Косово повторно не доби членство во Интерпол

Ниту во третиот обид, не помина барањето на косово за прием во Интерпол.

На генералното собрание на Интерпол во Дубаи, за прием на косово во Интерпол во првиот круг гласаа 68 делегати, 51 беа против, а воздржани 16.

Претседателот на Србија, Александар Вучиќ изјави дека, одбивањето на барањето за членство на косово во Интерпол е успех на Србија, но дека поради тоа не треба да се биде еуфоричен и да се понижува Косово.

-Ние ја подобривме меѓународната позиција, но не смееме во оваа прилика тоа да го искористиме, односно да ја понижуваме приштинската страна“, додаде Вучиќ на вонредна прес-конференција која ја одржа со шефот на дипломатијата, Ивица Дачиќ.

Косово досега трипати поднесуваше барање за членство во 2010, 2015 и минатата година, кога премиерот на Косово, Рамуш Харадинај, една недела пред генералното собрание во Кина, го повлече барањето поради недостаток на гласови за поддршка.

 Минатата година во интерпол беше примена Палестина и покрај противењата на Израел и САД, како и на Соломонските Острови.

Земјотрес во Мостар -Се тресеа врати и прозорци

Земјотрес со јачина од 3,2 степени по Рихтер попладнево во 17.25 часа го стресе Мостар.

Земјотресот е почуствуван во Херцеговина и во дел од Далмација. Во епицентасрот земјотресот бил со јачина од 3,2 степени по Рихтер . Длабочината на потресот бил на пет километри.

Освен мала материјална штета и вознемиреност кај жителите , земјотресот не предизвикал други проблеми.

Заев: Ветивме промени, ги донесовме промените

Заврши седницата на Централнито Одбор на СДСМ.Претседателот на СДСМ и премиер Зоран Заев им се заблагодари на сите членови на раководството што до сега беа на функција. 

Претседателот на СДСМ , Зоран Заев по завршувањето на седницата на ЦО на СДСМ рече дека ветеното го исполниле. Целиот фокус ќе биде на подобрување на животот на граѓаните, рече Заев. Тргнавме од своите редови за подобрување , народот тоа ќе го цени.

Пораката ја примивме и сите сили ќе ги насочиме кон подобрување на животот на граѓаните. Следуваат промени во извршната власт , рече премиерот. 

На местото на Кирацовски доаѓа Љупчо Николовски за генерален секретар на СДСМ и нема да биде веќе Министер за земјоделство . 

Нови проекции на Европскиот Парламент:EПП има 46 места помалку

Според новите проекции на идниот состав на ЕП , Европската наросдна партија останува најсилна политичка сила , но со 46 мандати помалку .

Социјалиситите се на второто место со 40 мандати помалку отколку во досегашниот состав. Така , ЕПП добива 170 места , а Социјалдемократите ќе имаат 147 места .

Либералите заедно со листата на францускиот претседател Макрон има 103 места. Коалицијата Европа, нација и слобода во која е Лига на Матео салвини има 71 место , односно 35 мандати повеќе .

Европските конзервативци и реформатори имаат 59 места , односно 18 мандати помалку. Досегашниот пратенилчки клуб Европа за слободна и директна демократија во која е антисемитското движење Пет ѕвезди и партијата Брегзит на Најџел Фараж има 48 места, шест повеќе од досега.

Обединетата европска левица доби 46 места или шест помалку.

притисни ентер