ФИФА: Суспензија за фудбалерите кои ќе настапуваат во Суперлигата!!

Светската фудбалска федерација ФИФА им се закани на фудбалерите чии клубови најавуваат основање на елитна европска Суперлига.

-Играчите кои ќе бидат дел од Европската Супер-лига нема да можат да играат за репрезентациите. ФИФА најави суспензии за сите фудбалери што ќе бидат дел од најавеното натпреварување.

Најавената суспензија од ФИФА  подразбира забрана за настап на фудбалерите кои би играле во најавената Суперлига за нивните национални селекции  на светските и европските првенства.

Првиот човек на  ФИФА, Џани Инфатино, вели дека негова обврска е да го „штити фудбалот“.

„Видовме многу обиди за одделување од главната структура. Или сте во неа или ќе бидете комплетно надвор. Играчите кои на клупско ниво нема да бидат со нас, тогаш нема да играат ниту во националните лиги, во конфедерациските натпреварувања ниту пак на Европските и на Светските првенства“ – порача  Инфантино.

Инаку пред десетина дена најбогатите фудбалски клубови од Европа најавија формирање на Суперлига во 2021 година.

Во лигата која е надвор од рамките на ФИФА и УЕФА би играле гигантите на светскиот фудбал  Реал Мадрид, Јувентус, Барселона, Манчестер Јунајтед, Ливерпул, Барен Минхен, Милан, и уште неколку од најбогатите и најтрофејните екипи во Европа.

Според дел од европските медиуми раководните луѓе на овие гиганти веќе и одржале неколку тајни состаноци на кои разговарале формирање на елитно натпреварување.

Македонија на СП 2019 - Расчекор меѓу очекувањата и реалноста

Машката ракометна репрезентација на Македонија  и по освоеното 15-то место на Светското првенство во Данска и Германија ги обнови старите но се чини отвори и нови прашања. 

Ракометната репрезентација на Македонија и на Мундијалот во Германија и Данска замина со вообичаениот оптимизам негуван во последните 10-ина години. Овојпат можеби поумерен од претходно за што имаше и објективни причини но сепак доволно силен нацијата со изразен апетит да чека ново нишко чудо.

Во тоа нема ништо лошо бидејки спортски легитимно е да се очекува висок дострел и од тимови што не се топ фаворизирани . Се разбира спортот не би бил толку привлечен ако не се случуваат сензационални исходи.

Македонија на Мундијалот беше далеку од пријатно изненадување па 15-то место уште еднаш понуди различни заклучоци околу прашањето успех или неуспех, секако со соодветни аргументи.

Овој национален тим во претходните 4-5 години ги загуби Мојсоски, Димовски, Јоноски, Миркуловски и уште неколкумина од сосема неспорна  причина – крај на нормалниот спортски век.

Во него остана уште само мал дел од златната генерација што се проби во светскиот врв во Хрватска пред 10 години, а потоа блесна петта во Србија. Од друга страна , на за нас штотуку завршениот Мундијал, замина сериозна група млади но искусни и сосема млади ракометари, односно дебитанти што за многумина е аргумент за сериозно подмладување.

И тоа е во ред и сосема нормален и разумен процес за било кој национален тим,  што зависно од потенцијалот носи различен ефект, но по дефиниција носи и прилично висока доза на стрес.

Во нашиот случај, барем од она што можеше да се види и слушне, очигледно донесе и силна неконтролирана нервоза кај ветеранската група. Имало и друг пат но овојпат изгледаше пренагласен очигедниот судир што наликува на клановски внатре во тимот. Речиси и да немаше посериозна изјава на повозрасните што не содржеше силна критика за младите репрезентативци за лошо залагање и ефект. Не е спорно дека понекогаш таквите напади можат да делуваат мотивирачки но овојпат стана претерано.

Ракоментиот национален тим секогаш умешно ги криел внатрешните проблеми но овојпат свесно или несвесно тие беа пуштени надвор. Причините може  да се претпостават или да се нагаѓаат но многу веројатно е да се во насока после нас следува потоп што е прилично некоректно па дури и себично.

Ванчо, Мојсо, Жути и Јоно се простија достојно од селекцијата и никогаш не беа премногу строги кон Дејан, Џомба Столе, Пеше, Ојле и другите кога им се приклучуваа.

Ваквите напади колку и да се основани, а не се, можат да нанесат несогледиви штети во репрезентацијата и тоа сосема без потреба. Штети што нема да можат да ги испеглаат ниту тактичарите генијалци на клупата, ниту 7 на 6, ниту 6 на 6, ниту пак авторитативни раководства што се убедени во исправноста на своите политики. 

Гејмер вози побргу од Ф1 пилот (ВИДЕО)

Професионалниот гејмер Енцо Бонито го шокираше светот на автомобилските трки кога на натпреварот Race of Champions на патеката беше побрз од Бразилецот Лукас ди Граси , поранешен пилот на Ф1 и шампион на Формула Е во 2016/17.

Енцо Бонито е професионален гејмер , кој се натпреварува во тркачки симулации за , каде меѓу другите, вози и Макс Верстапен. На натпреварот Race of Champions, одржан викендов во Мексико во квалификациската рунда беше побрз од Бразилецот Лукас ди Граси. Бонито го победи шампионот за половина секунда и се појави на ансловните страници на спортските магазини.

На натпреварот учествуваше и Себастијан Фетел , Пиер Гасли и Том Кристенсен , кој е деветкратен победник на трката Ле Ман. На крајот победи мексиканскиот рели возач , Бенито Гуера.

Натпреварот Race of Champions се одржува еднаш годишно и на него учествуваат најдобрите возачи на Формула , како и најдобрите гејмери на светот.

Германски ракометен репрезентативец заврши во болница

Германскиот ракометар Мартин Штробел заврши во болница по тешката повреда на почетокто на натпреварот со Хрватска.

Штробел влезе во дуел со Хрватот Степанчиќ , но пред да влезе во контакт , му се свитка левото колено и падна на паркетот. Германскиот репрезентативец веднаш сигнализираше , по што притрчаа докторите.

По неколку минутен прекин на играта , Штробел беше изнесен од теренот и е однесен во болница.

притисни ентер