Лидерот на ДУИ Ахмети се сретна со амбасадорот Жбогар

 Лидерот на Демократската Унија за Интеграција Али Ахмети денеска оствари работен состанок со амбасадорот на Европската Унија, Самуел Жбогар.

Двајцата соговорници, како што соопштуваат од ДУИ, зборувале за уставните промени, системските реформи и општо за политичките случувања во земјата.

Претседателот Ахмети пред амбасадорот Жбогар ја нагласил својата загриженост во врска со пречките за успехот на Преспанскиот договор и уставните измени.

-Овие клучни моменти за земјата и регионот бараат посветеност на сите, институциите, политичките партии, граѓанското општество, медиумите и други. Овој процес е неповторлив и е важен за обезбедување на нашиот евроатлантски пат, рече претседателот на ДУИ Ахмети.

Соговорниците, исто така, како што соопштуваат, разговарале и за реформите во системот, како и за помирувањето како поврзани процеси. 

Тереза Меј го преживеа гласањето доверба

Британската премиерка Тереза Меј ја доби довербата на сопартијаците и останува на позицијата .

Со 200 гласа за и 117 против британската премиерка Тереза Меј го преживеа гласањето доверба во нејзината партија. 

Таа останува на чело на владејачката Конзервативна партија и местото премиер со тоа што најмалку една година ќе нема можност за повторнио изгласување доверба. На гласањето вечерва гласаа сите 317 пратеници .

Сепак големиот број противници на Брегзитот ја ставаат Меј во тешка ситуација , со тоа што ќе треба да го спроведе контроверзниот договор , за кој нема согласност во Парламентот.

Владата го усвои финалниот текст на предлог амандманите

Владата на денешната седница го усвои финалниот текст на предлог амандманите 33, 34, 35 и 36 на Уставот и го достави до Собранието.

Како резултат на јавната расправа,  најголеми измени има во текстот на амандманот 36 со кој се изменува и дополнува членот 49 од уставот.. Тој сега гласи:   

-Републиката ги штити, гарантира и негува особеностите, историското и културното наследство на Македонскиот народ;

– Републиката ги штити правата и интересите на своите државјани кои живеат или престојуваат во странство;

– Републиката се грижи за дијаспората на Македонскиот народ и на другите заедници и ги негува и унапредува врските со татковината;

– Републиката притоа нема да се меша во суверените права на други држави и во нивните внатрешни работи.

Финалниот текст на предлог амандманите, како и образложението за истите се достапни на веб страницата на Владата.Трета и финална фаза за нивно усвојување ќе започне во понделник, а треба да финишира на 15 јунуари..

Меркел : Нема да и попуштиме на Британија за Брегзитот

Германската канцеларка Ангела Меркел исклучи можност за промена на договорот за Брегзит на самитот на ЕУ.

,,Ние немаме намера да го менуваме договорот за излегување на Британија од Европската Унија.” , одговори Меркел на прашање на пратеник од Бундестагот. Таа вели дека се уште се надева дека ќе има регуларно излегување на Британија од ЕУ.

Меркел на седницата на Бундестагот на пратенички прашања поврзџани со Самитот на ЕУ , рече и дека во тек се подготовките во случај Британија да не го прифати договорот и да ја напушти ЕУ без план.

И од Брисел порачаа дека без оглед на развојот на настаните во Британија веќе нема да постои можност за отстапки.

притисни ентер