Делови од општините Чаир, Ѓорче Петров, Гази Баба и Центар утре без струја

Корисниците од делови од скопските општини Чаир, Гази Баба, Ѓорче Петров и Центар утре ќе бидат без електрична енергија, соопшти Центарот за управување со кризи.

Од 8.30 до 12.00 часот, на улицата „Серава" и дел од улицата „Џон Кенеди" ќе има прекин на електрична енергија, додека во населба Синѓелиќ, од 10.00 до 12.00 часот, без струја ќе бидат корисниците од улицата „Сава Ковачевиќ".

Во Општина Ѓорче Петров, од 9.00 до 15.30 часот без струја ќе бидат корисниците од дел од улицата „Ѓорче Петров" и во период од 9.30 до 14.00 часот на дел од улиците „Борис Серафов" и „Крсто Раковски", како и дел од булеварот „Партизански одреди" – делот кон „ЈСП – Скопје", ќе има преки на електричната енергија.

Од 10.30 до 13.00 часот ќе има прекин на електричната енергија на дел од улиците „Козара" и „Шарски одред" во Општина Центар. 

Заев: Повикувам на итна одговорност од секој што направил непотизам

Премиерот и претседател на СДСМ, Зоран Заев на вечерашната трибина во центарот на Прилеп повика на политичка и професионална одговорност од секој што направил непотизам и го ускратил правото на граѓаните.

Само така, посочи, ќе ја средуваме државата и никако поинаку.

– Еве ги денеска одлуките, директно испраќам наредба до сите, веднаш да се повлечат од работните места каде што се. Само така ќе функционира системот. Државната антикорупциска комисија е независна институција и очекувам да ги соопшти резултатите што ги најави и за другата страна оти тие беа примерот за непотизмот во државата и целото партиско, но и роднинско вработување. Очекувам и за другата страна, додаде Заев.

Пендаровски во Прилеп: Не смееме да дозволиме да се вратиме назад во времето на Груевски

Со масовно гласање на 5 мај, ние конечно, по 10 години, ќе добиеме вистински претседател на државата. 

Масовното гласање значи поддршка на концептот за НАТО и ЕУ, за напредок на земјата и повеќе да не се враќа во мрачен режим, истакна претседателскиот кандидат Стево Пендаровски на вечерашната трибина во центарот на Прилеп на платото околу Градскиот саат.

-Три клучни работи се битни. На 5 мај битно е да излеземе масовно на избори зашто најбитен е овој концепт кој го поддржуваме јас, премиерот и од владејачката структура зашто се води државата во НАТО и во ЕУ. Иако 30 години сите генерации на етникуми кои живеат во земјава сакаа да ја видат земјава во НАТО, и ЕУ, оваа генерација може да го оствари тој сон. Само овој концепт, ако добие ваша поддршка на 5 мај, ја носи Македонија во друштвото на развиени земји. Второ, масовното гласање на 5 мај за бројот 3  значи дека никогаш повеќе во оваа земја нема да се врати режимот на Груевски и на фамилијата, рече Пендаровски.

Многу фамилии, фирми и бизниси, додаде, и од Прилеп, беа запустени.

-Верувам и луѓе кои гласале за ВМРО-ДПМНЕ не сакаат тие времиња да се вратат. Груески ќе се врати само да отслужи казна затвор. Со масовното гласање на 5 мај, ние конечно, по 10 години, ќе добиеме претседател на државата. Во последните осум години немавме претседател кој ќе ја почитува правната држава и ќе работи за своите граѓани. Затоа, со масовно гласање на 5 мај, сите ќе добијат претседател од кој нема да се срамат, рече Пендаровски пред прилепчани.

Претседателот на СДСМ и премиер Зоран Заев нагласи дека пораката е примена од разочараните граѓани кои не излегоа на гласање во првиот круг. Ќе има метла, потенцира, зашто ова се слободни и демократски избори и состојби во земјава.

-Ова е вистинскиот пат да направиме напори за да ги сфатиме сериозно овие избори. Вториот круг не смееме да го пропуштиме. Разочараните гласачи ни испратија порака. Јасно ги примивме пораките на граѓаните кои останаа дома во првиот круг од изборите. Се ќе коригираме. Ќе има „метла", зашто ова се слободни избори. На времето немаше ниту „дршка" од таква метла. Народот дава шанса и очекува добар збор, совет од политичарите, рече Заев.

Според него, сите се свесни дека друга алтернатива за земјата нема и ниту има враќање назад во мрачниот режим. Политичките опоненти ниту имаат концепт, ниту нудат став за битните прашања.

-Сите се свесни дека друга алтернатива за нашата земја нема. Не може да излезете пред својот народ да барате поддршка без да нудите иднина, без концепт и без да имате став за битните прашања. Сакаат да ловат гласови на разочараност, но не можат да нудат иднина на државата и на целиот народ, на сите етнички заедници. Затоа, одговорноста е ваша, колку што е наша, истакна Заев.

Нема напредок, додаде, посебно економски без НАТО и без ЕУ. Преговорите со ЕУ се „меден месец" за нас. Само со ЕУ ќе добиеме повисок стандард, а ако имаме повисок стандард, младите нема да ни бегаат од земјата, а правда ќе има само со вистински претседател.

-Со Стево Пендаровски за претседател ќе има правда, а судскиот систем ќе носи одлуки. Одлуките се зашто има докази за ред и поредок во државата. Очекувам и резултати од Антикорупциската комисија  и одговор за секој што направил непотизам, подеднакво од сите страни, рече Заев.

Испраќам порака, потенцира, дека наша должност е државата да ја обезбедиме и да не се враќа назад.

-Да излеземе масовно за изборите да бидат успешни, демократски и да бидеме одговорни граѓани. Да излеземе сите во вториот круг за да бидеме одговорни граѓани. Сето друго е враќање кон мрачно минато, кон кавги со сите соседи и со целиот свет, рече Заев нагласувајќи дека сега има економски напредок, буџетот е ливиден, странските инвестиции се 625 милиони евра, расте бруто домашниот производ, а расте и социјалната поддршка на граѓаните. 

Големи шумски пожари пустошат низ Норвешка (ВИДЕО)

Стотици луѓе се евакуирани од домовите поради големите шумски пожари на северот на Норвешка.

Само во малото гратче Сокндал се евакуирани 150 домаќинства , каде пшожарот во тој регион беснее од вчера. Пожарникарите велат дека пожарите и натаму се надвор од контрола , поради силниот ветар што го разгорува.

Норвешките власти се загрижени поради пожарите , не само за уништените големи површини под шума , туку зашто никогаш претходно немало шумски пожар во овој период од годината , особено на северот , каде претходните години се уште имало снег.   

притисни ентер