Три ѕвезди од Европската атлетска федерација за организацијата и квалитетот на трката „Охрид трчаТ"

Спортско-рекреативната манифестација „Охрид трчаТ" доби сертификат со три ѕвездички од Европската атлетска федерација, за квалитет на трка и организација на настан.

Рангирањето со три ѕвезди претставува успех за организаторот и атлетскиот настан, уште повеќе што тоа е стекнато веќе со второто издание на овој сега најмасовен спортско-рекреативен настан во Охрид.

Директорот на трката, Иван Цветкоски изјави дека препознавањето на трката од Европската атлетика како настан и организација дополнително ги мотивира да ја градат спортската манифестација „Охрид трчаТ" заедно со сите партнери, пријатели, волонтери, соработници и поддржувачи на уште повисоко ниво со цел веќе од 2020 година да ги добијат максималните пет sвезди за квалитет на настан.

-За нас како организатори на трката, сертификатот за квалитет на трка и организација претставува голем мотив за иднината на настанот, за кредибилитетот наш, за професионализмот. Дополнително овој сертификат обезбедува сигурност за тркачите, за сите учесници, што сигурно ќе овозможи да бидеме уште повеќе прифатени од тркачката заедница, граѓаните и сите подржувачи, изјави Цветкоски.

Следното трето издание на „Охрид трчаТ" ќе се одржи на 2 јуни, а пријавувањето со многу новитети и изненадувања ќе започне во најскоро време.

Нова рунда дијалог меѓу Белград и Приштина за ЗСО и забраната за динари во Косово

 Нова рунда од дијалогот Белград - Приштина ќе се одржи денеска во Брисел. Делегацијата од Белград ја предводи директорот на Канцеларијата за Косово и Метохија, Петар Петковиќ.

Петковиќ рече дека ќе има разговори на техничко ниво за сите прашања важни за деескалација, вклучително и Заедница на општини со мнозинско српско население (ЗСО) и укинувањето на динарот.

-Темата секако е ЗСО, како прва и основна тема, но и други важни прашања за деескалација, а во рамките на нив, пред се, прашањето за динарот и забраната Србите да земаат плати, пензии во Косово, и се тоа води до хуманитарна катастрофа, изјави Петковиќ.

Претходната рунда од дијалогот меѓу Белград и Приштина во Брисел се одржа на крајот на февруари. /МИА

Едно лице е тешко повредено во сообраќајка на излезот од Прилеп за Битола

Едно лице е тешко повредено во сообраќајната несреќа што се случила ноќеска, пред 2 часот по полноќ. 

Во сообраќајната несреќа се судриле камион и патничко возило на излезот од Прилеп, на регионалниот пат за Битола, кај клучката во близина на „Паркот на револуцијата“. Поради тешките повреди лицето, возач на патничкото возило, било веднаш префрлено на лекување на клиниките во Скопје.

Според основниот јавен обвинител Маријана Илиеска која направила увид на местото на несреќата, сѐ уште не се знаат причините за несреќата.

-Несреќата се случила при директен судир на камион, натоварен со земјоделски средства и патничко возило марка „Ауди“. Од силината на ударот целата предна страна на патничкото возило е уништена. Тешко повреден е возачот на „аудито“ и по констатираните повреди веднаш е префрлен на лекување на скопските клиники“, рекла таа.

Полицијата и јавниот обвинител направија увид на местото на несреќата. Во камионот биле две-три лица.

Кембриџ доби 20 милиони фунти од компании за фосилни горива

 Британскиот универзитет Кембриџ денеска објави дека, по кампањата на студентите и академиците, усвоил мораториум за нови донации за компаниите за фосилни горива.

Одлуката следи по препораките во минатогодишниот извештај на поранешниот претставник на ОН за климатски промени Најџел Топинг.

Кембриџ рече дека суспензијата е усвоена во петокот „со оглед на посветеноста на универзитетот за справување со климатските промени преку транзицијата кон свет без јаглерод“.

Според извештајот на Топинг, универзитетот добива релативно мали донации од индустриски партнери, што изнесува 5,1 отсто од вкупниот буџет за истражувачки и хуманитарни програми.

Ова изнесува околу 3,3 милиони фунти годишно во последните шест години.

Индустриите за фосилни горива учествуваат со 0,4 отсто во финансирањето на истражувачки и хуманитарни програми, а нивните донации сочинуваат 0,1 отсто од вкупниот приход на универзитетот, се наведува.

Одлуката на Кембриџ првпат беше објавена во понеделникот од Фајненшл тајмс, кој рече дека универзитетот прифатил 19,7 милиони фунти од нафтените гиганти БП и Шел меѓу 2016 и 2023 година.

Универзитетот има за цел да постигне нула нето емисии на стакленички гасови до 2038 година.

притисни ентер