„Само Вистина“ вечерва со Петар Арсовски и Јован Донев

Вечерва во „Само Вистина“ ќе дебатираат Петар Арсовски и Јован Донев.

Почитувани гледачи, претпоследниот работен ден од оваа недела на пултот резервиран дерби на колото, за интелектуалните „тешкаши“ - аналитичарот Петар Арсовски и професорот Јован Донев.

Зошто никој не го слушна Црногорскиот Министер за надворешни работи , кој во Скопје ни кажа дека власта веднаш била информирана за влезот на Груевски на нивна територија?

Дали македонската тајна полиција делувала изминативе 15 години како раштиман оркестар? Свесни ли сме што значи НАТО за Македонија, и дали ја гледаме блиската иднина на северот од нашата земја?

Почнуваат ли да „пропејуваат“ луѓето од доверба на минатата власт? Кој ги отвори вратите а кој ќе го затвори судскиот процес за настаните од 27-ми Април?

Дали граѓаните во Македонија може да бидат нелегално снимени и за кажан збор обвинети за кривични дела?

Уште колку „истраги во тек“ ќе се влечат, а дали конечно огрешените ќе го видат лицето на правдата?

За опозицијата -политичка хајка, за власта невиден преседан, што значи бегството на Груевски за граѓаните? Дали политичките игри ја надминаа грижата за празниот стомак?

Арсовски е на став дека помирувањето нема да ја спречи испораката на правда, а професорот Донев со потсмев гледа на фактот што Македонија е единствена држава аспирант за членство во евро атлантските институции чиј премиер 2 години одеше на суд и избега.

Кој на друг јама му копа, нема да добие земјоделски субвенции. Вечерва на исто место во исто време, со различни погледи на вистината, но во „Само Вистина“ - Петар Арсовски и Јован Донев, само на Канал 5 Телевизија.

Заев: Ветивме промени, ги донесовме промените

Заврши седницата на Централнито Одбор на СДСМ.Претседателот на СДСМ и премиер Зоран Заев им се заблагодари на сите членови на раководството што до сега беа на функција. 

Претседателот на СДСМ , Зоран Заев по завршувањето на седницата на ЦО на СДСМ рече дека ветеното го исполниле. Целиот фокус ќе биде на подобрување на животот на граѓаните, рече Заев. Тргнавме од своите редови за подобрување , народот тоа ќе го цени.

Пораката ја примивме и сите сили ќе ги насочиме кон подобрување на животот на граѓаните. Следуваат промени во извршната власт , рече премиерот. 

На местото на Кирацовски доаѓа Љупчо Николовски за генерален секретар на СДСМ и нема да биде веќе Министер за земјоделство . 

Земјотрес во Мостар -Се тресеа врати и прозорци

Земјотрес со јачина од 3,2 степени по Рихтер попладнево во 17.25 часа го стресе Мостар.

Земјотресот е почуствуван во Херцеговина и во дел од Далмација. Во епицентасрот земјотресот бил со јачина од 3,2 степени по Рихтер . Длабочината на потресот бил на пет километри.

Освен мала материјална штета и вознемиреност кај жителите , земјотресот не предизвикал други проблеми.

Нови проекции на Европскиот Парламент:EПП има 46 места помалку

Според новите проекции на идниот состав на ЕП , Европската наросдна партија останува најсилна политичка сила , но со 46 мандати помалку .

Социјалиситите се на второто место со 40 мандати помалку отколку во досегашниот состав. Така , ЕПП добива 170 места , а Социјалдемократите ќе имаат 147 места .

Либералите заедно со листата на францускиот претседател Макрон има 103 места. Коалицијата Европа, нација и слобода во која е Лига на Матео салвини има 71 место , односно 35 мандати повеќе .

Европските конзервативци и реформатори имаат 59 места , односно 18 мандати помалку. Досегашниот пратенилчки клуб Европа за слободна и директна демократија во која е антисемитското движење Пет ѕвезди и партијата Брегзит на Најџел Фараж има 48 места, шест повеќе од досега.

Обединетата европска левица доби 46 места или шест помалку.

притисни ентер