Василевски: Упадот во собранието беше командуван од седиштето на ВМРО-ДПМНЕ

Го разоткри ли обвинетиот Александар Василевски Нинџа целото сценарио и режисери на упадот во Собранието на 27-ми април?

Сведочејќи пред судот Нинџа тврди дека сите наредби тој ден ги добивал директно координативно оперативен штаб во ВМРО ДПМНЕ составен од видни партиски функционери при што ги споменува Сашо Мијалков, Миле Јанакиески, Кирил Божиновски, Митко Чавков  како и сега притворениот екс директор на УБК, Владимир Атанасовски. 

„Во 12.30 часот ми се јави Владимир Атанасовски. Ми рече да бидам во Скопје оти имало сознанија дека СДСМ нешто спрема и да чекам да ми се јави Бошкоски. Добиените информации беа дека СДСМ ќе избира претседател на Собранието. Ми се јави Спиро Ристовски и ми кажа да одам во штабот. Имав контакт и со Сашо Мијалков, кој ме викна и ми кажа ‘дојди во база‘. Базата беа хотелот ‘Мериот‘ и штабот на ВМРО-ДПМНЕ“, тврди во сведочењето Василевски.

Според неговото сведочење околу 18 часот, токму во моменти кога во Собранието Талат Џафери се избира за претседател, влегол во штабот на ВМРО ДПМНЕ.

„Стасав на осми. Лево е тоалетот, на крајот е чајната кујна, а има и други простории. Мобилниот го оставив на столче, влегов во салата, а внатре не беше Мијалков, туку имаше други луѓе. Го забележав командно-оперативниот штаб на ВМРО-ДПМНЕ, односно Билјана Бришковска, Кирил Божиновски, Спиро Ристовски, Митко Чавков, Миле Јанакиески. Имаше пуштено ТВ-приемник и на ТВ Нова гледаа што се случува во Собрание. Седнав на една маса, а тие збореа на мобилните телефони. Бришковска комуницираше со Трајко Вељаноски и тој ѝ даваше насоки за состојбата внатре. Јанакиески и Ристовски комуницираа со Бетмен, а Кирил Божиновски ги викаше сите општински комитети да дојдат во Скопје по директива на ВМРО-ДПМНЕ. Чавков комуницираше со тогашниот началник на СВР, Ивица Вучевски, и Митко Пешов. По некое време во штабот дојде и Владимир Атанасовски“, откри за првпат пред судот обвинетиот Нинџа.

Како директен наредбодавател за отворање на вратите од Собранието, обвинетиот Нинџа ја посочува екс заменик министерката Биљана Бришковски.

„Бришковска му се јави на Трајко и му кажа да се отворат вратите на Собранието.  Јас бев известен од директорот Владимир Атанасовски околу 19.15 часот да одам на терен и да го известувам за тоа што се случува“, тврди Нинџа.

Тој сведочи и дека во штабот бил присутен и шефот на кабинетот на претседателот Иванов, Борис Јосифовски кој рекол дека во секој момент може да биде прогласена воена состојба.

 „Сето тоа што се случи на 27 април беше координирано, а како што масата се движеше кон Собранието, наредбите беа сѐ подиректни“, тврдеше обвинетиот.

Според Нинџа, оперативци на УБК биле внатре во Собрание и ја следеле ситуација, како и план како да се извлечат од собраниска зграда.

„Кај 19 часот пешки тргнав кон Собранието. Го видов началникот на Петтата управа Никола Бошкоски, Борислав Богдановски од управата и други. Лицата веќе беа влезени во Собранието. Застанавме кај Градска болница, ја надгледувавме ситуацијата. Му свртевме на Никола Митревски – Кољо. На Никола Бошкоски му јавивме дека внатре тепаат пратеници. Бошкоски ни кажа дека има луѓе за прикриени операции и отворен прозор на првиот кат, за евакуација на фантомките“, сведочи Нинџа.

Во Жена парк, како што сведочеше пред судот, се сретнал со Горан Грујовски кој наводно му кажал дека внатре има луѓе и од военото разузнавање и дека секој момент ќе биде прогласена воена состојба, но дека кратко потоа Грујовски добил повик дека како што рече Нинџа  „некој друг ја презел контролата“.

„Подоцна уште еден повик доби Грујевски: ’Вонредна состојба нема да има! Под притисок на странски фактор кај претседателот Иванов!”, рече Нинџа.

Пред судот Нинџа рече дека сето ова што денеска го изнесе досега го раскажал само пред Јавното обвинителство за организиран криминал.

Тереза Меј го преживеа гласањето доверба

Британската премиерка Тереза Меј ја доби довербата на сопартијаците и останува на позицијата .

Со 200 гласа за и 117 против британската премиерка Тереза Меј го преживеа гласањето доверба во нејзината партија. 

Таа останува на чело на владејачката Конзервативна партија и местото премиер со тоа што најмалку една година ќе нема можност за повторнио изгласување доверба. На гласањето вечерва гласаа сите 317 пратеници .

Сепак големиот број противници на Брегзитот ја ставаат Меј во тешка ситуација , со тоа што ќе треба да го спроведе контроверзниот договор , за кој нема согласност во Парламентот.

Владата го усвои финалниот текст на предлог амандманите

Владата на денешната седница го усвои финалниот текст на предлог амандманите 33, 34, 35 и 36 на Уставот и го достави до Собранието.

Како резултат на јавната расправа,  најголеми измени има во текстот на амандманот 36 со кој се изменува и дополнува членот 49 од уставот.. Тој сега гласи:   

-Републиката ги штити, гарантира и негува особеностите, историското и културното наследство на Македонскиот народ;

– Републиката ги штити правата и интересите на своите државјани кои живеат или престојуваат во странство;

– Републиката се грижи за дијаспората на Македонскиот народ и на другите заедници и ги негува и унапредува врските со татковината;

– Републиката притоа нема да се меша во суверените права на други држави и во нивните внатрешни работи.

Финалниот текст на предлог амандманите, како и образложението за истите се достапни на веб страницата на Владата.Трета и финална фаза за нивно усвојување ќе започне во понделник, а треба да финишира на 15 јунуари..

Меркел : Нема да и попуштиме на Британија за Брегзитот

Германската канцеларка Ангела Меркел исклучи можност за промена на договорот за Брегзит на самитот на ЕУ.

,,Ние немаме намера да го менуваме договорот за излегување на Британија од Европската Унија.” , одговори Меркел на прашање на пратеник од Бундестагот. Таа вели дека се уште се надева дека ќе има регуларно излегување на Британија од ЕУ.

Меркел на седницата на Бундестагот на пратенички прашања поврзџани со Самитот на ЕУ , рече и дека во тек се подготовките во случај Британија да не го прифати договорот и да ја напушти ЕУ без план.

И од Брисел порачаа дека без оглед на развојот на настаните во Британија веќе нема да постои можност за отстапки.

притисни ентер