Македонија

Вучиќ: Груевски со лична карта и унгарски дипломати преку 4 граници до Будимпешта

Српскиот претседател Александар Вучиќ, една недела по бегството на екс премиерот Никола Груевски, ги откри деталите за тоа како Груевски патувал низ земјите од соседството.

Во интервју за српските медиуми Вучиќ кажа дека тие немале правна обврска да го застанат Груевски, бидејќи за него немало меѓународна потерница, а српскиот претседател, за првпат спомна и инволвираност на унгарски дипломати во бегството на екс премиерот.

Според сознанијата на српските власти, Груевски ја напуштил Македонија ноќта меѓу саботата и неделата.

Вучиќ потоа откри дека уште во амбасадата во Тирана, Груевски побарал азил, а врз основа на тоа добил т.н. пасаван, односно патен лист, за напречено да може да биде трансфериран до Унгарија. Со документите преку граничниот премин Божај со возило на унгарската аабасада влегол во Црна Гора во неделата вечерта околу 19 часот, а истата вечер околу 22 и 30, Груевски влегол во Србија. Потоа, според тоа што го откри Вучиќ, без застанување Груевски исто така со возило на унгарските власти, стигнал до граничниот премин Хоргош и утрото околу 5 часот во понеделникот влегол на унгарска територија.

„Барате од Србија да апсиме лице за кое нема потрага и потерница, тоа го сакате од Србија, што сме ние, диво племе, дива земја да апсиме луѓе за кои не е распишана ни потрага, а не меѓународна потерница, тоа ли го очекувате, наместо да се прашате кого сте пуштиле и зошто толку сте чекале за да ја распишете потерницата.“ – изјави претседателот на Р. Србија, Александар Вучиќ.

Според Вучиќ, главното прашање во случајот е како Груевски успеал да избега од Македонија и зошто се чекаше неколку дена за распишување на потерница.

Свет

Путин се фокусира на миграцијата за да ја дестабилизира Финска, нагласи Фон дер Лајен

Претседателката на Европската комисија, Урсула фон дер Лајен денеска нагласи дека Русија сега ги фокусира своите хибридни напади врз соседна Финска, користејќи мигранти за да се обиде да ја дестабилизира таа држава.

Нордиската земја ја затвори својата источна граница во средината на декември, откако речиси 1.000 мигранти пристигнаа без виза преку нејзините гранични премини со Русија од август.

Двата соседа делат 1.340 километри граница, а Хелсинки рече дека порастот на баратели на азил е организиран од Русија, обвинение што Москва го негира.

„Од хибридниот напад што Белорусија го започна во ноември 2021 година против Летонија, Полска и Литванија, сите знаеме како Путин и неговите сојузници ги инструментализираа мигрантите да ја тестираат нашата одбрана и да се обидат да не дестабилизираат. Сега Путин се фокусира на Финска“, изкави Фон дер Лајен.

Таа говореше по средбата со финскиот премиер Петри Орпо во финскиот град Лапеенранта, околу 30 километри од руската граница, каде разговараа за тоа „што можат Финска и ЕУ да направат за да спречат инструментализирана миграција кон источната граница на Финска“, се вели во соопштението./МИА

Забава

Руси поставија светски рекорд со скок со падобран

Истражувачи од Русија минатата недела поставија светски рекорд со скок со падобран спуштајќи од Земјината стратосфера над Северниот Пол.

Мисијата служеше и како тест за нов прототип на комуникациски систем за употреба на Арктикот, изјави денеска организаторот Никита Цаплин.

Падобранците Михаил Корниенко, Александар Линик и Денис Јефремов скокнаа од авион „Иљушин-76“ на височина од 10.500 метри и слободно паѓаа две и пол минути пред да ги отворат своите падобрани на 1.000 метри од земјата. Сите тројца падобранци паѓаа со брзина од повеќе од 300 километри на час, на температура некаде и околу -50 Целзиусови степени, според Цаплин.

Михаил, Александар и Денис слетале во близина на руската поларна база „Барнео“.

Инаку, стратосферата е слој од атмосферата на Земјата којшто се протега од 10 километри (околу 8 километри на Земјините полови) до 55 километри. Комуникациите на Арктикот ќе стануваат сè поважни бидејќи Русија, САД и Кина се натпреваруваат за ресурси, трговски патишта и воена предност.

- Нашето решение засега е прототип, но сепак се поврзавме со сателитот од нашиот сервер и го извршивме преносот на податоци... Направивме мали чекори во таа насока и тоа беше нашата задача, рече Цаплин.

Компанијата, или системот „Иридиум“ - именувани по реткиот хемиски елемент, работи така што сателитите за комуникација се поставуваат во ниската орбита на Земјата - на височина од околу 781 километар (наместо вообичаените 33.000 км). На тој нов современ начин податоците се пренесуваат на помалите компактни уреди за илјадити дел од секундата. /МИА

Регион

В недела евакуација на жителите на Ниш поради неутрализирање бомба

Во Ниш, в недела ќе биде уништена голема бомба останата од бомбардирањето на НАТО во 1999 година, пронајдена пред четири дена на градилиште при доградбата на Научниот технолошки парк.

Поради таа причина, беше објавена наредба за евакуација на жителите од големиот градски кварт во реонот на северниот дел на тврдината Ниш.

Градскиот штаб за вонредни состојби на градот Ниш во наредбата ги наведува и мерките што граѓаните треба да ги преземат од недела во седум часот наутро, до завршување на акцијата за неутрализирање на бомбата.

За да се заштити животот и здравјето на луѓето и животните, потребно е граѓаните во недела, најдоцна до седум часот наутро, да ги напуштат објектите и со себе да ги земат своите миленици. Забрането е враќање на граѓаните во своите домови до завршување на акцијата на уништување, односно додека не добијат дозвола од надлежните да се вратат.