на работ на егзистенција токму преку  криминалните политики на антинародната ВМРО ДПМНЕ која врз основа на лично богатење  на поединци ја осиромаши и задолжи државата, реагираат од СДСМ. 

За разлика од таквиот однос, Владата предводена од СДСМ преку конкретни мерки ја стабилизираше и придвижи економијата, се обезбедуваат повисоки плати за сите работници, се зголемуваат инвестициите, а повеќе пари остануваат кај граѓаните.

Растот на Бруто домашниот производ од 3 отсто во третиот квартал од 2018 година е последниот показател за успешноста на економските мерки на Владата предводена од СДСМ.

Додека еконономијата расте и се обезбедуваат повеќе пари кај граѓаните, антинародното раководство на ВМРО-ДПМНЕ преку груби манипулации продолжува да глуми загриженост за граѓаните.

Според јавно објавените податоци од Министерството за земјоделство, шумарство и водостопанство промената на цената на лебот се однесува на еден тип на леб и корекцијата ја имаат направено само четири производители на леб, а досега ниту еден голем производител на леб ја нема зголемено цената на лебот.  

Доколку дојде до драстично зголемување на цените и на другите типови на леб, што би влијаело врз поскапување на животниот стандард на граѓаните,институциите, Министерството за земјоделство веднаш ќе интервенира преку Агенцијата за стокови резери. На тој начин ќе се интервенира на пазарот за стабилизирање на цената на лебот доколку биде потребно, реагираат од СДСМ на прес конференцијата на портпаролот на ВМРО – ДПМНЕ, Наум Стоилковски..

Фото: Франција повторно на нозе, протести на „жолтите елеци“, апсења, пожари, судири...

Франција повторно е во знакот на протестите на движењето „жолти елеци“. 

На денешните протести кои се 23 по ред,граѓаните протестираат против економската политика на претседателот Емануел Макрон досега се уапсени околу 126 лица.

„Жолтите елеци“ протестираат денеска за да ја потсетат Владата дека обновата на изгорената катедрала Нотр Дам не е единствениот проблем кој што треба да се реши.

Според агенциските извештај денеска се уапсени околу 126 демонстранти.

Граѓаните денеска се поделени во неколку групи, во Париз се протестира пред министерството за  финансии и пред Нотр Дам. Полицијата спречила околу 200  демонстранти да влезат во Елисејската Палата.

Демонстрантите на неколку места се судриле со полицијата. Дел од нив фрлале кон полицијата со шишиња наполнети со непозната супстанца. Полицијата вратила со фрлање на солзавец.

-„Жолтите елеци“ сакаат да изразат незадоволство што за само четири дена биле собрани скоро милијарда евра за камења, а за сиромашните ништо, напишал на страницата на Фејсбук еден од водачите на „жолтите елеци“ со седиште во Монпелје.

Инаку, денешниот протест на „жолтите елеци “ низ Франција го обезбедуваат околу 60 000 полицајци.

Во КПУ Затвор – Скопје гласале преку 60 затвореници

Тековно и без проблеми се одвива гласањето во казнено-поправните установи низ земјава. Во 13 КПУ право на глас имаат 1.640 лица, од кои најголемиот број во КПУ Затвор-Скопје.

Претседателот на изборната комисија во КПУ Затвор – Скопје, Елвис Хајдар, за МИА информира дека гласачките места се отворени во седум часот утрово и гласањето се одвива без проблеми.

До 11 часот гласале 67 затвореници, додека тројца не гласале, бидејќи не биле на гласачкиот список.

Портпаролот на ДИК Љупка Гугуческа, на денешната прес-конфернеција,соопшти дека сите места се отворени навреме и гласањето во казнено-поправните установи тече без проблеми. 

Со големи мерки на безбедност во Косово вратени жени и деца на косовски џихадисти

Десетици жени и деца, членови на семејства на косовски џихадисти кои војуваа во Сирија, со авион се вратени на Косово, а целата операција е спроведена со големи безбедносни мерки.

Станува збор за 74 деца и 32 жени, како и двајца борци на Исламска држава... Според податоците на безбедносните служби, повеќе од 300 косовски граѓани, мажи, жени и деца, отпатувале во Сирија во 2012 година... Околу 70 мажи кои војувале од страната на исламистичките екстремисти се убиени во судирите.

Полицијата истакна дека околу 150 жени и деца, вклучувајќи и 60 деца кои се родени на бојно поле, се заробени откако џихадистичката група на т.н. Исламска држава почна да ги губи своите територии.

Косовските власти веруваат дека на воените боишта во Сирија се наоѓаат уште 30 косовски борци, како и 49 жени и 8 деца. Косовскиот министер за правда изјави дека на овој начин ќе им се пружи втора животна шанса. Но, тој додаде дека сите оние за кои има докази дека сториле некакво кривично дело, вклучувајќи ги и жените, ќе бидат кривично гонети. Американската влада го поздрави овој чекор на косовската влада.

притисни ентер